AYUB 10:16 - Susula Malalaok Hehelu Palak Ma Hehelu Beuk

¹⁶ Metema, au hapu buna-boak, leomae ta ba'uk fa, O usi au sama leo singa, ma O matu'du seluk, O koasam-ma, fo ka'da, soaneu O makabibiik au.

AYUB 10:16 ပူးပေါင်းရင်းမြစ်များ

AYUB 13:24

Tao le'e de O makadedeak ma la'o neme au mai? Hu beek de O tao au da'dik O musu nom?

AYUB 16:9

Manetualain sii-sii lulu'i au aopaang-nga no nasak; Ana mete au no mata panan pila lo'a-lo'a.

AYUB 5:9

Manetualain tao tatao-nono'i matuaina-la, de ita ta hapu dodoo-tala fan, Ana tao manada'di beuk-kala, ta hapu leke-na dede'un-na fa, ma ta basa fan.

YESAYA 38:13

Le'odae katemak esa, au akadii-akau, nanahu ame'da he'dis, nono'kabai singa esa, ana hengu nakalulutuk au duing-ngala; au aedaenga, neukose Manetualain tao nate'e au so'dang-nga.

YEREMIA 5:6

Hu ndia de, neukose singa neme nula dale mai, fo taonisas, ma busa fuik-ka neme moo solokaek-ka mai, fo sii-sii lulu'is. Neukose meoasu-la lapanggela, fo ala sanga nana'an-na, nai deka no sila kotan-nala, fo ba'eneu hataholi see, fo ana kalua soona, neukose ala kaa-nan. Basa sila-la ala da'di, nanahu ala tao sala-singok makadotok so, ma lasadea Manetualain la'inono'ik.

RATAPAN 3:10

Nahani sama leo beruang, Ana sapu-na au, sama leo singa.

HOSEA 5:14

Sama leo meoasu-a sapu-nalas, leondiak boe, neukose Au sapu-a hataholi Israel-la, ma hataholi Yehuda-la. Au nde, neukose sisii-lulu'is, boema Au la'oelas. Metema Au lele'a-lolosos la'o soona, ta hapu hataholi esa boen, bisa soi-po'i fas.

AMOS 3:8

Metema singa nangao soona, see kande ta bii fa? Metema Manetualain Fo Mademaina, kokolak soona, see kande bisa denge-denge fo ta tui-benga hala hehelun-na fa?

ULANGAN 28:59

neukose Manetualain fe emi ma emi tititi-nonosim-mala, he'di-laus manalea-hai tak-ka, ma he'di-laus fo, ta hapu tao nate'e fan.