AYUB 10:15 - Susula Malalaok Hehelu Palak Ma Hehelu Beuk

¹⁵ Metema, au tao sala-singok, soona te'e-te'e, soe ba'eneu! Tehu metema, au tatao-nono'ing ndoos boeo, O mafa'da mae, au tao sala-singok ahele! Au ta apalani, botik au langang-nga fa, nana au amae'da dale he'dik, ma nananakamumulu-nakamamaek.

AYUB 10:15 ပူးပေါင်းရင်းမြစ်များ

AYUB 10:7

Tunga ndoon-na, O bubuluk ma mame'da, mae au salang ta, tehu ndoos. O bubuluk mae ta hapu esa boen ana soi-tefa nala au neme O limam-ma mai fa.

AYUB 21:6

Metema, au dudu'a-dodoo au so'dang ia soona, au dele, nanahu au bii-amata'u.

AYUB 23:15

Au dele ngge'be-ngge'be, nanahu au bii-amata'u neun; au boetai dudu'a-dodoo basa sila-la, au boetai, bii-amata'u.

AYUB 27:7

Ela leo been-na, au musung-nga, nanahukuk da'di leo hataholi malelesik, ma au musu noong-nga, nanananolik da'di leo hataholi mangalauk.

AYUB 6:29

Boso ho'i nakeketuk fo, ta ndoos ma matetuk fa, mame'dak leona! Boso makamuu-makadau au, te tete'ek-ka, au salang ta.

AYUB 9:12

Metema, Ana kalo hata-heto soona, see kande napalani, kena-ka'in-nana? do napalani natanen nae, ‘Hai, O tao beek ndia?’

AYUB 9:15

Leomae au salang ta, tehu, au ta bole se'i fan, ka'da au dokodoe, susue-lalaik neme Manetualain, fo au manakee-manafulang-nga?

AYUB 9:29

Nah, metema leondiak soona, au bei paluu beek bai?

MAZMUR 119:153

Mete au doi-dosong, fo soi-tefa-mala au leona, nana au ta afandele heni, O hoholo-lalanem fa.

MAZMUR 25:18

Taoafik neu au doi-dosong, ma au toto'a-tataang, ma fe do'o do ampon neu basa au sala-sinong-ngala.

MAZMUR 44:16

Nai fai katemak esa dalen-na, au nananakamuu-nakadauk, au lu'a-lepa mamaek, ma au ta ato'dak au mata-panang fa,

MAZMUR 83:16

Usis menik O ani matuainam-ma, tao manggengek-kasa menik O ani-sangum.

MAZMUR 9:17

Manetualain natu'du aoinan-na nanahu nakeketun-na ndoos ma matetuk. Hataholi mangalauk-ka, tatao-nono'in nakahihi'ik-na seluk-kana.

KELUARAN 3:7

Boema, Manetualain, nafa'da nae, “Au ita basa Au anang manai Masir-rala doi-doson, ma Au amanene basa, ala nggasi loke soi-po'is leme hataholi fo manatuni-ndenis-sala. Te'e-te'e, Au bubuluk sila doi-doson lala'en-na.

YESAYA 3:11

Tehu soe ba'eneu hataholi mangalauk-ka! Neukose hataholi tao sila sama leo sila tao hataholi fe'ek-kala so.

YESAYA 6:5

Boema, au kokolak ae, “Soe! Ketu au namahehenang-nga, nana au kokolak dede'a manggenggeok nanahu sala-singok-ka, ma au leo nai leoina-la boeo leondiak boe. Leomae leondiak boe, au ita matang Manek fo nde Manetualain Fo Manakoasa!”

RATAPAN 1:20

Ou, Manetualain! Taoafik neu au, nana au daleng-nga ta tesa-tama ma tasibu, nakalulutuk nanahu au nalelesi makahulung-nga. Nai enok-kala lain, hapu kanisak, Nai uma dale, hapu mamates.

MALEAKHI 3:18

Neukose Au anang-ngala, lita seluk hataholi malole, ma hataholi mangalauk, hataholi manasene-do'ok, ma manasene-do'ok tak-ka, so'dan-nala ta sama fa.”

LUKAS 17:10

Leondiak boe neu emi. Metema emi tao basa hata fo ala paleta basan neu emi soona, mafa'da leona mae, ‘Ami ia ka'da malalau-maoono. Ami bela-ba'um ndia, de ami muse tao-no'in.’ ”