AYUB 1:21 - Susula Malalaok Hehelu Palak Ma Hehelu Beuk

²¹ ma nafa'da nae, “Au inang bongi au-a, au ta eni hata esa boen, de neukose au mate boeo, au ta eni hata esa boen. Manetualain nde fe-a, de Manetualain boeo nde ho'i falik-kana. Koa-kio na'den-na!”

AYUB 1:21 ပူးပေါင်းရင်းမြစ်များ

KEJADIAN 3:19

Neukose, o maue-male'di no sosota-mamanguk, ma o pusem ma ti'ti, soaneu ana taon-na dae ia nabuna-naboa hata esa, losa o fali leo dae-a muu, nana o da'di meme dae-a mai. O da'di meme dae-a mai, de neukose o fali leo dae-a muu boe.”

KEJADIAN 30:2

Yakob namanasa Rahel, de nafa'dan nae, “Manetualain, ta nde au ia fa. Ndia nde ta fe o bongi anak fa.”

KEJADIAN 45:5

Boso bii do masasale dale, hu kande emi mase'oheni au so. Tunga ndoon-na, Manetualain mesak-kana nde nakahuluk noo au leo ia mai neme emi mai, soaneu soi-tefa hataholi ba'u.

2 SEMUEL 16:12

Fafa'kama, Manetualain neukose Ana taoafik neu doidosok ia, fo Ana fe au baba'e-papalak, fo da'di ngganggatik neu soo-supak ndia.”

1RAJA-RAJA 12:15

Ana ta taoafik neu laun-na nonoken-na fa. Tehu memak Manetualain hihii-nanaun ndia. Hata fo Manetualain nafa'dan tunga Nabi Ahia, fo neme Silo mai, la'eneu Yerobeam fo Nebat anan-na, muse ana da'di.

2RAJA-RAJA 20:19

Boema, Manek Hizkia nataa nae, “Manetualain hala hehelun, fo o manduku-malosak-kana neu au-a, malole boe.” Hizkia nataa nae leondia nanahu, ana dodoo nae, “Sa'di au nusang-nga, nee-nee lino-linok nahele, ma mole-dame, nai lelek au bei aso'da.”

NEHEMIA 9:5

Hataholi Lewi-la nde mulai nakaluku-nakatelek ndia. Hataholi Lewi sila-la nde: Yesua, Kadmiel, Bani, Hasabneya, Serebya, Hodia, Sebanya ma Petahya. Lafa'da lae, “Fo'a mapadeik fo koa-kio Manetualain fo ita Manetualain-na! Fe kokoa-kikiok neun losa dodon-na neu! Koa-kio na'den fo henuk no mandela-masa'ak, na'dek fo maneni-mafa'dak, lena heni basa koa-kiok lala'en-na!”

AYUB 1:11

Tehu, leouni'ka, O ho'i falik su'i-beten sila-la lala'en-na soona, tao leo bee-o, ana nakamumulu-nakamamaek O tutik nenik dede'a kokolan.”

AYUB 2:10

Ayub nataa nae, “O kokolak sama leo hataholi nggoak-ka kokolan-na! Masa bole, ita nau sipo ka'da hata, fo malole neme Manetualain mai, te hata fo ta malole-a, ita ta nau sipo fan?” Da'di, leomae Ayub hapu basa susa-soe sila-la lala'en-na, tehu ana ta kokolak dede'a-kokolak fo la'ban Manetualain fa.

AYUB 9:12

Metema, Ana kalo hata-heto soona, see kande napalani, kena-ka'in-nana? do napalani natanen nae, ‘Hai, O tao beek ndia?’

MAZMUR 34:1

Dauk kokoa-kikiok, nai lelek ana tao aoinan-na, nono'kabai hataholi kamulus-sa nai Abimelekh matan, nalosa nanausik boema ana la'o.

MAZMUR 34:2

Au sanga oke makasi neu Manetualain su'di faik, ma au ta hahae koa-kio fan.

MAZMUR 39:9

Po'i au neme basa au sala-singong-ngala mai, boso po'ilotak hataholi nggoak-ka, hakinonoli au.

MAZMUR 49:17

Boso bii-mamata'u, metema hataholi esa, da'di hataholi kamasu'ik, ma hata-heton, boetai lamaba'uk-ka

PENGKHOTBAH 12:7

Neukose ita aopaan-na ana fali, fo ana da'di afu nai daebafak-ka. Neukose ita ani hahaen-na, ana fali leo Manetualain neu. Ndia nde manafe-ka, fo da'di leo baba'e-babatik.

PENGKHOTBAH 5:14

Bongi ita no makaholak; leondiak boe, ita la'oela daebafak ia, no ta teni hata esa boen, neme ita sosota-mamangun lala'en-na mai fa.

PENGKHOTBAH 5:15

Te'e-te'e neni dale he'dik nanseli! Ita teu sama leo nai lelek besak ia ita mai. Ita sota-mate usi anin-na, de buna-boan beek?

PENGKHOTBAH 5:19

Manetualain tao nahenu hataholi ndia dalen-na nenik namahoko-seteleek-ka, de ana ta hela-hae no dudu'a-dodoo la'eneu maso'da keke'uanan ia so'on.

YESAYA 24:15

ma hataholi manai dulu-la, neukose ala koa-kio Manetualain. Laun manai tasi su'uk-ka, neukose namatutua-namadedema Israel Aman Manetualain.

YESAYA 42:24

See kande nadenu, fo kalo Israel? Ade, ta nde Manetualain fa hetu? Ita tasala-tasingo neu Ndia, ita ta taso'da tunga paletan-na fa, ma ta tunga nanolin-na fa.

YESAYA 45:7

Au nde akakadada'dik mangale'dok ma makahatuk, Au fe baba'e-papalak mai, ma soe-a mai. Au nde Manetualain, fo manatao basa sila-la.

RATAPAN 3:38

Malole ma mangalauk-ka nananakalala'ok tunga ka'da Manetualain paletan-na.

AMOS 3:6

Metema hataholi manai kota dale-la, lamanene pupuu musu liin-na soona, ala dele ngge'be-ngge'be do ta? Metema Manetualain ta haitua susa-soe leo kota esa neu fa soona, kota ndia hapu susa-soe do ta?

MATEOS 20:15

Ade au boso ito-ato au hata-hetong, tunga au dale hihii nga fa do? Do o dale he'di sa, hu ka nde au dale malole nga do?’ ”

HATAHOLI 4:28

Basa-basas teikesa-dalekesa fo ala tao basa hata lala'ena, fo O maketu basa makahulu kana mae, neukose dede'ak ndia ana da'di. Boema O maketu dede'ak ndia tunga O koasa ma, ma O hihii-nanau mesa ma.

EFESUS 5:20

La'eneu hata beek boe, ela leo bee na emi moke makasi tataas esa neu Amak Manetualain, ninik ita Lamatuan Yesus Kristus na'de na.

1 TESALONIKA 5:18

Nai basa dede'ak lala'ena dalek, ela leo been-na emi moke maksai neu Manetualain, nana tatao-nono'i leondia ka nde, Manetualain nau emi tao-no'i nana; nana maso'da da'di esa moo Lamatuak Yesus so.

1 TIMOTIUS 6:7

Nana ita ta tini hata esa boen leo daebafa ka mai, boema ita ta tini hata esa boen, kalua neme daebafa ka mai fa.

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

YAKOBIS 5:11

Loke hataholi sila la lae, hataholi maua-manalek, nana lakatatakak. Emi bubuluk basa, Ayub ta haelai namanasa fa, ma emi bubuluk, tao leo beek de neu mate'e na, boema Amak Manetualain fen baba'e-papalak. Nana Amak Manetualain ndia mana sue-laik nanseli, ma dale malole.

RUT SUSULAN-NA 1:21

Lelek au la'o eme ia mai-a, au limang-nga maisik, tehu besak ia, Manetualain no falik au no lima louk. Hu ndia de, emi boso maloo au mae, Naomi bai, nanahu Manetualain Fo Manakoasa, Ana huku basa au nenik doidosok ba'uk-ka so!”

SEMUEL SUSULAK-KA ESAN-NA 2:7

Hapu hataholi fo Ana taon-nan da'di nuu taa-hata taak nanseli, hapu nggelok, Ana taon-nan namasu'i boe. Hapu nggelok, nakadadaek-kana, hapu nggelok, Ana tao namadedeman boe.

SEMUEL SUSULAK-KA ESAN-NA 2:8

Ana so'u hataholi nuu taa-hata taak-ka neme doi-doson mai, Ana soi-po'i hataholi nananakadadaek-ka neme doidosok-ka mai. Ana taos da'di manefetoana-la tia-lain, ma Ana fes nangatuuk maha'da-holomatak Manetualain nde nanuu daebafak-ka buin-na, de nafofo'a daebafak-ka nai lain.

SEMUEL SUSULAK-KA ESAN-NA 3:18

Boema Semuel nafa'da la'iesak-kana neu Eli. Ta nafuni dede'ak de'ek esa boen. Basa boema Eli nafa'da nae, “Manetualain nde ndia, de nemen-na, fo Ana tao hata fo Ana meten malole.”