AMSAL 7:10 - Susula Malalaok Hehelu Palak Ma Hehelu Beuk

^10-12 Inak ndia inak fo ta malole, ana ta nahiik leo nai uman-na fa. Do'dofan-na nai enok-ka su'un-na, nai lapang dale, do napadeik nai enok kaba'ek-ka. Heheo-hihilun napalani ma ana ta bii-mae fa. Au itan kalua no papake ngganggaon sama leo inak manasosoa-piaok-ka, de neu soluk touanak ndia nenik dale-tutu'u fo mangana'uk.

AMSAL 7:10 ပူးပေါင်းရင်းမြစ်များ

KEJADIAN 3:1

Menge nde been-na, bana esa, malela keke'din-na seli, lena heni basa bana lala'en, fo Manetualain nakadada'dik-kala. Menge ndia, natane inak ndia nae, “Ade, te'e-te'e Manetualain kena-ka'i emi mi'a basa ai manai osi ia dalek lala'en-na, boan-nala hetu do?”

2RAJA-RAJA 9:22

Yoram natane Yehu nae, “Ade, o mai, da'di leo tolanook do?” Yehu nataa nae, “Hapu nai bee, da'di leo tolanook, metema manale'a tee bei makadotok lai ia, ma bei hapu manasongo-tangok, fo o inam Izebel ndia, de mulai sosongo-tatangok ndia?”

2RAJA-RAJA 9:30

Yehu losa nai Yizreel. Lelek Izebel namanene hata fo ana da'di so, boema ana sau langan-na, de ana lose badaak neu mata-panan, de basa boema, ana mete neme uma manek-ka jendelan-na, leo dae neu.

AMSAL 23:28

Lapanggee hataholi, sama leo nakodaa, de ala tao-la touk makadotok, ala hohonge.

YESAYA 23:16

Ho'i-ma kacapi fo la'ok okofeo kota leona, hai manasosoa-piaok fo nananafandele henik-konei! Makaminak kecapi, makamee seluk, fo ela hataholi nafandele o.

YEREMIA 4:30

Hai Yerusalem, o nanalaoelak so, de o ta hapu tao hata-hata esa so boen! Sosoak hata, pake ba'du pilas ma balias aoinam-ma nenik lilopilas, lilofulak, boema lose badaak neu o mata lou laim-ma? Palsuma la'iesak-kana, o balias o aoinam-ma, nana basa o susue tou-ta'em ina-anafe'om-mala ta litu o so'on, nakalenak, ala nau taolisa o

1 TIMOTIUS 2:9

Ela leo been-na, basa ina kala bubu'u-dada'a ao ina nala no mandaa na, ma ala pake-nggao no ha'da-holomata. Ala boso nggute adu-dodoki langa doo nala, do pake lilo pila poemata, do ala pake bua lo'a kabeli ina la.