AMSAL 5:12 - Susula Malalaok Hehelu Palak Ma Hehelu Beuk

¹² Boema, neukose o mafa'da mae, “Ah, tao le'e de, au ta hii nanoli-nafa'dak fa? Tao le'e de, au tan au hataholi nasanggai au fa?

AMSAL 5:12 ပူးပေါင်းရင်းမြစ်များ

KEJADIAN 19:9

Tehu hataholi Sodom sila-la, lafa'da Lot lae, “La'o leona! O hataholi manamai esa, boen-na o nau ito-ato ami? Ka'da la'o leona! Metema ta soona, neukose ami hotu fe o, fo belan-na lena heni hataholi ka duak sila-la.” Boema ala soli heni Lot, de ala tutulumatak, fo ala sanga hona lakalulutuk lelesu-a.

2TAWARIKH 25:16

Amazia nae, “Denge-denge! Metema ta soona, ami taomisa o! Beita la'iesa fo ami so'u o da'di manek-ka manamanoli-mafa'dan fa!” Boema nabi ndia denge-denge, tehu ana bei hapu loak faa anak kokolak nae, “Besak ia au bubuluk ae Manetualain naketu basa soaneu tao namate-namopo Ama Manek, nanahu Ama Manek tatao-nono'in ndia, ma hu kande Ama Manek ta taoafik neu au nanoli-nafa'dang fa.”

2TAWARIKH 36:16

Tehu ala lakamiminak Manetualain hataholi nadedenun sila-la, ma ala hika nabi-nabin-nala boema ala ta taoafik neu hala-kokolan fa. Mate'en-na Manetualain namanasa nanseli neus, nalosa ta hapu eno kaluak seluk ba'eneus soaneu latapo'i leme huhuku-dodokin mai.

MAZMUR 50:17

Nana o ta nau sipok Au hala kekena-kaka'ing-nga fa, ma o tipa Au paletang-ngala.

MAZMUR 73:22

au amanggoa, de au ta alelak fa, au sama leo bana, nai O matam-ma.

AMSAL 1:22

“Hai, hataholi nggoak-panganaa-la lemin! Emi nau leondiak mahele, losa faihi'da? Faihi'da, besak-ka fain-na losa, soaneu emi hahae makadadaek manatee-tenok-ka, ma tipa nanolik-ka?

AMSAL 1:25

Emi ta taoafik neu basa au nanoli-nafa'dang-ngala, ma emi tipa au kekena-kaka'ing.

AMSAL 1:7

Soaneu hapu malelak-ka huun-na, makasososan-na hataholi-a muse nanuu dudu'a-aafi ha'da-holomata ma bibii-namata'uk neu Manetualain. Hataholi nggoak-ka, ana ta taoafik neu manatee-tenok-ka, ma ana tanau nanoli fan.

AMSAL 10:17

See taoafik neu nanoli-nafa'dak-ka soona, neukose naso'da no tetu-temak, see dalen-na belak, manaku salak-ka soona, nai soe dale.

AMSAL 12:1

Hataholi fo ana sue malelak-ka, ana hii ka'in; tehu hataholi fo ana ta nau ka'i fan-na, nde been-na hataholi nggoak.

AMSAL 13:18

Hataholi fo, ana ta nau nanoli fan-na, ana da'di nuu-taa hata-taak ma nananakadadaek; tehu hataholi fo, ana taoafik neu nanoli-nafa'dak-ka, neukose nanafe ha'da-holomata.

AMSAL 15:5

Hataholi nggoak-ka, nakadadaek aman nanoli-nafa'dan; tehu hataholi manatee-tenok-ka, taoafik neu kekena-kaka'ik.

AMSAL 5:11

Mate'en-na, neukose o haladoi, metema he'di-laus na'a heni o aom-ma.

AMSAL 6:23

Emi ina-amam-mala paletan-nala nono'kabai banuk fo mangale'dok-ka; sila kekena-kaka'in-nala latu'du fe emi so'dak-ka heheo-hihilun fo malole.

AMSAL 8:36

Se ta hapu au fa soona, ana tao nakatutu'dak aoinan-na mesak-kana; hataholi fo manamakamuu-makadau au-a, ana sue mamates-sa.”

YEREMIA 44:4

Au haitua Au atang-ngala, basa nabi-la neu emi tatas esa, fo ala kena-ka'is boso tao-no'i mangalauk fo Au akamu-akadauk ndia.