AMSAL 4:4 - Susula Malalaok Hehelu Palak Ma Hehelu Beuk

⁴ au amang nanoli au. Ana nafa'da nae, “Mafandendelek au nanoli-nafa'dang-ngala, fo boso mafandele henis makandondook. Makalala'ok au natutu'dung-ngala, fo ela o so'dam-ma naua-nanale.

AMSAL 4:4 ပူးပေါင်းရင်းမြစ်များ

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

MAZMUR 119:11

Au pe'da O nanolim-ma, nai au daleng dale, fo ela au boso asala-asingo neu O.

MAZMUR 119:144

O nakanenetem-ma, ndoos ma matetuk tataas esa; fe au malelak, fo ela au aso'da.

MAZMUR 119:168

Au tunga O paletam-ma, ma O natutu'dum-ma, nana O mita au tatao-nono'ing lala'ena.

AMSAL 22:6

Manoli maso'dak matetu-mandaak-ka eno-dalan, neu ni'iana esa soona losa fai lasin-na te, neukose naso'da leondiak boe.

AMSAL 23:26

Anang-ngonei, taoafik matalolole, ma tunga au so'dang-nga, eno-dalan.

AMSAL 3:1

Anang-ngonei, boso mafandele heni hata fo au anolin neu o so. Mafandendelek tataas esa neu au paletang-nga,

AMSAL 3:2

fo ela o hapu teu naluk, ma o so'dam-ma tetu-temak.

AMSAL 7:2

Tunga basa au nanoli-nafa'dang lala'en-na, fo ela o so'dam-ma malole. Tunga basa au nanoling-ngala no malolen-na, sama leo manea aom o matade'em-ma.

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

YEREMIA 38:20

Boema au ataa ae, “Ta, Neukose ala ta fe Ama Manek lo sila neu fa. Au dokodoe no namahehenak, fo ela Ama Manek tunga Manetualain hala haituan-na; meten te basa lala'en-na lamadai, ma neukose ala ta tao lisa Ama Manek fa.

YOHANIS 12:50

Ma Au bubuluk basa paletan ndia nini so'da matetu ka ma manaketu basa ta ka. Hu ndia de, Au anduku-alosa kana, sama leo Ama ka nanoli basan neu au a so.”

EFESUS 6:4

Tolano-tolanook fo manda'di ama kala lemin! Boso tao lupa-lupa kala mo ana mala, nalosa lamanasa. Dede'a nasafali na nae, tao mamatua dale nala no malole na, ma manolis Lamatua ka nanoli-nafa'dan.

ULANGAN 4:9

Taoafik ma mafandendelek matalolole, fo ela nai emi fai maso'dam-ma dalek, emi ta mafandele heni hata fo emi mita matam so. Tui emi upu-anam-mala,

ULANGAN 6:6

Boso mafandele heni paleta fo, faik ia au fen neu emi ndia, makandondook.

2 TIMOTIUS 1:5

Au afandele o, nana o mamahele te'e-te'e neu Kristus, sama leo o beim Lois ma o inam Eunike, lamahele te'e-te'e boe. De au amahele o namahehele ma boeo, leondiak.

2 TIMOTIUS 3:15

O muse mafandendelek te, o malelak Susula Malalao ka te, o bei ana ka. Susula Malalaok ndia nde fe o malelak, soaneu o hapu so'da-mole ka tunga o mamahele neu Yesus Kristus.

IBRANI 5:9

Hu ndia de, nananakadada'di basak da'di mana soi-tefa fo matetu-mandaak, boema Ana da'di oe mata so'da molek fo mana ketu basa ta ka, ba'eneu hataholi fo mana makatele neun nana,

HAKIM-HAKIM 13:12

Boema, Manoah natane nae, “Metema, Tuan nafa'dan ndia ana da'di soona, ni'iana ndia, muse tao beek? So'dan-na tao leo beek, nai fai makabuin?”