AMSAL 4:18 - Susula Malalaok Hehelu Palak Ma Hehelu Beuk

^18-19 Hataholi mangalauk-ka enon-na makahatuk, sama leo makahatuk-ka nai fai le'odaen-na. Ala lakatunu, fo ala tu'u leu, tehu ala ta bubuluk fa. Nasafalin-na, enok fo hataholi malole-a la'ok tungak-ka nde been-na, sama leo le'do-a tii mai; ana boetai mangale'dok-ka, losa mate'en-na, mangale'don-na namatua.

AMSAL 4:18 ပူးပေါင်းရင်းမြစ်များ

2 SEMUEL 23:4

Ndia sama leo dulufula nai fai lolebalahaan-na, nai lelek lalai-a namaneu Ndia sama leo le'do nahaa nai lelek u'dan-na hai ana taon-na na'u momo'dok-ka nandela-nasa'a.”

AYUB 11:17

Neukose, o so'dam-ma mangale'dok, lena heni fai lele'dok-ka, ma nai lelek, o so'dam-ma makahatuk-ka, neukose mangale'dok, sama leo mangale'do fafaik-ka.

AYUB 17:9

Hataholi malole ma sala tak-ka, boetai namahele so'dan-na, eno-dalan nandaa no Manetualain dalen-na.

AYUB 23:10

Tehu, Ana bubuluk basa au enong lala'en-na, boeo au ei nggangganing lala'en-na Metema, Ana fola au, sama leo lilopilas-sa, soona neukose, Ana bubuluk nae, au daleng-nga leo lilo isik.

MAZMUR 84:7

Lelek ala la'ok tunga dokek Baka, ala tao lasafali mamanak ndia, da'di oemata, de u'dan makasososak-ka, po'a-nggangan nenik baba'e-papalak.

MAZMUR 97:11

Mangale'dok-ka, ana tii mai so, ba'eneu hataholi dale ndoos-sa, ma namahokok, soaneu hataholi, manatao tunga ndoon-na.

AMSAL 13:9

Hataholi manatao dede'a malole-a, nono'kabai mandela-masa'ak-ka; tehu hataholi mangalauk-ka, nono'kabai banu manamatek-ka.

AMSAL 15:24

Hataholi manatee-tenok-ka, ana tunga eno ndanda'ek manaleo maso'dak-ka neu; te ta leo eno kokonak manaleo mamates-sa neu fa.

AMSAL 2:20

Hu ndia de, au anang-ngonei, tunga hataholi malole-a heheo-hihilun, ma maso'da tunga Manetualain hihii-nanaun.

AMSAL 2:9

Au anang-ngonei, metema o tunga au soona, neukose o bubuluk hata fo ndoos ma matetuk-ka, tao tunga ka'da ndoon-na, ma hata fo malole. Neukose o boeo bubuluk, o muse maso'da tao leo beek.

YESAYA 26:7

Hataholi manatao ndoos-sa, neukose ana la'ok nai eno ndoos-sa, nana O, Manetualain, oti enok ba'eneun.

DANIAL 12:3

Basa mauli-malangan manatee-tenok-kala, neukose landela-lasa'a sama leo lalai-a mangale'don-na. Ma ba'eneu sila fo lanoli hataholi makadotok soaneu tao-no'i hata malole, ndoos ma matetuk-ka, neukose landela-lasa'a sama leo nduuk-kala losa dodoon-na.”

HOSEA 6:3

Hu ndia de, mai fo ata sanga enok, soaneu te'e-te'e talelak Manetualain. Tao leo bee-o, neukose Ana mai leo ita mai, sama leo le'do-a tii mai, ma sama leo u'dan-na tao nakadoe daebafak-ka nai faik u'dan-na nate'e.”

MATEOS 5:14

Emi ia mangale'do daebafak. Kota manai pupukuk lai na, kota ndia ta hapu nananafunik fa.

MATEOS 5:16

Leondiak boe emi muse da'di mangale'dok nai hataholi a matan, fo ela lita emi tatao-nono'i malole ma, fo no enok ndia, hataholi a hapu koa-kio emi Amam manai nusa so'da ka.”

MATEOS 5:45

fo ela emi Amam manai nusa so'da ka, Ana tao emi da'di Ndia anan. Nanahu Manetualain sue-lai hataholi malole a ma hataholi mangalau ka boe. Ana fe hataholi mana tao ndo sa ma hataholi mana tao mangalau ka u'dan no'u-no'u.

YOHANIS 8:12

Yesus kokolak seluk no hataholi makadotok sila la nae, “Au nde mangale'do daebafa ka. Metema see tunga Au soona, neukose ana ta la'ok nai makahatu ka dalek fa, tehu ana hapu mangale'do manafe maso'da ka.”

2 KORINTUS 3:18

Besak ia ita basa-basa tala mata-panan ta nanapotik ninik tema bibia ni'is so'on, nalosa ita hapu tangale'do Lamatuak Yesus mandela-masa'an. Nanahu mandela-masa'ak ndia da'di neme Dula Dale ka mai ma Dula Dalek ndia nde bee na Lamatua ka nde ndia, soona ita boetai tandela-tasa'a, nanahu ita nanatao nasafalik nakandondoo henin da'di sama leo Ndia. Boema ita boetai tandela-tasa'a takandoo. Mandela-masa'ak ndia neme Dula Dale ka mai, ma Dula Dalek ndia nde bee na Manetualain.

FILIPI 2:15

No enok ndia, emi matu'du mae, emi nde bee na Manetualai nanan, fo sala-singo ta kala, ma emi maso'da tunga ndo na ma emi ndoos nai hataholi mangalauk fo masala-masingo kala tala'da. Ma nai lelek fo emi manduku-malosak halak mana fe so'da ka neu hataholi sila la, ela leo bee na emi mangale'do nai sila tala'da, fo nangale'do na daebafa ka. Metema emi maso'da leondiak soona, neukose au hapu ne'ek soaneu au amatutua-amadedema emi nai lelek fo Yesus Kristus fafali ma'i na. Fo ndia da'di buti nae, au sota-mate te ta louk fa, ma au hapu au tutunga-sasangang buna-boan.

2 PETRUS 1:19

Hu ndia de, ami boetai mamahele Manetualain hala hehelun fo, basa nabi la tui-benga kala. Malole lenak, emi taoafik neu hala heheluk ndia, nana hala heheluk ndia, sama leo banu manapilak esa, nasalaa nai mamana makahatu ka, fo ana pila nahele losa dulu fula, boema sama leo nduu timu a, fo nasalaa nai emi dalem dale.

2 PETRUS 3:18

Ela leo bee na, Lamatuak Yesus Kristus, ma ita Mane Mana Soi-Tefa na, Ana fe baba'e-babatin neu emi, fo ela emi boetai malela kana. Koa-kion, neme besak ia, losa dodoo na! Amin. Ha'da-holomata neme ami, Petrus

NINITAK 21:23

Kota ndia ta paluu hapu mangale'dok neme le'do haa na do bula ka mai fa, nana Manetualain ndela-sa'an, nandela-nasa'a nan ma Bi'ilopo Ana ndia nde bee na kota ndia banu na.

NINITAK 22:5

Neukose ala ta paluu banuk do le'do haa na fa, nana le'odaek ta so, ma Amak Manetualain mesa kana nde nasala nalas. Neukose ala paleta da'dileo mane ka losa dodoo na.

HAKIM-HAKIM 5:31

Ou Manetualain, sa'di leo been-na, mate O musum-mala, sama leo Sisera, tehu basa O tia-laim-mala nanakoa-nanakiok, sama leo le'do-a nai lalai! Basa ndia boema, nusak ndia tetu-temak, teuk haahulu dalen-na.