AMSAL 3:9 - Susula Malalaok Hehelu Palak Ma Hehelu Beuk

⁹ Fe ha'da-holomata neu Manetualain nenik tunu-hotu fen hata fo malole, neme basa o hata-hetom, ma o dae-oem oe-isin lala'en-na,

AMSAL 3:9 ပူးပေါင်းရင်းမြစ်များ

KEJADIAN 28:22

Ma neukose, au fe Amak-ka baba'ek esa neme baba'ek sanahulu mai, neme basa hata lala'en fo Amak-ka fen neu au. Batu nasanene'dak fo au apadedeik-kana ia, neukose ana da'di mamana sene-do'ok ba'eneu Amak-ka.”

2TAWARIKH 31:10

imam matuaina Azarya fo Zadok tititi-nonosin nafa'da nae, “Lelek laun-nala leni sila boa-boa-nala leo Manetualain Uma mai boema, ami ta to'a-taa nana'a-nininuk nakalenak dai ma lena, nalosa ami nana'a-nininum fo nanasadiak-kala, bei makadotok. Ami sipo basa sila-la nanahu Manetualain ba'e-pala anan-nala.”

2TAWARIKH 31:21

Nusa-na tetu-temak nanahu ana tao basa hata lala'en-na soaneu Manetualain Uman-na do soaneu tao tunga Manetualain hoholo-lalanen, nakalala'ok-kana no dale katematuak ma no susue-lalaik neu Aman Manetualain.

MAZMUR 144:13

Ela leo bee-na, ita gudang-ngala henuk no nana'a-nininuk. Ela leo bee-na, bi'ilopo manai ita moon-nala ala bongi, fo anan-nala losa lifu-lifun.

KELUARAN 22:29

Neu faik fo nananaketuk-ka, tunu-hotu fe Au, emi gandum, angol ma emi mina setum-ma, beke selik. Fe emi anaulu toum-mala leo Au mai,

KELUARAN 23:16

Tao Feta Ketu-koluk-ka nai lelek, emi mulai ketu-kolu emi tinam-ma buna-boa makasososan-na. Tao feta Lalaak Akidook-ka nai teuk-ka basan, fo nai lelek emi ketu-kolu basa emi osi angol-la ma osi aiboam-mala.

KELUARAN 23:19

Tunga teuk, emi muse meni emi gandum-ma buna-boa makasososan-na leo Au mai. Ta bole nasu bi'ilopoana do bi'ihiiana paan-na nenik bi'iana sila inan su'uoen-na fa.”

KELUARAN 34:26

Tunga teuk, emi muse meni emi daem-ma buna-boa makasososan-na leo emi Manetualain fo emi Manetualain-na Uman neu. Ta bole nasu bi'ilopoana do bi'ihiiana paan-na, nenik inan su'u oen-na fa.”

AMSAL 11:25

Hataholi fo ana hii fe ba'uk-ka, neukose anahapu dai-ma lena, hataholi fo ana hii tulu-fali, neukose ana hapu tutulu-fafalik boe.

AMSAL 14:31

See tao malole neu hataholi nuu-taa hata-taak-ka soona, ana fe ha'da-holomata neu ndia Manetualain-na; tehu see tuni-ndeni hataholi tapandoes-sa soona, nakamumulu-nakamamaek Manamakadada'dik-kana.

YESAYA 43:23

O ta meni bi'ilopo, soaneu o tutunu-hohotu nanatunum-ma fa, o ta fe ha'da-holomata neu Au, nenik o tunu-hotum fa. Te se'kona, Au ta fe o lelepa mabela, nenik o tutunu-hohotum fa, do ta tao akatoto'ak o, nenik Au akaseti o, fe Au boomenik fa.

IMAMAT 19:25

Nai teu ka liman-na dalek, besaka emi bole mi'a ai sila-la boan-nala. Metema, emi tao tunga basa nakanenetek sila-la soona, emi ai maboam-mala, laboa ba'uk-ka seluk. Au nde emi Manetualain.

BILANGAN 15:20

Metema emi tunu loti, neme gandum nanake'di makasososak-ka mai soona, muse tunu-hotu fe Manetualain loti ndia, fo ana da'di tutunu-hohotu hehelik soaneun. Tutunu-hohotun sama no emi tunu-hotu gandum fo nanapo'de makasososak-ka.

MATEOS 25:17

Leondiak boe, malalau-maoono mana sipo doi isi lilopilas lifu kadua ka, ana hapu bunak lifun dua seluk.

1 KORINTUS 16:2

Nai fai makasososa ka tunga-tunga fai mamaso na soona, ela leo bee na emi basa-basa mala esa-esak pe'da fe'e doik nandaa no ndia hahapu na. Pe'da doik sila la leona losa au mai, fo ela nai lelek ndia ta paluu emi makabubua doik seluk so'on.

ULANGAN 14:29

Fe nana'a-nininuk sila-la, leo hataholi Lewi-la neu, nanahu sila dae-oen ta, ma fe hataholi nusa dea-la, faluina anamaak fo, manaleo manai emi kotam-mala dalek. Sila bole mai ho'i basa sila paluun lala'en-na. Metema emi taon leondiak, soona emi Manetualaim-ma, neukose Ana ba'e-pala emi ue-le'dim lala'en-na.”