AMSAL 3:3 - Susula Malalaok Hehelu Palak Ma Hehelu Beuk

³ Ela leo been-na, o mamahele mahele, ma lilineka neu Manetualain ma o nonoo hataholim-ma. Mafandendelek basa sila-la, fo pe'dan nai o dalem dale,

AMSAL 3:3 ပူးပေါင်းရင်းမြစ်များ

2 SEMUEL 15:20

O leo nai ia, beita dook-ka fa, de masa bole au adenu o fo o tunga maleu-malaak moo au? Au boeo ta bubuluk, neukose au u leo bee u fa. O, ma o tia-laim fo emi leoina esa boe, fali me'um-ma leona, fo sa'di leo been-na, Manetualain sue-lai emi, ma Ana lilineka no emi.”

MAZMUR 119:11

Au pe'da O nanolim-ma, nai au daleng dale, fo ela au boso asala-asingo neu O.

MAZMUR 25:10

Hataholi fo ana tunga hehelu-balataan ma hoholo-lalanen-na, Ana taon no susue-lalaik ma lilinekak.

MAZMUR 85:10

Tete'ek-ka, naheheleaon soaneu soi-tefa hataholi fo, ana bii-namata'u neun, Manetualain fo matua-mademaina, neukose Ana leo nai ita nusan-na.

KELUARAN 13:9

Feta ia, ana da'di nasanene'dak soaneu emi, sama leo ta'du esa, nanapa'ak nai emi limam-ma, do emi dedeim-ma. Feta ia fe emi nasanene'dak, fo moke makasi nakandoo, ma manoli Manetualain hoholo-lalanen, nana Manetualain kalua heni emi meme Masir mai, nenik koasa matuainan-na.

KELUARAN 34:6

Basa boema Manetualain la'ok leo Musa uluk neu, de nafa'da nae, “Au Manetualain, nde been-na Manetualain fo dalen-na henuk no dale malole ma susue-lalaik. Au susue-lalaing sasi kao-kao, Au manalilinekak ma ta haelai namanasa fa.

AMSAL 1:9

nana nanoli-nafa'dan-nala, popo-tama o dale malolem-ma, sama leo bulamolik-ka nai o langam-ma, ma henu-a tao nalole-nanapu o mata-panam.

AMSAL 14:22

See sanga enok, fo ana hapu malole-a soona, neukose nananamahelek, ma ana hapu ha'da-holomata; tehu see tutu'u eno mangalauk soona, nai eno matofa-matalak lain.

AMSAL 16:6

Hataholi manalilinekak neu Manetualain-na, neukose ana hapu do'o do ampon; ma hataholi kamahehelek-ka, neukose nadook aoinan-na neme tatao-nono'i mangalauk lala'en-na mai.

AMSAL 20:28

Metema, manek-ka paleta no susue-lalaik, tao tunga ndoon-na ma ndoos ma matetuk, soona neukose, ana koasa nahele.

AMSAL 6:21

Mafandendelek mahele hala kokolan-nala, fo pe'da basas lai emi dalem dale.

AMSAL 7:3

Mafandendelek mahele basa au nanoling-ngala, ma pe'da basas lai o dalem dale.

YEREMIA 17:1

Manetualain nafa'da nae, “Hai leoina Yehuda-la lemin, emi sala-singom-mala nanadoki-dula basak nai emi dalem dale, ma nai basa emi mei tunu-hotun-nala bu'un-nala nenik enge besik fo enge-a matan-na nenik poemata mai.

HOSEA 4:1

Manetualain kalaak nusak ia laun-na. Hai Israel, mamanene hata fo nafa'dan nae, “Ta hapu lilinekak, do susue-lalaik nai nusak ia fa, de laun-na ta manaku Au da'di leo Manetualain fa.

MALEAKHI 2:6

Lanoli hataholi-a ndoos-sa, te ta lanolis salak fa. Ala leo-lapalasa loo Au, ma ala tunga Au hihii-nanaung no matetun-na. Boeo, ala tulu-fali hataholi makadotok, fo ala boso boe tao tatao-nono'i mangalauk bai

MATEOS 23:23

Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi ho'i ma bumbu dala dae, adas makeek, jintan baba'ek esa neme baba'ek sanahulu mai fo emi fen leo Manetualain neu. Te se'ko na dede'a mabeli ina la nai agama hoholo-lalane nala dalek, fo sama na leo: maketu-mala'di tunga ndo na, dale manasue-lai ka ma lilineka ka, emi ta taoafik neu fas. Te se'ko na dede'ak sila nde muse emi tao-noin no boso mafandele heni dede'a fe'e kala boe.

2 KORINTUS 3:3

Sila nde lita lae emi malupa susulak fo Kristus nde sula kana, fo Ana haituan tunga ami. Susulak ndia ta nanasulak ninik tinta fa, te nanasulak ninik Manetualain Dula Dalen fo maso'da ka; boeo ta sula kana nai batu lei lain fa, te nanasulak nai hataholi daebafa ka dale na.

EFESUS 5:9

Nanahu neme mangale'dok ndia mai de, basa tatao-nono'i malole mata-mata kala, tao tunga ka'da ndo na, ma ndo sa, ala tii mai, fo nandaa no Manetualain mata memete na.

ULANGAN 6:8

Pa'a paleta sila-la neu emi limam-ma, ma taon neu emi dedeim-ma, fo ela mafandendelek mahelen.

IBRANI 10:16

Manetualain nafa'da nae, “Ia nde hehelu-balataak fo neukose Au taon no hataholi sila la, nai fai-faik fo manamai ka, ‘Neukose Au pe'da Au hoholo-lalaneng leo dale nala dalek neu, ma Au sula kana neu dudu'a-aafi nala dalek.’ ”