AMSAL 3:18 - Susula Malalaok Hehelu Palak Ma Hehelu Beuk

¹⁸ Hataholi fo, ana ho'u nahele manatee-tenok-ka, neukose ana hapu so'da matetuk ma maua-manalek-ka.

AMSAL 3:18 ပူးပေါင်းရင်းမြစ်များ

KEJADIAN 2:9

Manetualain nakamomolik basa ai mana'ahiik mata-matak-kala, fo labuna-laboa ai boa malole. Ai manafe maso'dak-ka, ma ai manafe malelak la'eneu beek-ka nde malole ma beek-ka nde mangalauk-ka ala moli nai osi-a tala'da.

KEJADIAN 3:22

Manetualain nafa'da nae, “Besak ia, hataholi-a da'di sama leo Ita so, ma nanuu malelak la'eneu hata fo malole, ma hata fo mangalauk-ka so. Da'di paluu tapanggen, fo boso na'a ai fo, manafe maso'dak-ka boan-na, fo ela ana boso naso'da losa dodoon-na.”

AMSAL 11:30

Hataholi manatao malole-a, neukose so'dan-na natetu; ma hataholi manatee-tenok-ka, manatunga dean-nala boetai lamaba'uk-ka.

AMSAL 13:12

Metema namahehenak-ka, ta tao natetu fan soona, aopaak-ka male-tale; tehu metema hihii-nanauk-ka nanatao natetuk soona, dalek-ka naua-nanale.

AMSAL 15:4

Dede'a-kokolak malole-a, ana popo-tama manggatek; tehu dede'a-kokolak fo nakahehe'dik dalek-ka, ana tao tapandoe dale hihii-nanauk-ka.

AMSAL 4:13

Mafandendelek tataas esa, neu nanolik fo, o sipo basan neme au mai so. Manea matalolole basa sila-la, nana no nanolik sila-la, fo o so'dam-ma, neukose nabuna-naboa

AMSAL 8:32

Hei hataholi muli-soluk-konei! Mamanene neu au, Tunga au natutu'dung-nga, soona neukose o tetu-temak.

AMSAL 8:34

Namahoko-seteleek ba'eneu hataholi fo namanene neu au, fo su'di faik nangatuk nahani nai au umang-nga lelesun-na, ma manamaneak nai au mamana leleong-nga lelesuinan-na.

PENGKHOTBAH 7:12

boeo sama no doik fo manafe nee-nee lino-lino ka. Baite malelak la'eneu manatee-tenok-ka! See nanuun soona, neukose naso'da.

NINITAK 2:7

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafa'dan neu salani nala! Sila fo manasengi kala, neukose Au fes loak la'a ai boak neme ai huu maso'da ka fo ana moli nai Manetualain Osin dale.”

NINITAK 22:2

ana faa nai enok manai kota ndia tala'da heon. Nai lee ndia su'u na fo nai su'un duas, hapu ai manafe maso'da ka, fo naboa la'i sanahulu dua nai teuk esa dale na fo nde bulak esa naboa la'i esa. Doo na nanapakek soaneu lakahahaik leoina la.