AMSAL 22:9 - Susula Malalaok Hehelu Palak Ma Hehelu Beuk

⁹ Manetualain fe baba'e-papalak neu hataholi dale malole-a, nanahu, ana baba'e fe hataholi manato'a-taak-ka nana'a-nininuk.

AMSAL 22:9 ပူးပေါင်းရင်းမြစ်များ

MAZMUR 112:9

Ana baba'e hata-heton, fo ana fe hataholi nuu ta-hata tak-ka; ana tao hata malole tataas esa, hu ndia de, ana koasa ma nanafe ha'da-holomata.

AMSAL 11:17

Hataholi dale malole-a, neni nanalak fe aoinan-na, hataholi nasa-melu mangalauk-a, nakatutu'dak aoinan-na.

AMSAL 11:25

Hataholi fo ana hii fe ba'uk-ka, neukose anahapu dai-ma lena, hataholi fo ana hii tulu-fali, neukose ana hapu tutulu-fafalik boe.

AMSAL 11:27

See manggate tao malole soona, neukose hataholi sue-lain; see sanga mangalauk-ka soona, neukose toto'a-sosotak tunin-nalan.

AMSAL 14:21

See nakamumulu-nakamamaek hataholi soona, ana tao sala-singok; tehu see dalen-na malole no hataholi nuu-taa hata-taak-ka soona, neukose naua-nanale.

AMSAL 19:17

Tulu-fali hataholi nuu-taa hata-taak-ka, sama leo fe Manetualain doi totonak; mahani te, Manetualain boeo, neukose Ana balas-sana.

AMSAL 21:13

See ta nau namanene hataholi manato'a-taak-ka haladoin-na fa soona, metema noke tutulu-fafalik soona, neukose hataholi ta taoafik neu fa.

AMSAL 28:24

Hataholi fo namanako neme ina-aman mai, ma naedaenga sala-singok ta ndia fa, sama leo nakodaa fe'ek-kala boe.

AMSAL 28:27

See tulu-fali hataholi nuu-taa hata-taak-ka soona, neukose ana ta to'a-taa fa. See ta tulu-fali hataholi nuu-taa hata-taak-ka paluun-na fa soona, neukose, ana hapu soo-supak.

AMSAL 31:20

Ana ta mali hataholi manato'a-taak-ka fa; dalen-na malole, neu hataholi manapaluu tutulu-fafalik.

YESAYA 32:8

Tehu hataholi ha'da-palii malole-a, tutu'u hata fo malole, ma ana tao malole boe.

MATEOS 20:15

Ade au boso ito-ato au hata-hetong, tunga au dale hihii nga fa do? Do o dale he'di sa, hu ka nde au dale malole nga do?’ ”

MARKUS 7:22

hohonge, ke'dindiu, nakasasa'ek dede'ak, boema ana tao-no'i basa hata mangalauk lala'ena, ma ana da'di hataholi mana dale-he'di hata, ta nanuu ha'da-holomata, nape'da dalek, koao-ndaeaok, ma nanoli doa kana.

LUKAS 14:13

Da'di, metema o tao feta soona, ka'i hataholi nuu ta-hata tak, hataholi bu'u-ba'ek, hataholi lu'u eik, ma hataholi poke-pakek.

HATAHOLI 20:35

Nai basa dede'ak lala'ena dalek, au fe emi natutu'duk ae, ka'da no manggate leo ia ka nai ue le'di sa dalek, ita muse tulu-fali hataholi tapandoe sala. Nana ita muse tafandendelek hata fo Lamatuak Yesus nafa'da matam nae, ‘Fe fee ka, ua-nalen ba'ulena heni sisipo ka.’ ”

ULANGAN 28:56

Nakalenak, ina manefetoana fo, dale-ha'dan malole nanseli, ma namasu'i atu-atu, nalosa ana beita la'o eik nita fa, tehu neukose ana tao sama leo manefetoa-nala, tataon ndia boe. Nai lelek fo, musu-a nakahapi-na kota-a, neukose ketu inak sila-la namahehenan-nala, nanahu la'a-ndoes-sa, nalosa no nafufunik, na'a seluk ana nanabongi beun-na no funin-na. Ana ta fe saotou susuen-na, ma anan fo bei maso'dak-kala, faa anak boen.

IBRANI 13:16

Boso mafandeleheni tao malole, ma matulu-mafali ao, nanahu ndia nde tutunu-hohotuk fo nandaa no Manetualain dale na.

IBRANI 6:10

Ita Manetualain ta nde Manetualain fo ta mana tao tunga ndo na fa. Ana ta nafandele heni hata fo emi tao-no'i ba'eneu na fa, ma susue-lalaik fo emi matu'du neun, nai lelek tulu-fali tolano-tolanook fo namahehelek esa, nai makahulu na ma besak ia.

1 PETRUS 4:9

Ela leo bee na, esa sipok esa leo esa-esak uman neu, no dale katema tuak.