AMSAL 22:8 - Susula Malalaok Hehelu Palak Ma Hehelu Beuk

⁸ Hataholi manasele-nggali peko-pakik-ka, ana ketu-kolu soe-a; mate'en-na, neukose mopok koasan fo, ana ho'i nakeketuk tunga dale hihii mesan-na ndia.

AMSAL 22:8 ပူးပေါင်းရင်းမြစ်များ

AYUB 4:8

Tunga au mata memeteng-nga, soona hataholi manafoi-fala tina mangalauk-ka, fo ana sele-nggali bini-ngges susa-soe-a, da'di leo bubu'u-palusa de'en-na, soona, neukose ana ketu-kolu susa-soe, ma toto'a-tataak-ka!

MAZMUR 125:3

Neukose hataholi mangalauk-ka, ana ta koasa nakandoo nai hataholi manatao tunga ndoon-na, dae pusakan-na fa, fo ela hataholi malole-a, ta tunga tao tatao-nono'i mangalauk fa.

AMSAL 1:31

Hu ndia de, neukose emi mame'da mita, emi tatao-nono'im ma emi dale tutu'u mangalaum-mala buna-boan.

AMSAL 14:3

Hu kande hataholi nggoak-ka manakoao-ndaeaon-na, de ana hii namatutua-namadedema aoinan-na; tehu hataholi manatee-tenok-ka, neukose dede'a-kokolan nasulu-nahapan.

YESAYA 10:25

Nai fai keke'uanak esa mesan, Au nasa-melung neu emi-a nate'e, boema neukose Au tao amopo-amates.

YESAYA 10:5

Manetualain nafa'da nae, “Soe ba'eneu Asyur! Au pake Asyur da'di leo ue, ma ai kalapu'ak soaneu fepa hataholi fo Au nasa-melung tu'da la'es.

YESAYA 14:29

Hai leoina Filistin-nala lemin, ai kalapu'ak fo nanapakek soaneu fepa o-a, la'din so. Tehu o boso mamahoko dei, nana metema mate menge esa soona, menge fo mangalaun-na lena seluk, ana mai nggatin, ma menge tolo-a, ana tutu buta mali'dak.

YESAYA 30:31

Hataholi Asyur-rala, neukose lakalupu, metema lamanene Manetualain halan-na, ma lame'da lita, huhuku mabelainan-na.

YESAYA 9:4

Solda'du-la ta'buein-nala ndu'u-ndu'u ma badun fo ladiu daak-ka, neukose ha'i na'a henis.

HOSEA 10:13

Tehu o ta tao tunga fan. O sele-nggali tatao-nono'i mangalauk-ka, de o ketu-kolu ta ndoos ma matetuk-ka fa. O mu'a basa, o masapepeko-masandandalim buna-boan so.” Manetualain nafa'da seluk nae, “Hai leoina Israel-la lemin, hu kande emi mamahena emi kaleta natee-nata'tim-mala, ma emi solda'du makadotom-mala,

HOSEA 8:7

Au anang-ngala sele-nggali anin, de neukose ala ketu-seu ani-sangu! Sila tina gandum-ma ta namalatu fa, de neukose ana ta fe buna-boak, fo ala tao ha'desopuk soaneu sila nana'an-na fa. Tehu, metema tina ndia namalatu boeo, neukose leoina fe'ek-kala, la'a heni gandum-mala.