O bole mafa'da mae, “Au ta nai dede'ak ndia dalek fa.” Tehu, Manetualain taoafik neu o. Ana bubuluk, de naketu-nala'di o dudu'a-aafim. Ana balas hataholi daebafak-ka nandaa no tatao-nono'in.
Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”
Ela leo bee na, emi tao-no'i hata fo Manetualain nafa'dak ndia. Boso ka'da mamanenen, nana metema ka'da leondiak mesan soona, emi ke'di ndiu seluk emi ao ina ma nde ndia.
Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.
Tehu Manetualain nafa'da Semuel nae, “O dalem-ma boso tu'da, hu kande mata makee-na ma ao mademan-na; Au ahiik-ka, ta nde ndia fa. Au mata memeteng-nga ta sama leo hataholi daebafak-ka mata memeten-na fa. Hataholi daebafak-ka mete matak, te Au mete dalek.”