AMSAL 2:9 - Susula Malalaok Hehelu Palak Ma Hehelu Beuk

⁹ Au anang-ngonei, metema o tunga au soona, neukose o bubuluk hata fo ndoos ma matetuk-ka, tao tunga ka'da ndoon-na, ma hata fo malole. Neukose o boeo bubuluk, o muse maso'da tao leo beek.

AMSAL 2:9 ပူးပေါင်းရင်းမြစ်များ

MAZMUR 119:105

O dede'a-kokolam nde bee-na, banuk ba'eneu au ei nggangganing-nga, ma mangale'dok, fo ana tao mangale'do au enong-nga.

MAZMUR 119:99

Au malelang-nga, lena heni au meseng-ngala malelan-na, nanahu au dodoo-tatai O paletam-mala.

MAZMUR 25:12

Manetualain nanoli hataholi kamahehelek-ka enok fo ala muse la'ok tungan.

MAZMUR 32:8

Manetualain nae, “Neukose Au atu'du o enok fo, o muse la'ok tungan, neukose Au hela-nole o, ma Au anoli-afa'da o.

AMSAL 28:5

Hataholi malelesik-ka, ta nalelak natalolole ndoos ma matetuk-ka fa, tehu hataholi fo, ana sene-do'ok neu Manetualain-na, te'e-te'e nalelak-kana.

AMSAL 4:12

Metema o maso'da leondiak, soona neukose ta hapu manamapangge-ngge, nai lelek o la'ok, ma neukose o ta makatunu, nai lelek o malaik.

AMSAL 4:18

Hataholi mangalauk-ka enon-na makahatuk, sama leo makahatuk-ka nai fai le'odaen-na. Ala lakatunu, fo ala tu'u leu, tehu ala ta bubuluk fa. Nasafalin-na, enok fo hataholi malole-a la'ok tungak-ka nde been-na, sama leo le'do-a tii mai; ana boetai mangale'dok-ka, losa mate'en-na, mangale'don-na namatua.

AMSAL 8:20

Au tunga enok ndoos ma matetuk-ka, au la'ok nai enok fo tunga ka'da ndoon-na.

YESAYA 35:8

Neukose, hapu okofoo nai naa, na'de, “enok manaleo so'da-molek-ka neu.” Neukose hataholi masala-masingok-ka, ta tunga enok ndia fa, hataholi nggoak-ka, neukose ana ta taon-na hataholi manatunga enok ndia, sala enok ndia fa.

YESAYA 48:17

Israel Manetualain malalao-malalafun-na, ma o Manasoi-tefam-ma, nafa'da nae, “Au nde o Amam Manetualaim, fo namanenenanoli o, hata fo masosoa-ndandaak ba'eneu o, ma Ana hela-nole o, nai enok fo, o tungak-ka.

YEREMIA 6:16

Manetualain nafa'da anan-nala nae, “Mapadeik meu eno kaba'ek-kala, fo taoafik matalolole! Matane eno-enok makahulun eli-la, fo enok sila-la, beek-ka nde malole. Soona tunga enok ndia leona, fo ela emi maso'da no nee-nee lino-linok.” Tehu lafa'da lae, “Ta, ami ta nau tunga enok ndia fa!”

YOHANIS 14:6

Boema Yesus nae, “Au nde enok soaneu emi malelak Manetualain, fo emi hapu maso'da. Hataholi esa boen, ana ta hapu neu leo Ama ka neu fa, metema ta no Au fa.