AMSAL 2:6 - Susula Malalaok Hehelu Palak Ma Hehelu Beuk

⁶ Manetualain nde manafe manatee-tenok-ka; hataholi daebafak-ka hapu malelak ma dudu'a-aafi manadaik neme Ndia mai.

AMSAL 2:6 ပူးပေါင်းရင်းမြစ်များ

1RAJA-RAJA 10:24

Basa hataholi manai daebafak ia lala'en-na sanga enok fo latongo loo Salomo soaneu lamanene nanoli manatee tenok fo Manetualain fen neun.

1RAJA-RAJA 3:12

de o nonokem ndia, neukose Au tao atetun. Neukose Au tao a o da'di manatee-tenok ma manatee-tenok lena neme su'di see mai boe, nau nai fai maneu kala do nai fai manamaik-kala.

1RAJA-RAJA 3:9

Hu ndia de, ou Manetualain, ela leo been-na fe au dudu'a-aafi manatee-tenok fo au paluun soaneu paleta O anam ia la no tunga ndoos ma matetuk, ma soaneu au bisa mete kofe'ek bee kande malole ma bee kande mangalauk-ka. Metema ta leondiak fa soona, hapu nai bee au hapu paleta O anam fo matuaina ia la?”

1RAJA-RAJA 4:29

Manetualain fe Salomo manatee-tenok, ma malela matuaina boema dudu'a-aafi mademainan-nanseli.

1 TAWARIKH 22:12

Ma ela leo been-na o Amam Manetualaim fe o manatee-tenok ma dudu'a-aafi maneu soaneu paleta Israel nandaa no hoholo-lalanen.

EZRA 7:25

Tolanook Ezra, pake manatee-tenok fo, Manetualain fe basan neu Tolanook-ka so, fo so'u mauli-malangan, ma manakee-manafula-la, fo ala paleta basa hataholi manai propensi Efrat Muli, fo laso'da tunga Tolanook-ka Manetualain-na, Hoholo-lalanen. Ela leo ben-na, Tolanook-ka manoli Hoholo-lalanek ndia, neu basa hataholi fo, ala beita bubuluk-kana fa.

NEHEMIA 7:5

Hu ndia de, Manetualain nakababale au daleng-nga, soaneu au alo akabubua basa laun-nala ma basa mauli-malangan-nala boema lasi ngolok-kala, fo ela au hapu lekes tunga esa-esak susula bei-ba'in. No enok ndia de, au hapu susulak la'eneu hataholi manafali makasososak leme mamana tu'u-tapak mai. Susulak nanasulak nai nisidaen ia nde bee soona, au hapu tutui mangale'dok neme susulak ndia mai nae:

AYUB 12:16

Manetualain ndia, balakaik, manasengik, ma nai uluk tataas esa! Hataholi manatipu-daik, ma hataholi nana tipu-daik-ka, lai Manetualain koasan-na dae.

AYUB 22:22

Sipo-ma hata fo, Manetualain nanolin neu o; pe'da basa sila-la, nai o dalem dale.

AYUB 32:8

Tehu, manafe manatee-tenok-ka neu hataholi daebafak-ka, nde ka'da Manetualain Fo Manakoasa, Duladalen-na.

MAZMUR 119:104

O hoholo-lalanem, fe au malelak, nalosa au ta ahiik, ha'da-palii manatipu-daik-ka fa.

MAZMUR 119:34

Tao-ma au, alelak O hoholo-lalanem, fo ela au tungan, ma au tao-no'in no dale katematuak.

MAZMUR 119:98

Au afandele O paletam-ma, tataas esa, fo ana tao-na au da'di manatee-tenok, lena heni au musung-ngala.

MAZMUR 19:7

Ana la'ok ndolo lalai-a, neme pe'dak leo pe'dak neu; basa hata lala'ena, ala hapu le'do haan-na.

MAZMUR 19:8

Manetualain hoholo-lalanen ndia matetu-mandaak, ana tao makasufu samanek-ka. Manetualain paletan-na, hapu nananamahelek, ana fe hataholi fo dudu'a-aafin bei ta namadai fa manatee-tenok.

MAZMUR 51:6

Soaneu O, ka'da soaneu O mesam-ma, au asala-asingo, ma au tao hata fo O mafa'da mae mangalauk. Hu ndia de, nandaa O huku au, O naketu-nala'dim, ndoos ma matetuk.

MAZMUR 94:10

Ndia nde nanoli leoina-la, ade Ana ta huku fa do? Ndia nde da'di basa hataholi-la mesen-na, ade ta nalelak fa do?

KELUARAN 31:3

de Au ba'e-bati fen Au koasang-nga. Au fen dudu'a-aafi maneu, malelak ma be'i-balakaik nai doki-dula mata-matak lala'en-na dalek:

AMSAL 6:23

Emi ina-amam-mala paletan-nala nono'kabai banuk fo mangale'dok-ka; sila kekena-kaka'in-nala latu'du fe emi so'dak-ka heheo-hihilun fo malole.

PENGKHOTBAH 2:26

Manetualain fe manatee-tenok, malelak ma tetu-temak neu hataholi fo tao namahoko dalen-na. Tehu nadenu hataholi masala-masingok-ka naue-nale'di fo sanga nana'a-naninun ma ana pe'da buna-boan fo ana fen neu hataholi fo tao namahoko Manetualain dalen-na. Da'di, basa sila-la manada'di taak, sama leo sanga enok fo usi anin-na.

YESAYA 54:13

Basa o laum-mala, ala da'di Au ana sakolang, neukose ala hapu tetu-temak ma so'da-molek.

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

DANIAL 1:17

Manetualain fe touana muli-solu ka haak sila-la manatee-tenok ma malelak matuaina nai nanoli mademaina-la dalek. Fe'ek neme ndia mai, Ana fe Danial malelak boe, fo nafa'da mangalele'do ninitak ma me'is-sala sosoa-ndandaan.

DANIAL 2:21

Ndia nde naketu le'do-fai, Ana nakona ma so'u manakoasa. Ndia boeo nde manafe manatee-tenok, boema manaba'e-bati dodole da'uk.

DANIAL 2:23

Ou, Manetualain fo au be'i-ba'i kaing sene-do'ok-ka. O nde au koa-kio ma amatutua-amadedemak-ka. Nana O fe au manatee-tenok ma be'i-balakaik. O sipok ami dokodoem-ma. Ma O matu'du basa natataak soaneu manek-ka so.”

LUKAS 21:15

Au nde neukose fe emi dede'a-kokolak ma manatee tenok ndia, nalosa ta hapu hataholi esa boen neme emi musu noo ma hapu la'ban do lalelesi hata fo emi mafa'da ka.

YOHANIS 6:45

Ala sula kana nai Nabi la Susulan dale nae leo ia: ‘Neukose Manetualain nanoli basa hataholi la.’ Hu ndia de, see namanene Ama ka, ma nanoli neme Ama ka mai soona, ana mai leo Au mai.

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.