AMSAL 2:20 - Susula Malalaok Hehelu Palak Ma Hehelu Beuk

²⁰ Hu ndia de, au anang-ngonei, tunga hataholi malole-a heheo-hihilun, ma maso'da tunga Manetualain hihii-nanaun.

AMSAL 2:20 ပူးပေါင်းရင်းမြစ်များ

MAZMUR 119:115

Hai hataholi mangalauk-kala lemin, madook meme au mai! Au nau tunga au Manetualaing paletan-na.

MAZMUR 119:63

Au tao tia-laik o basa hataholi kamahehelek-kala, ma basa hataholi fo, lakalala'ok O paletam-ma.

AMSAL 13:20

Hataholi fo, ana leo-napalasa no hataholi manatee-tenok-ka, neukose ana da'di manatee-tenok; tehu hataholi fo, ana leo-napalasa no hataholi nggoak-ka, neukose ana hapu soe.

AMSAL 4:11

Au anoli basa o manatee-tenok-ka, ma au atu'du o, so'da ndoos-sa eno dalan so.

AMSAL 4:18

Hataholi mangalauk-ka enon-na makahatuk, sama leo makahatuk-ka nai fai le'odaen-na. Ala lakatunu, fo ala tu'u leu, tehu ala ta bubuluk fa. Nasafalin-na, enok fo hataholi malole-a la'ok tungak-ka nde been-na, sama leo le'do-a tii mai; ana boetai mangale'dok-ka, losa mate'en-na, mangale'don-na namatua.

AMSAL 8:20

Au tunga enok ndoos ma matetuk-ka, au la'ok nai enok fo tunga ka'da ndoon-na.

YEREMIA 6:16

Manetualain nafa'da anan-nala nae, “Mapadeik meu eno kaba'ek-kala, fo taoafik matalolole! Matane eno-enok makahulun eli-la, fo enok sila-la, beek-ka nde malole. Soona tunga enok ndia leona, fo ela emi maso'da no nee-nee lino-linok.” Tehu lafa'da lae, “Ta, ami ta nau tunga enok ndia fa!”

IBRANI 6:12

Ami ta nau emi da'di manapela-balek fa. Tehu ami hii fo ela emi maso'da sama leo hataholi fo manasipo hata fo Manetualain helu ka, ma nanahu emi mamahele neun, ma emi mahani no ta haelai mamanasa fa.

3 YOHANIS 1:11

Tolanoo susue ngo nei! Boso nanadulak neme hata mangalau ka mai, te nanadulak neme ka'da hata malole a. Hataholi mana tao malole a, hataholi ndia, Manetualain hataholin. Ma hataholi mana tao mangalau ka, hataholi ndia beita nalelak Manetualain fa.