AMSAL 2:16 - Susula Malalaok Hehelu Palak Ma Hehelu Beuk

¹⁶ O fo au anangonei, neukose o bisa tipa heni ina mangalauk-kala fufu'di-oo'don, fo ala sanga enok soaneu tao latu'da o dalem-ma, nenik dede'a-kokola makee-maminan.

AMSAL 2:16 ပူးပေါင်းရင်းမြစ်များ

AMSAL 22:14

Ina manasosoa-piaok-ka, fufu'di-oo'do makee-maminan-na, nalupa hihi'ik; fo Manetualain namanasa hataholi-a, ana kosik leo dalek neu.

AMSAL 23:27

Ina manasosoa-piao langa batuk-ka, nde been-na meobesi maneni soe.

AMSAL 26:28

Masapepeko-masandandalik-ka, sama no nakamuu-nakadauk-ka. Hala-kokolak makee-mamina neni soe.

AMSAL 29:5

See so'u laik nonoo hataholin-na soona, ana lona hihi'ik, soaneu aoinan-na.

AMSAL 6:24

No enok ndia nadook emi neme anafe'ok mangalauk-kala, ma fufu'di-oo'dok-ka neme hataholi fe'ek saoinan mai.

PENGKHOTBAH 7:26

Au hapun nae inak-ka makahe'duk lena neme mamates-sa mai. Inak-ka susue tou-ta'en-na, sama leo dala ma hihiik fo naheheleaon ho'u musun-na. Lima hoholun-na sama leo lange fo ana henge nahelen. Tehu hataholi manatao tunga Manetualain hihii-nanaun-na, nala hihi'ik-ka deak, tehu tao leo bee-o, hihi'ik-ka nala hataholi masala-masingok-ka.

HAKIM-HAKIM 14:17

Simson saoinan-na, ana kii nakandoo nai feta ndia, faik hitu dalen-na. De hu kande, ana nggenggele nakandoo, de neu fai ka hitun-na boema, Simson nafa'dan, neneuk ndia sosoa-ndandaan. Boema, Simson saoinan ndia, nafa'dan neu hataholi Filistin-nala.