AMSAL 18:4 - Susula Malalaok Hehelu Palak Ma Hehelu Beuk

⁴ Hataholi-a hahapun-na, nalupa manatee-tenok-ka matan-na demak-ka, sama leo tasi maloaina, ma makasufuk sama leo oe manafaak-ka.

AMSAL 18:4 ပူးပေါင်းရင်းမြစ်များ

MAZMUR 78:2

Au nau kokolak dede'a lasik ma nakandandaak, ma au afa'da mangalele'do, neneuk tepo lelek makahulun-na,

AMSAL 10:11

Hataholi malole-a hala-kokolan, nakadada'dik so'da maua-manalek, tehu hataholi mangalauk-ka hala-kokolan nafuni dale manggenggeok

AMSAL 13:14

Hataholi manatee-tenok-ka nanolin-na, nono'kabai oemata ua-nalek; metema hapu nasanene'da mahelek soona, nanolik ndia nde soi-tefa.

AMSAL 16:22

Manatee-tenok-ka nde been-na, oemata ua-nalek ba'eneu hataholi dale malole-a so'dan-na; tehu hataholi nggoak-ka, nggoan-na tao doi-doso seluk-kana.

AMSAL 18:3

Sala-singok ma nakamumulu-nakamamaek-ka, ala la'ok sama-sama; metema nananakamumulu-nakamamaek basak so, soona tao leo bee-o, nananakadadaek.

AMSAL 20:5

Hataholi-a dale bobongoanan-na, sama leo oedolu madema; tehu, hataholi dudu'a manadaik-ka, ta bisa hela oen-na fa.

MATEOS 12:34

Emi hataholi mangalauk, na tao leo bee fo emi hapu kokolak dede'a malole, metema emi hataholi mangalauk? Hata fo bafa ka kokola kana, ndia nde kalua neme dale ka mai!

YOHANIS 4:14

tehu metema see ninu oe fo Au fe ka soona, neukose ana ta maa ma'da so'on, losa dodoo na. Nanahu Au fe oe ndia, neukose ana da'di oe mata nai aon dale, fo ana faa leo deak mai. Oe ndia nde nini so'da matetu ka, ma manaketu basa ta ka.”

KOLOSE 3:16

Ela leo bee na, Kristus nanolin fo henuk no baba'e-papala ka, ana susi leo emi dalem dale neu. Ela leo bee na, esa nanoli esa, ma esa nanoli-nafa'da esa no dudu'a-aafi matetu-mandaak. Makamee nakamee Mazmur, ma kokoa-kikiok, boema makamee hataholi kamahehele kala nakamee nala; makamee soaneu Manetualain ma moke makasi neun nai emi dalem dale.

KOLOSE 4:6

Ela leo bee na, dede'a-kokolak fo emi kokola kana, muse nini nanahokok fe hataholi, ma hataholi hii namanenen tataas esa. Ela leo bee na emi bubuluk, tao tao leo beek fo, emi muse mataa hataholi a natatane nala.