AMSAL 17:6 - Susula Malalaok Hehelu Palak Ma Hehelu Beuk

⁶ Hataholi fo namalasi so, dale namatutuan-na nde been-na, nde upu-anan; ma ni'iana-la, dale namatutuan-na nde ina-aman.

AMSAL 17:6 ပူးပေါင်းရင်းမြစ်များ

KEJADIAN 48:11

Boema Yakob nafa'da Yusuf nae, “Te'e-te'e au ta dodoo losa, neukose au atongo seluk o o fa, tehu nakalenak besak ia Manetualain fe au loak ita o ana mala boe.”

KEJADIAN 50:23

Ana bei hapu loak nita Efraim upu-anan. Boeo ana bei hapu loak nakaboboi Makhir anan-nala, fo nde Manasye upun-nala da'dileo ndia ana bongin.

1RAJA-RAJA 11:12

Leomae leondiak boe, hu kande o amam Dauk de, neukose Au ta tao dede'ak ndia nai o fai maso'da ma dalek fa. Neu tepo-lelek fo o anamanem-ma paleta, besak-ka Au taon.

1RAJA-RAJA 15:4

Tehu, hu kande Mane Dauk ka, boema Manetualain fo Dauk sene-do'ok-ka, fe basa Abiam, ni'iana esa fo ana paleta nggatin nai Yerusalem fo nanea nahele kota ndia.

KELUARAN 20:12

Fe ha'da-holomata neu emi amam ma emi inam, fo ela emi tetu-temak, ma teu manalu nai nusak fo Au fen neu emi-a.

AMSAL 13:22

Hataholi malole-a, ana ba'e hata-heton neu upu-anan; tehu hataholi masala-masingok-ka su'i-beten nanape'dak, soaneu hataholi fo, so'dan-na ndoos.

AMSAL 16:31

Hataholi manatao tunga ndoon-na, neukose ana hapu teu naluk; langadoo mofan-na, sama leo ti'ilanga mana'ahiik-ka.

MALEAKHI 1:6

Manetualain Fo Manakoasa, nafa'da basa imam-mala nae, “Ni'iana esa, ana fe ha'da-holomata neu aman, ma malalau-maoono esa, ana fe ha'da-holomata neu ndia tuan-na. Au ia, emi Amam; tao le'e de, emi ta fe ha'da-holomata neu Au fa? Au ia, emi malangam-ma; tao le'e de, emi ta bii-mamata'u neu Au fa? Emi makamumulu-makamamaek Au, tehu emi matane mae, ‘No enok leo bee ka, ami makamumulu-makamamaek O?’