AMSAL 17:1 - Susula Malalaok Hehelu Palak Ma Hehelu Beuk

¹ Malole lenak ta'a kakau pingak esa, tehu ta'an no dale manatesa-tamak, neme nana'a mala'dahiik-ka sasi kao-kao boe, tehu ta'an no dale manatesa-tamak taak.

AMSAL 17:1 ပူးပေါင်းရင်းမြစ်များ

MAZMUR 37:16

Hataholi malole fo, bua-lo'an faa anak, tehu belin-na lena heni hataholi mangalauk-ka hahapu makadoton-na.

AMSAL 15:16

Malole lenak hata-heto lumanak, tehu hata-heto lumanak ndia, sama-sama no bibii-namata'u neu Manetualain, neme hata-heto makadotok, tehu hata-heto makadotok ndia, sama-sama no bibii-namata'uk.

AMSAL 15:17

Malole lenak na'a aidoo, tehu na'an sama-sama no susue-lalaik, neme na'a paa mala'da, tehu na'an sama-sama no nakamuu-nakadauk.

AMSAL 16:8

Malole lenak hapu-dai faaanak, tehu hapun tunga eno ndoos-sa, neme hapu-dai makadotok, tehu ta hapun tunga eno ndoos ma matetuk-ka fa.

AMSAL 17:2

Ata dodole da'uk-ka, neukose ana koasa ni'iana maneni bibii-mamaek-ka; ma neukose, ana sipo baba'ek sama-sama no ni'iana ndia, tolanoon-nala.

AMSAL 21:19

Malole lenak, leo nai moo solokaek-ka, neme leo no saoinak, fo ana hii ka'da nakamuu-muu, ma ana tao nasa-nasak mesan.

AMSAL 21:9

Leo nai uma hunuk-ka bu'un-na, malole lena neme leo uma esa no saoinak fo, ana hii ka'da nale'a-napilik.

AMSAL 7:14

“Faik ia au muse bae atetu au ala-hehelung-nga, hu ndia de au fe basa tutunu-hohotuk so.