AMSAL 16:9 - Susula Malalaok Hehelu Palak Ma Hehelu Beuk

⁹ Hataholi daebafak-ka bole tutu'u enok, tehu Manetualain nde naketu, so'dan-na eno-dalan.

AMSAL 16:9 ပူးပေါင်းရင်းမြစ်များ

2TAWARIKH 22:7

Manetualain naketua basa nae neukose Ahazia natongon-no mamaten-na, nai lelek neu donge-dama Yoram. Nai donge-damak ndia, Yoram hapu lena-la'bak neme touk esa na'de Yehu fo Nimsi anan-na, fo Manetualain hele basan soaneu ana tao namate-namopo Manek Ahab-pa teidale-bobongin.

MAZMUR 37:23

Manetualain hela-nole hataholi nai enok fo, ana la'ok tungak-ka, Ana tao natea-nahele hataholi fo, so'dan-na nandaa no dalen-na.

AMSAL 16:1

Hataholi daebafak-ka, bole tutu'u enok, tehu Manetualain nde fe nakeketuk-ka.

AMSAL 16:8

Malole lenak hapu-dai faaanak, tehu hapun tunga eno ndoos-sa, neme hapu-dai makadotok, tehu ta hapun tunga eno ndoos ma matetuk-ka fa.

AMSAL 19:21

Hataholi daebafak-ka, nanuu dale tutu'uk makadotok, tehu ka'da Manetualain nde naketu, fo ana da'di.

AMSAL 20:24

Manetualain naketu basa, hataholi daebafak-ka maso'dan-na eno-dalan nai daebafak ia so; hu ndia de, hataholi daebafak-ka, ta bubuluk maso'dan-na, eno-dalan fa.

AMSAL 21:1

Sama leo Manetualain ito-ato lee oen-na, fo ela ana faa tunga dale hihiin-na, leondiak boe, Ana hela-nole manek-ka dudu'a-aafin

AMSAL 21:30

Ta hapu malelak, dodole maneu ma manatee-tenok fo, bisa nakatatakak nai Manetualain matan fa.

YESAYA 46:10

Neme makasososan-na, Au tui-benga dede'a makabuik-kala, neme makahulun-na, Au afa'da ela, hata fo, neukose ana da'di. Au afa'da ae, Au nakeketung-nga, nanatao natetuk, tao leo bee-o, Au tao tunga, Au dale hihiing-nga!

YEREMIA 10:23

Manetualain, au bubuluk ta hapu hataholi esa boen nanuu koasa fo ana naketu ua-nalen do lelepos nalelak so'dan-na eno-dalan.

SEMUEL SUSULAK-KA ESAN-NA 9:16

“Balahaa fafaik, fafa'kama li'u ba'u ia, neukose Au adenu hataholi esa neme leo Benyamin-na mai, neu natongo no o. So'u hataholi ndia, nenik lose mina neun, fo ana da'di manek neu Au anang Israel. Neukose ana soi-tefa-na Au anang-ngala leme hataholi Filistin-nala mai. Au ita basa Au anang-ngala doi-doson ma kikii-makaleleun loke tutulu-fafalik so.”