AMSAL 16:2 - Susula Malalaok Hehelu Palak Ma Hehelu Beuk

² Fafa'kama nai hataholi-a mata memeten-na dalek, basa tatao-nono'in malole, tehu Manetualain nde fola dale tutu'un-na.

AMSAL 16:2 ပူးပေါင်းရင်းမြစ်များ

MAZMUR 36:2

Sala-singok-ka, ana kokolak nai hataholi mangauk-ka dalen dale nae, ana tabii-amata'u neu Manetualain makandondook fa.

AMSAL 12:15

Hataholi nggoak-ka, ana dodoo nae, ana beita tao nita salak fa, tehu hataholi manatee-tenok-ka, ana hii namanene nanoli-nafa'dak.

AMSAL 16:25

Hapu enok fo meten soona ndoos, tehu mate'en-na, enok ndia leo mamates-sa neu.

AMSAL 17:3

Lilopilas ma lilofulak-ka, nanafolak nai ha'ikaak dale, tehu Manetualain fola hataholi-a dalen-na.

AMSAL 21:2

Hataholi-a esa-esak tatao-nono'in, fafa'kama malole, tunga ndia mesak-kana mata memeten-na, tehu Manetualain nde fola dalen-na tetee-tutu'dan.

AMSAL 24:12

O bole mafa'da mae, “Au ta nai dede'ak ndia dalek fa.” Tehu, Manetualain taoafik neu o. Ana bubuluk, de naketu-nala'di o dudu'a-aafim. Ana balas hataholi daebafak-ka nandaa no tatao-nono'in.

AMSAL 30:12

Hapu hataholi nggelok, lafa'da lae sila malalao-malalafuk, te se'kona, manggenggeon-na seli.

AMSAL 5:21

Manetualain nita basa lala'en fo, hataholi daebafak-ka tao-no'in. Hataholi daebafak-ka neu su'di leo bee neu boe, Manetualain mete nahelek-kana.

YESAYA 26:7

Hataholi manatao ndoos-sa, neukose ana la'ok nai eno ndoos-sa, nana O, Manetualain, oti enok ba'eneun.

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”

DANIAL 5:27

nanataik, Ama Manek nanatai basak so, de Ama Manek belan-na ta dai fa;

BILANGAN 22:32

Manetualain ata nusa so'dan-na, natane nae, “Tao le'e de, o fepa o keledeim-ma, losa la'i telu? Au mai, soaneu apanggengge o, nana tunga Au hahapung-nga, metema o muu soona, ta malole fa.

LUKAS 16:15

Tehu Yesus nafa'das nae, “Emi nde hataholi fo nai hataholi fe'ek matan soona, nananitak ndos, tehu Manetualain bubuluk emi dale ma oe isin lala'ena. Nana hata fo hataholi daebafa ka nafa'da nae madema, Manetualain meten soona, kaba'oanak.

NINITAK 2:18

“Neu ata nusa so'da salanik manai Tiatira la, sulakman leoiak: Ia nde hala heheluk neme Manetualain Anan, fo mata na pila lo'a-lo'a sama leo ha'i a, ma ei na pila lo'a-lo'a sama leo liti nanahotu ka.

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.

HAKIM-HAKIM 17:6

Nai lelek ndia, hataholi Israel-la manen ta; hataholi-la esa-esak tao su'di beek fo tunga mata memeten-na, la'en.

HAKIM-HAKIM 7:6

Boema, hapu hataholi natun telu lalamei oe-a neme liman dale mai; basa fe'ek sila-la soona, ala senek besak-ka linu.

SEMUEL SUSULAK-KA ESAN-NA 16:7

Tehu Manetualain nafa'da Semuel nae, “O dalem-ma boso tu'da, hu kande mata makee-na ma ao mademan-na; Au ahiik-ka, ta nde ndia fa. Au mata memeteng-nga ta sama leo hataholi daebafak-ka mata memeten-na fa. Hataholi daebafak-ka mete matak, te Au mete dalek.”

SEMUEL SUSULAK-KA ESAN-NA 2:3

Hahae o tutui bafa loum-ma leona! Hahae o kokola manakoao-ndaeaom-ma leona! Nana Manetualain ndia, Manetualain fo manabubuluk basa hata lala'en-na; fo mananaketu-nala'di basa hataholi-a tatao-nono'in lala'en-na.