AMSAL 15:9 - Susula Malalaok Hehelu Palak Ma Hehelu Beuk

⁹ Manetualain ta hii hataholi malelesik-ka so'dan-na eno-dalan fa, tehu Ana sue-lai hataholi manasanga enok, fo tao-no'i hihii-nanaun-na.

AMSAL 15:9 ပူးပေါင်းရင်းမြစ်များ

MAZMUR 1:6

Nana Manetualain hela-nole, ma nasulu-nahapa hataholi manatungak-ka, tehu hataholi mangalauk-ka, neu leo mamate-momopok-ka neu.

MAZMUR 11:7

Nana Manetualain malole, ma ndoos ma matetuk, Ana sue-lai hataholi manatao tatao-nono'i malole-a; hataholi dale ndoos-sa, neukose nita ma nalelak Manetualain.

MAZMUR 139:24

Mete te, fafa'kama hapu mangalauk nai au so'dang-nga dalek, fo hela-nole au leo enok manaketu-basa taak-ka neu.

MAZMUR 5:5

O Manetualain fo ta mahiik tatao-nono'i mangalauk-ka fa; hataholi mangalauk-ka ta bole mai leo O mai fa.

AMSAL 15:10

Hataholi manatao tatao-nono'i mangalauk-ka, neukose nanatao doidosok; ma hataholi fo ana ta nau ka'i fan-na, neukose maten.

AMSAL 21:21

See sanga enok, fo ela ndoos ma matetuk-ka, nananakalala'ok soona, neukose ana hapu so'da-molek, ha'da-holomata ma teu naluk.

AMSAL 21:4

Hataholi mangalauk ndia, nasala-nasingo, hu kande namatutua-namadedema aoinan-na, ma koao-ndaeaon-na.

AMSAL 21:8

Hataholi masalak-ka, enon-na dopelele'u; ma hataholi malole-a, naso'da tunga ndoon-na tataas esa.

AMSAL 8:13

Fe ha'da-holomata neu Manetualain soona sosoan-na nae, makamuu-makadau manatao mangalauk-ka; Au ta hii manakoao-ndaeaok-ka ma manamamatutua-mamadedema aok-ka fa. Au akamuu-akadau heheo-hihiluk mangalauk-ka, ma hala-kokolak manatipu-daik-ka.

YESAYA 26:7

Hataholi manatao ndoos-sa, neukose ana la'ok nai eno ndoos-sa, nana O, Manetualain, oti enok ba'eneun.

YESAYA 51:1

Manetualain nafa'da nae, “Mamanene leon, hai emi fo, manamahiik nanasoi-tefak, mai leo Au mai, fo moke tutulu-fafalik. Mafandele lete batu, fo emi nanapa'ak neme batu ndia mai, ma batu kakalik, fo emi nanakalik neme ndia mai.

YESAYA 51:7

Hai Au leoinang-ngala lemin, mamanene Au leona, emi bubuluk hata fo la'en; Au nanoling-nga, nanape'dak nai o dalem dale. Metema, hataholi daebak-ka, hakinonoli o soona, boso bii, metema ala lakadadaek o soona, dalem-ma boso ba'ihana.

YEREMIA 44:4

Au haitua Au atang-ngala, basa nabi-la neu emi tatas esa, fo ala kena-ka'is boso tao-no'i mangalauk fo Au akamu-akadauk ndia.

HOSEA 6:3

Hu ndia de, mai fo ata sanga enok, soaneu te'e-te'e talelak Manetualain. Tao leo bee-o, neukose Ana mai leo ita mai, sama leo le'do-a tii mai, ma sama leo u'dan-na tao nakadoe daebafak-ka nai faik u'dan-na nate'e.”

HABAKUK 1:13

Tehu, tao le'e de O makatatakak, mete hataholi manatao mangalauk fo dale susue-lalai tak sila-la? Ade O ta malalao-malalafuk manseli, soaneu mete tatao-nono'i magalauk fa hetu? Ade O ta malua mete ta ndoos ma matetuk-ka fa hetu? Da'di, tao le'e de, O ka'da denge-denge, nai lelek hataholi malenalanga-masa'basok-kala tao lakalulutuk hataholi kamahehelek-kala?

MATEOS 7:13

“Masok tunga lelesu makabi'a ka leona, te lelesu ma enok mana leo tasi ha'ik dale neu a, maloa de hataholi ba'u ka hii tunga enok ndia.

ULANGAN 7:13

Neukose, Ana sue-lai ma Ana fe emi baba'e-papalak, nalosa emi anam makadotok, fo emi dede'um-mala, boe popo-tama lakandoo. Neukose, Ana fe baba'e-papalak neu emi tinam-mala, nalosa labuna-laboa gandum, angol ma mina setun. Neukose, Ana fe emi baba'e-papalak, nalosa emi sapim-mala, bi'ihiim-mala, ma bi'ilopom-mala lamade'u. Neukose, emi sipo baba'e-papalak sila-la, nai nusak fo Manetualain fen neu emi, nandaa no hala hehelun neu emi bei-ba'i kaim-mala.

1 TIMOTIUS 6:11

Tehu Manetualain nuun o de, o muse madook ao ma neme basa dede'ak sila la mai. Sanga enok fo daenga o da'di hataholi ndoos nai Manetualain matan, boema fe o so'da ma neu Manetualain, ma mamahele Kristus, sue-lai o nonoo hataholi ma, matea-mahele nai doidoso ka dalek, ma heo hilum mangana'uk.

2 TIMOTIUS 2:22

Madook ao ina ma neme, hihii-nanau muli-solu kala mai. Sanga enok fo maso'da tunga Manetualain hihii-nanaun, lilineka mahele neu Manetualain nanoli nala, sue-lai nonoo hataholi ka, boema manuu dale mole-dame. Maso'da tao leondiak, sama-sama moo hataholi fo laloo loke tutulu-fafalik neme Lamatua ka mai, no dale matetu-mandaak.