AMSAL 13:4 - Susula Malalaok Hehelu Palak Ma Hehelu Beuk

⁴ Tou pelatua, dale hihiin ba'uk-ka, tehu ana ta hapu esa boen; tehu hataholi fo naue-nale'di puselaipana, ana hapu basa hata lala'en fo nahiik-kana.

AMSAL 13:4 ပူးပေါင်းရင်းမြစ်များ

KEJADIAN 26:32

Nai faik ndia boe, Isak atan-nala mai de lafa'dan la'eneu sila kali la oedolu a so. Lafa'da lae, “Ami hapu oe a so.”

MAZMUR 92:14

Sila sama leo ai fo, nanaselek nai Manetualain Uman, de nakapela nai ita Manetualain Uman,

AMSAL 10:4

Hataholi pelatua, neukose ana tu'da leo nuu taa-hata taak-ka dalek neu; hataholi manggatek-ka, neukose ana da'di kamasu'ik.

AMSAL 11:25

Hataholi fo ana hii fe ba'uk-ka, neukose anahapu dai-ma lena, hataholi fo ana hii tulu-fali, neukose ana hapu tutulu-fafalik boe.

AMSAL 12:11

Hataholi manatao tina-osi, fo naue-nale'di puselaipana, nanuu nana'ak makadotok; tehu hataholi fo nabasa le'do-fain, soaneu dede'a manada'di tak-ka nde been-na, hataholi nggoak,

AMSAL 12:24

Hataholi manggatek-ka, da'di manakoasa; tehu pelatua neninin-na da'di ata.

AMSAL 12:27

Hataholi pelatua, ta hapu hata fo nahiik-kana fa; tehu hataholi manggatek-ka, neukose ana hapu hata kabelik-ka.

AMSAL 13:3

Hataholi fo nanea hala-kokolan-na, neukose so'dan-na nee-nee lino-linok; hataholi manakokolak tofa-tafi-a, neukose susa-soe tunin-nan.

AMSAL 13:5

Hataholi manatao tunga ndoon-na, ana ta hii masapepeko-masandandalik-ka fa, hataholi mangalauk-ka, heheo-hihilun neni mamaek ma tao nanggenggeo aoinan-na.

AMSAL 20:4

Hataholi manatao tina-osi pelatua, ana sele-nggali tina-osin, ta la'e fain-na fa; mate'en-na, neu fai keketu-kokolun te, ana ta ketu-kolu fa.

AMSAL 21:25

Tou pelatua maisik fo, ana ta nau naue-nale'di fa; ana taonisa aoinan-na, nenik dale hihiin-na.

AMSAL 21:5

Hataholi manggatek-ka, dale tutu'un-na neni hahapu-dadaik; tehu ho'i nakeketuk no lai-laik soona, neninin-na totoa-tataak-ka.

AMSAL 24:30

Au la'ok hai tunga, hataholi pelatua maisik nggoak esa tinan, ma osi angol-la so.

AMSAL 24:31

De au ita ka'da makatema dila-nggauk, ma fii, nai ndia. Pa'a papala nanadaman-na boeo, ndefa henin so.

AMSAL 26:13

Tou pelatua, nau nahele ka'da uma; nafa'da nae, “Singa nai deak, de bisa ana kaa-na au, nai eno tala'dak.”

AMSAL 28:25

Paluu ka'da aoinak-ka mesak-kana, neninin-na nale'a-napilik; Metema o mamahele neu Manetualain soona, o hapu nanalak lena.

AMSAL 6:6

Hataholi pelatua, muse taoafik neu ne'ek-ka so'dan-na, fo nanoli neme ndia mai.

AMSAL 8:34

Namahoko-seteleek ba'eneu hataholi fo namanene neu au, fo su'di faik nangatuk nahani nai au umang-nga lelesun-na, ma manamaneak nai au mamana leleong-nga lelesuinan-na.

KIDUNG AGUNG 5:3

Au o'du heni au ba'dung-nga so; ade, neukose au bei pake seluk-kana do ta? Au safe basa au eing-nga so, ade, neukose au bei tao anggenggeo seluk-kana do ta?

YESAYA 58:11

Neukose, Au hela-nole emi tataas esa, ma Au fe emi makabete nai, dae tokotik-ka; Neukose Au anea emi, fo ela emi so'da-la'dak ma balakaik mahele. Neukose emi sama leo osi fo, oen-na dai, sama leo oemata fo, ta manama'dak fa.

BILANGAN 23:10

Yakob tititi-nonosin, sama leo daesopuk-ka, de ta hapu leke nala fan; leoina Israel-la, makadotok nanseli. Sa'di leo been-na, au mate sama leo hataholi dale ndoos, ela leo been-na, au fai mamateng-nga, sama leo hataholi sila-la, fai mamaten-na.”

YOHANIS 6:27

Boso sanga ka'da nana'a kabook fo hapu basan. Te sanga nana'a kaboo ta ka, ma nana'a manini maso'da matetu ka, ma manaketu basa ta ka. Fo Ana Hataholi ka nde fe emi nana'ak ndia. Nanahu Amak Manetualain so'u basa Ana Hataholik ndia so.”

IBRANI 6:11

Ami hii manseli fo ela emi esa-esak manggate makandoo losa mate'e na, nalosa emi sipo hata fo emi mamahenak ndia.

YOSUA 7:3

ala fali ma'is, de lafa'da Yosua lae, “Ta paluu ita basatala teu sapu-ta, Ai fa. Fafa'kama haitua ka'da hataholi lifun dua do lifun telu leu. Boso haitua la'iesak solda'du-la leu latee-lata'ti nai naa, nanahu kota ndia anak-ka.”