AMSAL 11:9 - Susula Malalaok Hehelu Palak Ma Hehelu Beuk

⁹ Hataholi mangalauk-ka hala-kokolan neni momopo-mamatek; hataholi malole-a, manatee-tenon-na soi-tefa nalan.

AMSAL 11:9 ပူးပေါင်းရင်းမြစ်များ

1RAJA-RAJA 22:6

Boema Ahab naloo nakabubua fafa'kama nabi natun haa boema natanes nae, “Au bole u sapu a Ramot do ta?” Lataa lae, “Bole! Neukose Manetualain fe kota ndia neu Ama Manek.”

AYUB 34:30

Boema basa leoina-la ta lapalani, soaneu ala kena-ka'i tatao-nono'ik mangalauk-ka koasan-na.

AYUB 8:13

Hataholi lamatua taak-ka, leondiak. Ana nafandele heni Manetualain, boema mopo namahehenan-na.

MAZMUR 55:12

Nai mamanak lala'ena, hapu nakalulutuk-ka, tuni-ndenik ma ke'di-ndiuk-ka, da'di nai pasak-ka.

AMSAL 11:6

Hataholi manatao tunga ndoon-na, naso'da, nanahu dale ndoo-na; hataholi fo ta hapu nananamahelek fa, ana kosik nanahu tenepetan-na

AMSAL 11:8

Hataholi ndoos-sa, nala toto'a-tataak-ka deak; hataholi mangalauk-ka hapu batu nakatutunuk.

AMSAL 16:29

Hataholi nasa-melu mangalauk-ka, ke'di-ndiu nonoon-nala, fo nos leo soe dale neu.

MATEOS 7:15

“Masanene'dak neu nabi pepeko kala, te lasale mai soona sama leo bi'ilopo a, te see ko na dale nala sama leo busa fui makaa mangalau ka.

MARKUS 13:14

“Nai faik esa te neukose emi mita, ‘Nitu Mangalauk fo Mana Tao Nakalulutu ka’ napadeik nai mamanak fo nanapa'dak ba'eneun. (See lees ia soona, so'ba malela kana leona!) Metema lelek ndia emi nai Yudea soona, emi muse malai leo lete lepa kala meu.

HATAHOLI 20:30

Lena-lenak, neukose nai tolanoo kala tala'da boeo, neukose hataholi la to'da mai, fo ala tui-benga dede'a masapepeko kala. Hataholi sila la ala tao leondiak, fo sue ka nde hataholi fo lamahele basa Yesus ala la'ok sala, fo ala tunga sila.

1 YOHANIS 2:21

Hu ndia de, au sulak fe emi susulak ia, ta hu ka nde emi beita malelak nanoli ndo sa fa, te hu ka nde emi malela kana so, boema emi bubuluk boeo, ta hapu masapepeko-masandandalik nai nanoli ndoos sila la dalek fa.

1 YOHANIS 2:27

Tehu la'eneu emi soona, Kristus fe basa Dula Dale na neu emi so. Boema metema Dula Dalek ndia bei nahele nai emi dalem dale soona, ta paluu hataholi nanoli emi so'on. Nana Dula Dalek ndia nanoli emi, la'eneu basa hata lala'ena; boema ta hapu masapepeko-masandandalik nai nanolin sila la dalek fa. Hu ndia de ela leo been-na, emi tunga Dula Dale ka nanolin sila la, ma ela leo been-na emi maso'da tataas esa mo Kristus.