AMSAL 11:4 - Susula Malalaok Hehelu Palak Ma Hehelu Beuk

⁴ Metema nasasale matak no mamates-sa soona, hata-heton sosoa-ndandaan ta; o so'dam-ma neukose nanasoi-tefak, metema o dalem-ma ta peko-pakik fa.

AMSAL 11:4 ပူးပေါင်းရင်းမြစ်များ

KEJADIAN 7:1

Boema Manetualain nafa'da Noh nae, “Au ita ka'da o mesa-mesam-ma nde, tao tunga Au hihii-nanaung. Da'di, masok leo ofak ndia dalek sama-sama moo basa o teidale-bobongim-mala lala'en-na.

AYUB 20:28

Neukose basa la'iesak su'i-beten lala'en-na, nanahu Manetualain nasa-melun, manalua ponu-ponun-na.

AMSAL 10:2

Su'i-betes fo hapun neme enok tipu-daik-ka mai, ta neni nanalak fa; nasafalin-na, ndoos-sa, neukose neni maso'dak.

AMSAL 12:28

Hataholi fo, ana tunga eno ndoos-sa, neukose so'dan-na naua-nanale; tehu hataholi fo, ana tunga eno mangalauk-ka, neu leo mamates-sa neu.

AMSAL 6:34

Nana, nenik ndia tatao-nono'in ndia de, inak ndia saotoun-na da'dik manaholo inak nalosa nasan-na lua ponu-ponu. Ma metema ana balas nape'da dalek soona, neukose ana ta nanuu dalek susue-lalaik fa.

YESAYA 10:3

Neukose emi tao beek nai faik fo, Manetualain huku emi? Ade emi sanga enok tao leo beek, nai lelek fo Ana fe soe-a mai neme nusa dook mai? Neukose emi moke tutulu-fafalik neu see? Neukose emi mafuni emi su'i-betem sila-la nai bee?

YESKIAL 14:14

Leomae Noh, Danel ma Ayub, ala leo leme mamanak ndia, tehu sila telu tatao-nono'i malolen-na, hapu soi-tefa-na ka'da sila telu samanen-na mesak-kana. Au, Manetualain Fo Mademaina, nde manakokolak-ka.

YESKIAL 7:19

Neukose, ala tapaheni lilopila-lilofulan-nala leo enok lain neu, sama leo kadafuk-ka, nana nai faik fo, Manetualain kalua nasa-melun te, lilopilas-lilofulak, ta hapu soi-nala sila fa, te ka'da nenis leo sala-singok-ka dalek neu. Ala ta mete lilopilas lilofulak sila-la, fo lakabete, do ala ko'dos leo tein-nala dalek leu fa.

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

MATEOS 16:26

Ade hataholi esa hapu nanalak hata, metema ana hapu daebafa ka lala'ena, tehu namopo so'da samane na? Ade so'dak ndia hapu tukan ninik hata esa do?

LUKAS 12:20

Tehu Manetualain nafa'dan nae, ‘Hei nggoa konei! Le'odaek ia boe, mate o, fo neukose see ka nde hapu basa su'i-betes fo o makadudulu mak sila la?’

ROMA 5:17

Nana hu ka nde hataholi esa sala-singon de mamate sa nafeo basa mamanak lala'ena, tunga hataholi kisak ndia. Tehu hataholi esa, fo Yesus Kristus, Ana tao ba'ulena seluk ndia bai. Manetualain fe basa susue-lalai matuainan ndia, neu hataholi makadotok boema Ana fe hiik susue-lalain ndia fo ala malole falik lo Manetualain; neukose ala hapu koasa nai daebafak ia, tunga Kristus.

1 TIMOTIUS 4:8

Nanoli ao paa ka, sosoa-ndandaan ka'da faa anak mesa kana, tehu nanoli samane ka, sosoa-ndandaan ba'una seli nai basa dede'ak lala'ena dalek, nana isi na, hehelu balataak soaneu ita maso'dan nai besak ia ma nai fai mana mai ka.