AMSAL 10:9 - Susula Malalaok Hehelu Palak Ma Hehelu Beuk

⁹ Hataholi manatao ndoos-sa, so'dan-na nee-nee lino-linok; hataholi manake'di-ndiuk-ka, neukose nanabubuluk.

AMSAL 10:9 ပူးပေါင်းရင်းမြစ်များ

KEJADIAN 17:1

Lelek Abram teun siohulu sio boema, Manetualain natu'du aoinan-na neun, de nae, “Au nde Manetualain, Fo Manakoasa. Tunga Au, ma tao-no'i Au hihii-nanaung tataas esa.

AYUB 8:20

Tehu, beita la'i esa fo, Manetualain la'oela hataholi manalilinekak-ka fa, ma beita la'i esa boen, fo Ana ta tulu-fali hataholi malelesik-ka fa.

MAZMUR 23:4

Leomae au la'ok tunga bafak makahatuk dale boe, au tabii soe-a fa, nana O sama-sama mo au O masulu-mahapa au, sama leo hataholi manafoo esa nasulu-nahapa bi'ilopon-na nenik ai tete'ek ma ai kalapu'ak.

MAZMUR 25:21

Ela leo been-na, dale malole-a no dale ndoos-sa lanea au, nana au amahena neu O.

MAZMUR 84:11

Malole lenak faik esa, nai O Umam, lena heni faik lifun esa, nai mamana fe'ek. Au helen da'di manamanea lelesu nai au Manetualaing-nga Uman, lena heni leo nai hataholi mangalauk-ka uman.

AMSAL 17:20

Hataholi manatipu-daik esa, neukose ta naua-nanale fa, hataholi maa kaba'ek-ka, neukose ana hapu soe.

AMSAL 26:26

Leomae nafuni nakamuu-nakadaun boe, neukose, basa hataholi-la lita tatao-nono'i mangalaun-na.

AMSAL 28:1

Hataholi mangalauk-ka nalai, leomae hataholi ta usi fan, tehu hataholi dale ndoos-sa, napalani sama leo singa.

AMSAL 28:18

Hataholi fo, naso'da no bu'u-ba'en ta soona, neukose naso'da. Hataholi fo, so'dan-na dopelele'u, neukose ana tu'da.

AMSAL 3:23

Neukose o la'ok no nee-nee lino-linok, ma neukose o ta makatunu fa.

MATEOS 10:26

“Boso bii hataholi daebafa ka. Ta hapu hata nananafunik, fo nananita tak, ma ta hapu hata nanabibila-babaa ka ta nana ofe henik fa.

1 KORINTUS 4:5

Hu ndia de, hu ka nde beita la'e fai na fa, de boso no lai-laik emi maketu mae hataholi esa nasala do ta. Mahani losa Lamatua ka fali ma'in dei. Ndia nde neukose buka basa bibila-babaak fo nananafunik nai makahatu ka dalek. Ndia nde neukose ofeheni basa dale tutu'uk fo manaenek nai hataholi daebafa ka dalen dale. Neu lelek ndia soona, besa ka hataholi a esa-esak ana sipo kokoa-kikiok fo nandaa ana sipon neme Manetualain mai.

1 TIMOTIUS 5:25

Leondiak boe, tatao-nono'i malole a, litan tutik. Ma hata nananafuni ka, ta hapu lafuni lala fan.