AMSAL 10:4 - Susula Malalaok Hehelu Palak Ma Hehelu Beuk

⁴ Hataholi pelatua, neukose ana tu'da leo nuu taa-hata taak-ka dalek neu; hataholi manggatek-ka, neukose ana da'di kamasu'ik.

AMSAL 10:4 ပူးပေါင်းရင်းမြစ်များ

KEJADIAN 26:32

Nai faik ndia boe, Isak atan-nala mai de lafa'dan la'eneu sila kali la oedolu a so. Lafa'da lae, “Ami hapu oe a so.”

AMSAL 10:5

Hataholi manatee-tenok-ka, nakaduduluk nana'ak neu fain-na, tehu hataholi fo, ka'da ana sungu nai fai keketu-kokolun-na, neni mamaek fe aoinan-na.

AMSAL 11:24

Hapu hataholi ana hii fe, tehu boetai namasu'i, hapu hataholi ana hii kila-nakadidia, tehu ana boetai da'di nuu-taa hata-taak.

AMSAL 12:24

Hataholi manggatek-ka, da'di manakoasa; tehu pelatua neninin-na da'di ata.

AMSAL 12:27

Hataholi pelatua, ta hapu hata fo nahiik-kana fa; tehu hataholi manggatek-ka, neukose ana hapu hata kabelik-ka.

AMSAL 13:4

Tou pelatua, dale hihiin ba'uk-ka, tehu ana ta hapu esa boen; tehu hataholi fo naue-nale'di puselaipana, ana hapu basa hata lala'en fo nahiik-kana.

AMSAL 18:9

Hataholi fo, ta nakalala'ok bela-ba'un fa, mangalaun-na, sama no hataholi fo, ana ta nau tao malole fa.

AMSAL 19:15

Pelatua mangananalok-ka, ana taon-na hataholi-a sungu-sungu mesan, de mate'en-na, tou pelatua, neukose namala'a-namandoe.

AMSAL 19:24

Hapu hataholi nggelok, pelatua maisik nanseli; ana sulu nana'ak leo bafan dale neu boeo, ana pela.

AMSAL 20:13

Hataholi fo, ana hii ka'da sungu-sungu mesan-na, neukose ana da'di hataholi nuu-taa hata-taak.

AMSAL 20:4

Hataholi manatao tina-osi pelatua, ana sele-nggali tina-osin, ta la'e fain-na fa; mate'en-na, neu fai keketu-kokolun te, ana ta ketu-kolu fa.

AMSAL 21:5

Hataholi manggatek-ka, dale tutu'un-na neni hahapu-dadaik; tehu ho'i nakeketuk no lai-laik soona, neninin-na totoa-tataak-ka.

PENGKHOTBAH 10:18

Uma punin-na, neukose nabolo, metema ta tao matalole fan, ma mate'en-na po'o uma ndia, hu kande pela-balek-ka.

YOHANIS 6:27

Boso sanga ka'da nana'a kabook fo hapu basan. Te sanga nana'a kaboo ta ka, ma nana'a manini maso'da matetu ka, ma manaketu basa ta ka. Fo Ana Hataholi ka nde fe emi nana'ak ndia. Nanahu Amak Manetualain so'u basa Ana Hataholik ndia so.”

1 KORINTUS 15:58

Hu ndia tolano-tolanoo susue-lalai ngala lemin! Ela leo bee na, emi balakaik ma matea-mahele. Maue-male'di makandoo soaneu Lamatua ka no te'e-te'ek, nana emi bubuluk mae, hata fo emi tao-no'in soaneu Lamatua ka, ta palsuma fa.