AMSAL 10:3 - Susula Malalaok Hehelu Palak Ma Hehelu Beuk

³ Neukose Manetualain ta po'ilotak hataholi malole-a hapu la'a-ndoes fa; tehu napanggengge hataholi mangalauk-ka fo ela hataholi ndia, ta hapu hata fo, nahiik-kana fa.

AMSAL 10:3 ပူးပေါင်းရင်းမြစ်များ

AYUB 15:23

Manupui nasar-rala, lahani fai mamaten-na, fo ala sanga la'a popolan-na. Boema, name'da nae so'dan-na makahatuk manai fai manamaik-ka.

AYUB 20:28

Neukose basa la'iesak su'i-beten lala'en-na, nanahu Manetualain nasa-melun, manalua ponu-ponun-na.

AYUB 5:20

Metema, la'a-ndoes mangalau soona, neukose ta mate o no la'as-sa fa. Metema natee-natatik-ka, ka'bo-ka'bo soona, o nee-nee lino-lino neme mamates-sa mai.

MAZMUR 10:14

Tehu O mitan; O taoafik neu toto'a-tataak, ma doidosok-ka, ma O maheheleaom tataas esa, soaneu tulu-fali. Hataholi tapandoes-sa, ana fe aoinan-na neu O, O tulu-fali hataholi nuu ta-hata tak-ka, tataas esa.

MAZMUR 112:10

Hataholi mangalauk-kala litan boema, lamanasa; ala hengu nisin-nala, nanahu ta lahiik lo fan. Boema mopo-mates; mopo sila namahehenan-na losa dodoon-na.

MAZMUR 33:19

Ana soi-tefa-nalas, leme mamates-sa mai, ma Ana fes laso'da, nai tepo lelek la'a-ndoes-sa.

MAZMUR 37:19

Nai lelek lai to'a-taak-ka dalek, neukose ala ta doi-doso fa, nai tepo-lelek la'a-ndoes-sa, neukose ala lamasu'i-lakabete.

MAZMUR 37:25

Neme au muli-solung-nga losa au amalasi so, au beita ita Manetualain la'oela hataholi malole-a fa, do upu-anan da'di hataholi manaloke su'di beek-ka.

MAZMUR 37:3

Mamahele neu Manetualain, ma tao-no'i hata fo malole-a, leo nai nusak ndia, ma makaboboi o aoinam-ma, no lilinekak.

AMSAL 13:25

Hataholi malole-a, hahapu-dadain dai-ma lena tataas esa, tehu hataholi mangalauk-ka, to'a-taa tataas esa.

AMSAL 14:32

Hataholi mangalauk-ka mopo-mate, nanahu tatao-nono'i mangalauk-ka, tehu hataholi malole-a, dale ndoon-na nasulu-nahapan.

AMSAL 28:25

Paluu ka'da aoinak-ka mesak-kana, neninin-na nale'a-napilik; Metema o mamahele neu Manetualain soona, o hapu nanalak lena.

AMSAL 28:9

Metema, o ta tunga Manetualain hoholo-lalanenfa soona, neukose Manetualain boeo, malua o huhule-haladoim.

YESAYA 33:16

Soona neukose, emi nananasulu-nahapak, ma matapo'i neme soe-a mai, nono'kabai, nai kota musu matea-mahelek dale. Neukose, nana'ak ma nininuk, nanasadiak ba'eneu emi.

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

LUKAS 12:31

Tehu emi muse sanga enok makahuluk, fo ela Manetualain paleta emi so'da ma soona, neukose fe'ek sila la boeo Manetualain fen neu emi.”