AMSAL 10:2 - Susula Malalaok Hehelu Palak Ma Hehelu Beuk

² Su'i-betes fo hapun neme enok tipu-daik-ka mai, ta neni nanalak fa; nasafalin-na, ndoos-sa, neukose neni maso'dak.

AMSAL 10:2 ပူးပေါင်းရင်းမြစ်များ

AMSAL 11:4

Metema nasasale matak no mamates-sa soona, hata-heton sosoa-ndandaan ta; o so'dam-ma neukose nanasoi-tefak, metema o dalem-ma ta peko-pakik fa.

AMSAL 12:28

Hataholi fo, ana tunga eno ndoos-sa, neukose so'dan-na naua-nanale; tehu hataholi fo, ana tunga eno mangalauk-ka, neu leo mamates-sa neu.

AMSAL 13:11

Su'i-betes fo hapun no mudak, neukose mopon no lai-laik; tehu hata-heto fo, nananakaduduluk faa-faa, neukose boetai namaba'uk-ka.

AMSAL 21:6

Su'i-betes fo hapun nenik enok tipu-daik-ka, mopon lai-lai, ma neni mamates fe hataholi.

YESKIAL 7:19

Neukose, ala tapaheni lilopila-lilofulan-nala leo enok lain neu, sama leo kadafuk-ka, nana nai faik fo, Manetualain kalua nasa-melun te, lilopilas-lilofulak, ta hapu soi-nala sila fa, te ka'da nenis leo sala-singok-ka dalek neu. Ala ta mete lilopilas lilofulak sila-la, fo lakabete, do ala ko'dos leo tein-nala dalek leu fa.

DANIAL 4:27

Hu ndia de ela leo been-na Ama Manek tunga au nanoli-nafa'dang. Ama Manek boso boe tao sala-singok seluk bai, tehu tao-no'i hata fo malole ma ndoos ma matetuk, ma sue-lai hataholi nuu-taa hata-taak-ka. No enok ndia, neukose Ama Manek naua-nanale nahele.”

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

ROMA 2:5

Tehu emi langa batu ma emi ta nau oebeu dale mala fa. Hu ndia de, emi nde tao mambela seluk emi huhuku ma nai Fai Mate'e ka, metema Manetualain natu'du nasa-melun fo naketu-nala'di tunga matetu na.

ROMA 5:21

Naa, ita muse mate, nana ita tao sala-singok. Tehu Manetualain sue-lai ita de Ana fe ita enok fo ata malole falik ton. Boema hu ka nde ita tututi-nanaton to Manetualai na, malole falik, boema Ana fe ita so'da matetu ka ma manaketu basa ta ka, tunga ita Lamatuan Yesus Kristus.

FILIPI 3:9

fo te'e-te'e, au da'di esa on. Au ta sanga enok soaneu tututi-nanatok no Manetualai na, malole falik, tunga agama hoholo-lalanen so'on. Besak ia, au tututi-nanatong no Manetualai na malole falik, nanahu au amahele neu Kristus so. Da'di, tututi-nanato malole ndia, ana da'di neme Manetualai na mai, ma tunga namahehelek neu Yesus Kristu sa.