AMSAL 1:7 - Susula Malalaok Hehelu Palak Ma Hehelu Beuk

⁷ Soaneu hapu malelak-ka huun-na, makasososan-na hataholi-a muse nanuu dudu'a-aafi ha'da-holomata ma bibii-namata'uk neu Manetualain. Hataholi nggoak-ka, ana ta taoafik neu manatee-tenok-ka, ma ana tanau nanoli fan.

AMSAL 1:7 ပူးပေါင်းရင်းမြစ်များ

AYUB 28:28

Manetualain nafa'da hataholi daebafak-ka nae, “Soaneu hapu manatee-enok-ka, emi muse fe ha'da-holomata neu Manetualain. Soaneu hapu dudu'a manadaik-ka, emi muse dook-ka meme tatao-nono'i mangalauk-ka mai.”

MAZMUR 111:10

Ba'eneu see fo, ana hii da'di manatee-tenok soona, muse ana fe ha'da-holomata neu Manetualain, Ana fe malelak-ka neu basa hataholi manatunga paletan-na. Kokoa-kikiok ba'eneu Manetualain, neme tepo lelek leo tepo lelek neu!

AMSAL 1:22

“Hai, hataholi nggoak-panganaa-la lemin! Emi nau leondiak mahele, losa faihi'da? Faihi'da, besak-ka fain-na losa, soaneu emi hahae makadadaek manatee-tenok-ka, ma tipa nanolik-ka?

AMSAL 15:32

Hataholi fo, ana ta nau nanoli-nafa'da fan-na, ta fe ha'da-holomata neu aoinan-na fa; tehu hataholi fo, ana sipo kekena-kaka'ik-ka, ana da'di hataholi dale malole.

AMSAL 15:33

Bibii-namata'uk neu Manetualain nde been-na, netes ba'eneu nanoli malole-a; ma dale taidaek-ka, nakahuluk neme ha'da-holomata mai.

AMSAL 15:5

Hataholi nggoak-ka, nakadadaek aman nanoli-nafa'dan; tehu hataholi manatee-tenok-ka, taoafik neu kekena-kaka'ik.

AMSAL 18:2

Hataholi nggoak-ka, ana ta nau fen dudu'a manadaik fa; ana hii ka'da kalua hata fo, ana pe'dan nai dalen dale.

AMSAL 2:5

No enok ndia, neukose o bubuluk, sosoan-na hata, bii-mamata'u neu Manetualain ma neukose o hapu malelak la'eneu Manetualain.

AMSAL 23:9

Boso manoli-mafa'da hataholi nggoak-ka; te neukose, ana ta taoafik neu o nanoli-nafa'dam ndia fa.

AMSAL 9:10

Soaneu da'di manatee-tenok soona, makasososan-na hataholi muse nanuu nameme'dak ha'da-holomata, ma bii-namata'u neu Manetualain. Metema o malelak ndia Fo Malalao-Malalafuk-ka soona, neukose o hapu dudu'a-aafik.

PENGKHOTBAH 12:13

Au tai-dodoo basa sila-la boema, au hapu dede'a keke'un-na nde ia. Bii-namata'u Manetualain, ma tunga la'iesak paletan lala'en-na, nana ka'da soaneu dede'ak ndia nde Manetualain nakadada'dik hataholi daebafak-ka.

ROMA 1:28

Tunga hataholi daebafa ka dale nameme'da na soona, ana ta paluu nalelak Manetualain fa. Hu ndia de, Manetualain po'ilotak dudu'a-aafi nala nalutus, fo ela ala tao-no'i tatao-nono'ik fo tunga ndo na, ala ta bole tao-no'i fan.

ULANGAN 4:6

Tao-no'i basa sila-la no lilinekak. Metema emi taon leondiak soona, leoina fe'ek-kala lita emi manatee-tenom-ma. Metema lamanene la'eneu hoholo-lalanek sila-la soona, neukose lafa'da lae, ‘Leoina matuaina ndia manatee-tenon-na, ma dodole da'u-na ba'un-na seli!’