AMSAL 1:11 - Susula Malalaok Hehelu Palak Ma Hehelu Beuk

¹¹ Metema lafa'da lae, “Ayo, mai fo ata teu sanga hataholi, fo ata tutu-fepan. Mai fo ata teu sapu-ta, hataholi sala taak-ka.

AMSAL 1:11 ပူးပေါင်းရင်းမြစ်များ

MAZMUR 17:12

Sila sama leo singa fo, ana sanga kaa nana'an-na, singa muli-soluk, fo nahani nai mamana mafunik.

MAZMUR 35:7

Palsuma la'iesak-kana, ala lona hihi'ik ba'eneu au, do ala kali bolok fo, ala ho'u-la au.

MAZMUR 56:6

Fai katemak esa dalen-na, musu-a tao tasi'bu au dede'ang-nga, ala sanga enok lakandondoo henin fo tao soe au.

AMSAL 1:16

Metema ala beita tao tatao-nono'i mangalauk fa soona, ala ta sungu-la matan-nala fa. Dalen-nala lahiik, no lai-laik lanisa.

AMSAL 1:18

tehu hataholi mangalauk sila-la, lakahihi'ik seluk aoinan-nala – hihi'ik-ka nde, neukose tao namopo-namates-sala.

AMSAL 12:6

Hataholi mangalauk-ka dede'a-kokolan nanisa; tehu hataholi manatao tunga ndoon-na, dede'a-kokolan neni so'da-molek.

AMSAL 24:15

Boso sama leo hataholi mangalauk-ka, fo lalahalak lamanako hataholi dale ndoos-sa, fo latona-la uman-na.

AMSAL 29:24

Hataholi fo, ana tao-no'i sama-sama no nakodaa, sosoan-na nae, nakamuu-nakadau seluk aoinan-na. Metema, ana tui no mangale'dok nai uma manakee-manafula soona, neukose hukun. Tehu metema, ka'da denge-denge soona, neukose Manetualain soo-supan la'en.

AMSAL 30:14

Hapu hataholi nggelok sanga so'dan-na, nenik tatao-nono'ik, fo dale hataholin ta; hataholi sila, mangalaun-na seli, ma lakatutu'dak hataholi nuu-taa hata-taak-ka, ma hataholi tapandoes-sa.

YEREMIA 11:19

Au sama leo bi'i lopo-a fo ta pake dudu'a-dodok so'on, te nenin leo mamana dodo'dok-ka neu. Au ta bubuluk fa te, au nde da'di sila dudu'a-aafi mangalaun-na isin-na. Sila lafa'da lae, “Mai fo ata lo'o heni ai ia, beidai ana bei nabuna-naboa ia; Ita tao tamate-tamopon fo ela hataholi lasanggango heni na'den-na.”

YEREMIA 5:26

Hai Au anang-ngala lemin, hapu hataholi mangalauk, nai emi dalek. Sama leo hataholi-a nanea hihi'ik fo nanalonak, soaneu nala manupui, leondiak boe, sila lona hihi'ik, fo nala hataholi daebafak-ka.

MIKHA 7:2

Hataholi manatao tunga ndoon-na, mopok-kasa leme nusak-ka mai so, hataholi manalilinekak neu Manetualain-na, ta hapus so'on. Hataholi-la esa-esak nahani fai loak soaneu nanisa, esa-esak lona hihi'ik soane nonoo hataholin-na.

YOHANIS 15:25

Tehu muse ana da'di tao leondiak, fo ela hata fo nanasulak nai sila Susula Hoholo lalane na dalek, ana da'di leona nae: ‘Lakamu-lakadau Au, tehu ne'en ta.’

HATAHOLI 23:15

Naa, besak ia tolanoo kala mo mana maketu-mala'di agama la, ela leo bee na haitua fe malanga solda'du Roma susulak, fo moke lo falik Paulus mai nataa emi, fo ta'ko mae, emi sanga palisak matalolole seluk dede'a na. Soona ami mahehele ao fo ana beita losa ia fa te, ami taomisan so.”

HATAHOLI 25:3

fo ela no dale malole na, ana nau nadenu hataholi lo Paulus leo Yerusalem neu, nana lalahalak basa fo sanga taolisan nai eno tala'dak.