AMOS 9:8 - Susula Malalaok Hehelu Palak Ma Hehelu Beuk

⁸ Au, Manetualain Fo Mademaina, Au mete besa-besa o nusa Israel fo masala-masingok ia, de neukose Au tao alas mopok-kasa leme daebafak-ka poin-na mai. Tehu Au ta tao amopo-amate basa Yakob tititi-nonosin-nala fa, Au fo Manetualain nde manakokolak-ka.

AMOS 9:8 ပူးပေါင်းရင်းမြစ်များ

KEJADIAN 6:7

nalosa nafa'da nae, “Neukose, Au tao amopo-amate hataholi daebafak fo Au akadada'dik sila-la, ma basa manupui-la ma bana fe'ek-kala lala'en-na boe, nana Au asasale dale, akadada'dik basa hataholi sila-la so.”

KEJADIAN 7:4

Bei faik hitu seluk bai soona, neukose Au fe u'dan-na mai, fo neukose, ana ta hahae nai lele'dok haahulu, ma le'odaek haahulu dalen-na fa, fo ela mopo-mate mahahae maso'dak, fo Au akadada'di basak sila-la.”

1RAJA-RAJA 13:34

Tatao-nono'i mangalaun ndia tao na tititi-nonosin hapu soe ma lakalulutuk la'iesa kasa.

AMSAL 15:3

Manetualain nita basa hata manada'dik manai mamanak lala'en-na; Ana taoafik neu basa hata fo malole, ma hata fo mangalauk.

AMSAL 5:21

Manetualain nita basa lala'en fo, hataholi daebafak-ka tao-no'in. Hataholi daebafak-ka neu su'di leo bee neu boe, Manetualain mete nahelek-kana.

YEREMIA 30:11

Neukose Au mai, fo neukose Au soi-po'i emi. Leoina-leoina, fo mamanak Au tao tapasasala emik-ka, basas neukose Au tao amopo-amates, tehu Au ta tao emi tao leondiak fa. Tete'ek-ka neukose emi ta maladeak neme huhukuk-ka mai fa, tehu Au huhukung neu emi-a nde been-na ndos matetuk, ma nanda no nakeketun-na. Au, Manetualain, nde manakokolak-ka.”

YEREMIA 44:27

Nekose Au ulepo'de fo ela emi tu'da-monu ma so'dam-mala ta neulauk fa, losa mate la'iesak emi nai natee-natatik-ka dalek do nau hukande hedi-laus matua ina.

YEREMIA 46:28

Da'di boso bii-mamata'u, hai Au anang-ngala lemin: neukose Au mai soaneu soi po'i emi. Mamanak fo Au tao tapasasala emi nai leoina-la, neukose Au tao amate-amopo la'i esak-kasa, tehu Au ta tao emi tao leondiak fa. Memak emi ta maladeak neme huku-doki-ka mai fa, tehu Au huhuku-dodoking neu emi-a ndebeen-na ndos ma matetuk nanda no makeketun-na.” Au Manetualain nde manakokolak-ka.

YEREMIA 5:10

Neukose Au adenu musu-a neu, fo ana tao nalutu sila osi angol-la, tehu ana ta tao nakalulutuk-kana fa. Neukose, Au adenu musu ndia, fo ana ta'ti heni sila ai angol-la ndanan-nala, nana ndanak sila-la, Au nuung ta sila fa.

HOSEA 1:4

Boema Manetualain, nafa'da au nae, “Foi o anam ndia na'de Yizreel, nana ta dook-ka so'on te, neukose Au huku mane Israel-la, nanahu kanisak fo ba'i kain Yehu, taon neme Yizreel-la. Neukose Au tao ate'e Yehu tititi-nonosin paletan-na.

HOSEA 1:6

Basa boema, au saoinang ndia, ana bongi ami ana ka dua-ma, ni'iana inaanak esa. Manetualain, nafa'da au nae, “Hosea, foi o anam ndia na'de ‘Fo Ta Nanasue-laik fa’, nanahu, neukose Au ta sue-lai leoina Israel-la so'on, ma neukose sila ta hapu do'o do ampon fa.

YOEL 2:32

Tehu ba'eneu see, fo ana dokodoe noke Manetualain tutulu-fafalin soona, neukose ana hapu so'dak. Manetualain nafa'da nae, “Au hele hataholi manai Yerusalem-mala, neukose laso'da.”

AMOS 3:12

Sama leo manafoo esa, ana hapu falik bi'ilopon fo singa kaa-nan ndia, ein 2 do di'idoon seli, leondiak boe laun Samaria-la, ela ka'da lumaanak mesan, fo besak ia langape'uk mala'da-mala'da nai pepe'u mangana'uk lain.”

AMOS 7:17

Manetualain nafa'da nae, neukose o saom-ma da'di ina manasosoa piaok nai kota enon-nala lain, ma mate o anam-mala nai natee-natatik dale. O daem-ma neukose nanababa'ek neu hataholi fe'ek, ma neukose mate o nai hataholi fo ta lalelak Manetualain nusa-namon. Tao leo bee-o, neukose Israel laun-nala nanafook leo mamana tu'u-tapak neu, fo dook-ka neme nusan-na mai.”

AMOS 9:10

Hataholi masala-masingok manai Au anang-ngala dalek, lafa'da lae, ‘Neukose Manetualain ta po'ilotak susa-soe tuni-ndeni ita fa.’ Tehu tete'ek-ka, neukose ala taolisas lai natee-natatik dale.”

AMOS 9:4

Metema musu-a ho'u nalas soona, neukose Au fe paleta fo taolisas. Au daleng-nga natea basa soaneu tao amopo-amates, de ta hapu manatulu-fali, tulu-fali fas.”

ULANGAN 4:31

Emi Manetualaim-ma nde been-na, Manetualain fo dale susue-lalain ba'un-na seli. Ana ta nau la'oela emi, do Ana tao namopo-namate emi, do nafandele heni hehelu-balataak fo Ana taon no emi bei-ba'i kaim-mala fa.

ULANGAN 6:15

Metema emi sene-do'ok neu lamatua fe'ek-kala, soona neukose emi hapu emi Manetualaim-ma nasa-melun, ma Ana tao namate-namopo la'iesak emi, nana emi Manetualaim-ma fo, manai emi tala'da heom-ma, Ana ta nau makasasamak-kana no hata esa boen.