AMOS 9:7 - Susula Malalaok Hehelu Palak Ma Hehelu Beuk

⁷ Manetualain nafa'da nae, “Hai hataholi Israel-la lemin, Au taoafik neu hataholi Sudan-nala, sama leo Au taoafik neu emi. Au o falik hataholi Filistin-nala leme Kreta mai, ma hataholi Siria-la leme Kir mai, sama leo Au o emi neme Masir mai.

AMOS 9:7 ပူးပေါင်းရင်းမြစ်များ

2RAJA-RAJA 16:9

Mane Tiglat-Pileser-ra, ana sipok Ahas dokodoen-na, de neu sapu-na Damsyik, de natona-nan. Laun-na, nanafook da'di leo hataholi nanafook leo Kir neu, ma ana taonisa manen-na, fo nde Mane Rezin-na.

2TAWARIKH 14:12

Boema Asa no solda'du Yehuda-la sapu-la solda'du Sudan-nala. Manetualain sengi solda'du Sudan-nala nalosa lalai.

2TAWARIKH 14:9

Faik esa boema, hataholi Sudan esa na'de Zerah no solda'du juta esa ma kaleta musu natun telu de sapu-la Yehuda. Ala tutulumatak losa Maresa.

KELUARAN 12:51

Nai faik ndia, Manetualain no basa hataholi Israel-la lala'en-na, kalua leme Masir mai.

YESAYA 20:4

Neukose Manek Asyur-ra, ana foo nusa ka duak sila-la hataholin-nala, ma neukose ana lele'a-lolosos no makaholak. Lasik ma mulik, neukose basa-basas ala la'ok no ta pake ba'du, ma ta pake ta'bueis, de pelin-nala lai deak, da'di leo nakamumulu-nakamamaek esa soaneu Masir.

YESAYA 22:6

Hataholi Siria-la, ala mai loo ndala ma kaleta musu, hataholi Elam-ma, ala ho'u kokouk ma kokouisik, hataholi Kir-rala, sadia babaa fanan-nala.

YESAYA 43:3

Nana Au nde Amak, fo o Manetualaim-ma, Israel Manetualain malalao-malalafun, fo o manasoi-manatefam. Au soi-ala o, nenik Masir Sudan ma Seba, da'di leo o ngganggatim-ma.

YEREMIA 13:23

Hapu hataholi lou nggeok-ka tao nasafali loon-na dulan-na do meoasu namopo molin-na? Tao leo beeo ta! Leondiak boe, emi fo manatao mangalauk-ka tao leo beeo ta tao malole fa.

YEREMIA 47:4

Losa fain-na ia so soaneu leoina Filistin nanatao namate-namopo la'i esak, de nalosa Tirus ma Sidon ta hapu tutulu-fafalik seluk fa. Au, Manetualain, neukose tao amate-amopo basa hataholi Filistin fo bei elak maneme Kreta mai-a.

HOSEA 12:13

Yakob fo ita bei-ba'i kain-na, nalai leo Mesopotamia neu, boema soaneu hapu saoinak, de ana da'di ata neu hataholi manai naa-la, ma ana foo hataholi ndia bi'ilopon-nala.

AMOS 1:5

Neukose Au tao alutu Damsyik lelesuinan-nala, ma neukose Au sapu balisi Bafak Awen laun-nala, neme mamana leleon-nala mai. Neukose Au akona heni hataholi manakoasa manai Bet-Eden-nala leme kandela manen-nala lain mai, ma neukose Siria laun-nala nanafook, fo loos leo nusa Kir-ra neu.”

AMOS 2:10

Au o falik emi kalua meme dae Masir-ra mai so, ma Au hela-nole emi teuk haahulu dalen-na neme moo solokaek-ka. Au fe hataholi Amori-la daen-na neu emi fo da'di emi nusam-ma.

ULANGAN 2:23

Hataholi-la leme pulu Kreta mai, langatuu-la dae manandolo-ndolo Tasi Tala'dak-ka su'un-na. Ala tao lamopo-lamate hataholi Awi, fo nggolo isik manai dae ndia, boema langatuu-la dae ndia losa leo kona neu, fo nakandoo leo kota Gaza neu.)