AMOS 9:3 - Susula Malalaok Hehelu Palak Ma Hehelu Beuk

³ Metema ala ke'ke nai Lete Karmel-la poin-na soona neukose, Au sangas fo Au ho'u-alas. Metema ala ke'ke nai tasi buin-na, soona neukose Au paleta menge matuaina fo ana kaa nalas.

AMOS 9:3 ပူးပေါင်းရင်းမြစ်များ

KEJADIAN 3:8

Le'donosok ndia, ala lamanene Manetualain la'o-la'o nai osi dale, boema duas leu ke'ke nai ai-la tala'da, fo ela Manetualain boso nitas.

2 SEMUEL 22:46

Mopo sila palanin-na so; ala kalua leme kota musun dale mai no dele bengge'be.

AYUB 22:13

Tehu, o matane mae, “Ndia bubuluk beek? Ndia nai ko'as-sa selik, de Ana ta bisa naketu-nala'di ita fa.”

AYUB 34:22

Leomae makahatu kiu-kiuina boeo, ta hapu makahatuk, fo bisa nafuni hataholi masala-masingok-ka fa.

MAZMUR 68:23

Manetualain nafa'da nae: “Hai Au anang-ngala lemin, Au eni emi musum-ma, neme Basan mai Au eni falik-kasa leme tasi buin-na mai,

YESAYA 27:1

Nai lelek ndia, neukose Manetualain pake tafaina matea ma matanen-na, fo Ana huku Lewiatan, menge fo manaule-po'de ma ana leleke ndia, ma soaneu taonisa buta tasi-a.

YEREMIA 16:16

Manetualain nafa'da nae, “Au sanga alo manadolu-dala ba'uk-ka soaneu ala ho'u-la hataholi-hataholi ia la. Basa soona neukose Au aloo-a manasopu-danga ba'uk-ka soaneu ala sapu-la sila nai basa letek-kala ma pupukuk-kala ma nai basa lea-luak-kala nai batu piak-kala.

AMOS 1:2

Dede'ak fo Amos nafa'dak-ka nde ia, “Manetualain nangao sama leo singa neme Pupukuk Sion-na mai, Halan-na nadodolo sama leo ta'tas-sa neme Yerusalem mai. Moo mana'uk-kala da'di na'u tak, na'u manai Lete Karmel-la lamatu tongo.”