AMOS 9:13 - Susula Malalaok Hehelu Palak Ma Hehelu Beuk

¹³ Manetualain nafa'da nae, “Neukose fain-na losa, gandum-mala moli no lai-laik, nalosa fai ketu-koluk-ka tuti-nato. Neukose ai angol-la moli makadotok nanseli, nalosa hataholi-a ta hahae tao angol fa. Neukose oe angol-la titi neme letek-kala, ma neme pupukuk-kala mai.

AMOS 9:13 ပူးပေါင်းရင်းမြစ်များ

KEJADIAN 49:11

Keledei anan-na, nanapa'ak neu ai, ai angol fo malole nanseli. Ana safe bua papaken-na nenik angol, angol-la, pilas leo daak-ka.

MAZMUR 97:5

Letek-kala, noehenis de ala faa sama leo lilik-ka, nai Manetualain matan-na, nai Manetualain fo, manakoasa daebafak-ka lala'ena, matan.

YESAYA 16:10

Ta hapu hataholi esa boen, namahoko-setelee nai tina maoe-maisik sila-la. Ta hapu eeki-natadalek, do manamakameek nai osi angol-la fa. Ta hapu manahe'e angol soaneu tao angol oek fa. Au tao ate'e sila eeki-natadalen so.

YESAYA 55:13

Neukose ai kaiou-la, ala nggati makatema dila-nggauk, bubu'u-palusa bunga, ala nggati makatema dila-nggauk. Ndia da'di, fo ela Au nanakoa-nanakiok; da'di leo, ta'du-tana manaketu-basa tak, fo neukose ta mopo fan.”

YESKIAL 28:26

Neukose, ala laso'da no nee-nee-lino-linok lai ndia, fo lafofo'a sila uman-nala, boema ala tao osi angol. Neukose, Au huku basa sila nusa titia-tatain fo, lakamumulu-lakamamaek-kasa, nalosa Israel da'di nee-nee lino-linok. Soona besak-ka ala bubuluk, lae Au nde sila Manetualain-na.”

YESKIAL 36:35

Soona neukose, basa hataholi-la ala nggenge, nanahu dae fo na'kasa dae tokotiik ndia, besak ia, nasafali da'di osi Eden-na so, ma kota-kota fo na'kasa, nee-nee lino-linok, ma lakalulutuk de ala da'di ai batu manatapasalak sila-la, besak ia, ala da'di kota musu matea-mahelek, ma laun-nala boeo, makadotok nanseli so.

YOEL 2:24

Boema, neukose gandum henu mamana fepa gandum-ma seluk, angol ma mina setun-na, neukose sasi kao-kao losa ala lua daba-daba neme mamana kaka'bin-na mai.

YOEL 3:18

Nai lelek ndia, neukose lete-letek-kala henuk no osi angol. Neukose bana-manu la'a na'u nai pupukuk manaleloakak-kala. Neukose ta ma'da Lee manai Yehuda-la makandondook fa. Neukose lee esa, ana faa neme Manetualain Uman mai, fo oen-na faa no nee-nee lino-linok leo Bafak Akasia neu.

YOEL 3:20

Soaneu hataholi sila daan-na, de neukose Au oke babalan-na, neukose, Au ta'ti heni hataholi manataonisak-ka. Tehu Yehuda ma Yerusalem soona, neukose mahataholik nahele, ma neukose Au leo ahele Lete Sion-na.”

IMAMAT 26:5

Neukose emi dae-ma buna-boan sasi kao-kao, nalosa, metema losa fai ketu-seu angol-la boan-nala, te emi bei ke'di gandum. Ma metema, fain-na losa soaneu sele gandum-ma, te emi bei seu angol-la boan-nala. Neukose emi hapu nana'ak dai, ma emi maso'da no tetu-temak nai emi nusam-ma.

AMOS 9:5

Daebafak-ka nanggengo, de laun-nala dalen-na susa, nanahu Manetualain Fo Mademaina ma Manakoasa koi la'es. Sama leo Lee Nil-la luu mai, ma ana ma'da neu, leondiak boe, ala kae leo lain leu boema ala tu'da.

YOHANIS 4:35

Emi mafa'da mae, ‘Bei bulak ha seluk bai soona, fai keketu-kokoluk so.’ Tehu Au afa'da emi: Mete mitak tina-osi lamatasa beno'u so, de lahani ka'da fai keketu-kokolun!

HAKIM-HAKIM 5:5

Letek-kala langgengo nai manakoasa Sinai matan, nai Manetualain, fo Israel Manetualain-na matan.