AMOS 9:11 - Susula Malalaok Hehelu Palak Ma Hehelu Beuk

¹¹ Manetualain nafa'da nae, “Neukose fain-na losa, Au tao-a Dauk nusan-na fo'a seluk. Besak ia, nusak ndia da'di sama leo uma fo ana tu'u neu so. Tehu neukose Au tao ahii papala nanadaman-nala, fo Au afofo'a falik-kana, fo ana da'di sama leo makahulun eli.

AMOS 9:11 ပူးပေါင်းရင်းမြစ်များ

AYUB 1:10

O masulu-mahapa uma isin-nala, ma su'i-beten lala'en-na tataas esa. O ba'e-pala ue-le'din, ma O fen bana-manu makadotok, dai soaneu ala tao lahenu nusak-ka lala'en-na.

MAZMUR 143:5

Au afandele fai-fai maneuk-kala; ma au dudu'a-dodoo O tatao-nono'im lala'ena, au dodoo-tatai basa O lima tataam-ma.

MAZMUR 80:12

Ndanan-nala, tapasosola losa Tasi Tala'dak, pe'dun-nala losa Lee Efrat-ta.

MAZMUR 89:40

O tao ketu O hehelu-balataam moo O atam-ma, O tapa heni ti'ilanga manen-na, leo tane dale neu,

YESAYA 16:5

Basa soona, hataholi esa neme Dauk tititi-nonosin mai, neukose ana da'di manek, ma neukose ana paleta leoinan no susue-lalaik ma lilinekak. Neukose napadedeik natetu ndoos ma matetuk-ka, ma no lai-laik, ana tao hata fo ndoos-sa.)

YESAYA 5:5

Neukose Au tao au osi angol ndia leo iak: Neukose Au ofe heni pa'a fo manaokofeonalan-na, neukose Au tao tu'u papala nanadamak fo, manamasulu-mahapan-nana, Boema, Au po'ilotak bana fuik-kala tao lalutun fo ala heheta-aa'in.

YESAYA 58:12

Kota fo, ndefahenin dook-ka so, neukose emi mafofo'a falik-kana, nai batu nete palaan lain. Neukose loke emi soona lae, ‘Leoina fo, manamafofo'a falik papala nanadamak-kala, ma manatao lahii uma makalulutuk-kala.’ ”

YESAYA 63:11

Boema ala nafandele-la, tepo lelek makahulun-na, Musa, fo Manetualain atan-na, tepo lelen-na. Ala latane lae, “Manetualain fo, manahela-nole anan-nala mauli-malangan-nala, tunga tasi dale-a, nai bee? Manetualain fo, manafe koasan-na neus-sala, nai bee?

YESAYA 65:9

Hataholi Israel de'ubee, leme leo Yehuda mai, neukose Au fes baba'e-papalak, ma neukose Au fe sila tititi-nonosin, lanuu Au dae letelepang-nga. Au hataholi heheleng-ngala, neukose ala leo lai naa.

YEREMIA 18:9

Nasafalin-na, metema Au aketu soaneu apadedeik do tao atetea-ahehele leoina esa, do dedeo esa.

YEREMIA 30:9

Emi neukose sene-do'ok neu Au, fo emi Amam Manetualaim-ma, ma neu hataholi esa, fo tititi-nonosik neme Dauk mai neukose Au so'un da'di leo manek-ka.

YEREMIA 46:26

neukose Au fen neu Nebukadnezar fo manek Babel-la no basa soloda'dun-nala fo mana nau tao nisas-sala. Tehu neu makabuin-na te, neukose Masir nanaleo nasafalik sama leo makahulun-na. Au Manetualain nde manakokolak-ka.”

RATAPAN 5:21

Ou Manetualain, moo falik ami leo O mai; neukose ami fali ma'im-ma leo O mai! Tao falik ami ha'da-tataom sama leo makahulun-na.

YESKIAL 17:24

Basa ai manai nusak-ka, neukose ala bubuluk, lae Au nde, Manetualain-na. Au lo'oheni ai mademaina-la, Au fe ai kaba'ok-kala lamadema. Ai maso'dak-ka, Au fen namatuu ma ai tuuk-ka, Au fen nanupu fo nakapela. Au fo Manetualain, kokolak basa so, de basa Au hala-kokolang lala'en-na, neukose nanatao natetuk.”

YESKIAL 36:11

Neukose o laum-ma, ma o bana-manum, boetai lamade'uka, fo de'u lena makasososan-na, boema ala bongi fo, upu-anan-nala makadotok nanseli. Neukose laso'da sama leo makasososan-na nai naa, ma Au fes laso'da no tetu-temak, fo emi beita hapu maso'dak leondiak-ka fa. Soona besak-ka, emi bubuluk mae Au nde, Manetualain-na

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

OBAJA 1:17

“Tehu neukose, hapu nggelok laso'da nai lete Sion-na, fo letek ndia ana da'di mamana hehelik soaneu Au. Soona neukose, Yakob tititi-nonosin hapu falik sila dae pusakan-na.

MIKHA 5:2

Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

MIKHA 7:11

Hai Yerusalem! Fain-na losa so, soaneu emi mafofo'a falik emi kotam-ma papala nanadaman-nala. Nai faik ndia, neukose emi nusam-ma nanatao namaloak.

MIKHA 7:14

Ou Manetualain, foo-lolo O anam, fo O hataholi hehelem-mala. Ala leo pasi fe'e lai lasi manggiok dale, nai dae maoe-maisik tala'da. Nemen-na fo ala hapu nana'a-nininuk nai mook Basan ma Gilead, sama leo nai tepo-lelek makahulun-na.

MIKHA 7:8

Ta hapu ne'ek ba'eneu ita musun-nala, soaneu lamahoko neu ita nakalulutun-na fa. Nana leomae ita tu'da boe, tehu neukose ita fo'a seluk. Besak ia, ita nai makahatuk dale, tehu neukose Manetualain nangale'do-na ita.

ZAKHARIA 12:7

Au, Manetualain, nde makasososa fe sesengik neu solda'du Yehuda-la, fo ela ha'da-holomata fo Dauk tititi-nonosin sipon, boema laun Yerusalem-mala, ta lenak neme ha'da-holomata fo laun Yehuda fe'ek-kala sipok-ka fa.

ZAKHARIA 14:10

Basa nusak-ka lala'en-na, neme Geba nai kii, losa Rimon nai kona, neukose da'di dae ma'dak. Tehu neukose, Yerusalem boetai namadema fo dema lena dae manai boboa-kaisun-na; neukose, kota ndia namaloa neme Lelesuina Benyamin-na, losa Lelesuina Sudut, fo nde lelesuina Pertama mamanan-na, ma neme Uma Puni Madema Hananeel, losa manek-ka mamana kaka'bi angol-la.

ZAKHARIA 6:12

Mafa'dan mae Au, Manetualain Fo Manakoasa, nafa'da nae, ‘Hataholi fo loken lae, Manabuku beuk-ka, neukose naua-nanale nai mamanak fo ana leo, ma neukose nafofo'a falik Manetualain Uman-na.

BILANGAN 24:18

Neukose musun-na, nangatuu-na dae Edom-ma, tehu Israel tao tatao-nono'i matuaina-la.