AMOS 8:3 - Susula Malalaok Hehelu Palak Ma Hehelu Beuk

³ Nai faik ndia nakameek manai uma manek-kala, neukose lasafali da'di kikii-makaleleuk. Nai mamanak lala'en-na, mamates nanatapa henik no denge-dengek-ka, lalefule'ak.”

AMOS 8:3 ပူးပေါင်းရင်းမြစ်များ

MAZMUR 39:9

Po'i au neme basa au sala-singong-ngala mai, boso po'ilotak hataholi nggoak-ka, hakinonoli au.

YESAYA 37:36

Le'odaek ndia boe, Manetualain ata nusa so'dan-na, ana mai leo hataholi Asyur-rala ofun-na neu, de ana taonisa solda'du lifun natun esa faluhulu lima. Balahaa fafaianak te, popolan-nala lalefu-le'ak.

YEREMIA 22:18

Hu ndia de la'eneu Yoyakim fo manek Yehuda fo Yosia ana manen-na soona, Manetualain nafa'da nae, “Mamaten-na neukose nanakii-nanatani tak; neukose ta hapu manamafa'da fa nae, ‘Ado, au nonoong-nga, ado’ ta hapu fo manadale-he'dik, do nafa'da nae, ‘Kasian ama manek!’

RATAPAN 2:10

Lasi nggolok manai kota, langatuuk denge-denge nai dae lain; ala nggali afu leo langan-nala lain neu, ma ala pake lafa kalong fo da'di ta'du-tana susa. Anafe'oanak-kala boeo, lakatele langan-nala losa dae lain.

YOEL 1:11

Hai hataholi manatao tina-osi-la lemin, makaleleu leo na! Hai manamanea osi angol-la lemin, kii leona. Nana gandum, jelei, ma keketu-kokoluk lala'en-na mate basas.

YOEL 1:13

Hai basa imam fo nalalau-naoono nai mei tunu-hotuk-ka, pake lafa kalong, da'di neu ta'du-tana fafaluk, fo kii leona. Masok leo Manetualain Uman dale meu, fo kii-makaleleu le'odaek esa, nana ta hapu tunu-hotu angol ma gandum ba'eneu o Manetualaim fa.

YOEL 1:5

Hai basa manamafuk-kala lemin, fo'a leona! Hai maninuk-kala lemin, kii leona! Nana angol beuk-ka ala loso-lan neme o bafam-ma mai so.

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

AMOS 4:10

Au haitua he'di-laus leo emi neu, sama leo Au haituan leo Masir neu. Au taoisa emi hataholi muli-solum-mala nai natee-natatik dale, ma ala loso-la emi ndalam-mala. Au tao ahenu emi lalaa temam-ma nenik mamates, fo emi ta makataka boon-na fa. Leomae leondiak boe, emi ta nau fali leo Au mai boen.

AMOS 5:16

Manetualain Fo Manakoasa nafa'da nae, “Nai kota enon-nala lain, neukose hataholi-la kii-makaleleu ma ala haladoi, nanahu dalen-nala he'dis-sa. Lena-lenak, neukose laloo hataholi manatao tina-osi-la, fo ala kii sama-sama loo ala bae hataholi manakii-makaleleu mamates-sa.

AMOS 5:23

Hahae emi nakameem fo ka'da taon-na di'idoo-tala kikii. Au ta nau amanene emi kecapim-ma liin-na fa.

AMOS 6:4

Soe ba'eneu emi fo mangape'uk nai pepe'u malole mana'a lain, ma tao feta-dote nenik paa sapi ma paa bi'ilopo ana!

AMOS 6:5

Emi hii tao nakameek sama leo Dauk taok-ka, ma emi makaminak kacapi fo emi makamee nakameek sila-la.

AMOS 6:8

No balakaik Manetualain Fo Manakoasa ma Mademaina, Ana fe basa hala nasanene'dak-ka nde ia nae, “Au ta hii hataholi Israel-la koao-ndaeaon fa; Au ta hii sila uma manen fo malole-mana'an-nala fa. Neukose Au fe sila nusan-na polon-na, no basa hata manai dalek-kala lala'en-na, leo musu neu.”

AMOS 8:10

Neukose Au tao asafali emi fai malolem-mala da'di fai manafaluk, ma emi nakameem-mala, da'di kikii-makaleleuk. Neukose Au tao-a emi nggeu heni emi langadoom-ma ma pake si'di kalong, fo da'di neu ta'du-tana dale he'dik. Neukose emi da'di sama leo ina-amak fo ala kii makaleleu ana kisan-na, mamaten-na. Neukose faik ndia nate'e no dale he'dik nanseli.

NAHUM 3:3

Solda'du manasa'e ndala-la, ala sapu no tene henuk, no tafaina mangale'dok ma tee isi mangadilak. Ta leke-nala hataholi mates-sala fa, popolan-nala ladou-dou, de hataholi-la lakatunu.

ZEFANYA 1:7

Manetualain fain-na deka so. Neukose Manetualain ho'i nakeketuk nai faik ndia. Hu ndia de, pe'daom nai matan-na. Manetualain naheheleaon soaneu Ana ho'i-na anan-nala ani hahaen-na, sama leo do'do bana tutunu-hohotuk-ka, de ana ka'i basa Yehuda musun-nala so.