AMOS 8:14 - Susula Malalaok Hehelu Palak Ma Hehelu Beuk

¹⁴ Hataholi fo ana soo-supa nenik Samaria sosongo-tatangon no nafa'da nae, ‘No leoina Dan-na lamatua daebafan-na na'den-na’, do ‘no Bersyeba lamatua daebafan-na, na'den-na’. Soona neukose ana tu'u neu, fo ana ta fo'a so'on.”

AMOS 8:14 ပူးပေါင်းရင်းမြစ်များ

1RAJA-RAJA 12:32

Basa boema Yerobeam fe imam sila-la bela-ba'uk nai Betel. Ma ndia fe tutunu-hohotuk neu ana taon-na sapi lilopilas sila-la. Boema ana tao nakeketuk nae, hataholi Yahudi-la bulak-ka falun-na fain sanahulu lima da'dileo fai malole soaneu Israel, sama leo fai malole manai Yehuda. Nai faik ndia, Yerobeam neu leo Betel neu fo ana fe tutunu-hohotuk soaneu tao fai malole fo nananaketu basak ndia so.

1RAJA-RAJA 14:16

Neukose Manetualain la'oela Israel nanahu Yerobeam nasala-nasingo so, ma ana tao na hataholi Israel-la lasala-lasingo boe.”

1RAJA-RAJA 16:24

Tehu basa boema, ana asa na letek esa neme touk esa na'de Semer, belin-na doi fulak lifun nee. Boema nafofo'a na kota esa nai letek ndia lain, de ana foin na'de Samaria, tunga Semer fo manamanuu letek ndia makasososan-na, na'den-na.

2RAJA-RAJA 10:29

Hu ndia de, Manetualain nafa'da Yehu nae leo ia, “Basa hata lala'en, fo Au paletan neu o, fo o taon neu Ahab tititi-nonosin-nala, o taon so. Hu ndia de, Au aheluk, ae o upu-anam, losa tititi-nonosi ka 4, neukose da'di manek neu Israel.” Tehu, Yehu ta tunga Amak, fo Israel Manetualain-na, hoholo-lalanen no dale katema tuak fa. Ana tunga Yerobeam tatao-nono'in, fo ana taon-na hataholi Israel-la lasala-lasingo nenik, ala sene-do'ok neu sapi lilopilas fo, lapadedeik-kana nai Betel ma Dan.

2TAWARIKH 36:16

Tehu ala lakamiminak Manetualain hataholi nadedenun sila-la, ma ala hika nabi-nabin-nala boema ala ta taoafik neu hala-kokolan fa. Mate'en-na Manetualain namanasa nanseli neus, nalosa ta hapu eno kaluak seluk ba'eneus soaneu latapo'i leme huhuku-dodokin mai.

MAZMUR 140:10

Boso po'ilotak au musung-nga sengi; nemen-na fo, ala kokolak dede'a-kokola mangalauk-kala, sa'e-na sila fo, manakokolak langgenggeo au na'deng-nga.

MAZMUR 36:12

Boso po'ilotak hataholi manakoao-ndaeaok-ka, sapu-na au do hataholi mangalauk-ka usi au.

AMSAL 24:16

Nana leomae hataholi dale ndoos-sa, ana la'o la'di nahenik la'i nono'ik boe, tehu ana fo'a seluk tatas esa. Tehu nasafalin-na, hataholi mangalauk-ka, neukose nakalulutuk, hu kande susa-soe-a.

AMSAL 29:1

Metema nanoli-nafa'da see, fo ana la'ban nakandoo soona, neu faik esa te, neukose nakalulutuk, fo ta bisa tao matalololen fa.

YESAYA 24:20

Daebafak-ka naleu-lilok, sama leo hataholi manamafuk-ka, ma naleuk sama leo moa nai sangu dale. Daebafak-ka hea neu, nanahu sala-singon belan-na. Ana nakalulutuk, de neukose, ana ta fo'a falik so'on.

YESAYA 43:17

Ana nadenu solda'du-la, ma malanga solda'du matuaina-la latee-latati, de ala tutulumatak lenik ndala manahela kaleta. Tehu ala tu'da, de ala ta hapu fo'a so'on, mates, sama leo banu tetelu manamatek-ka.

YEREMIA 25:27

Boema Manetualain nafa'da neu au nae, “Mafa'da meu hataholi sila-la mae Au, Manetualain Fo Manakoasa, fo Israel Manetualain-na nadenus ala ninu losa ala mafuk ma ala muta-muta mesan. Au taoas latu'u lai fo'ak de ala ta hapu fo'a fa, nanahu natee-natatik-ka fo au uni fen neu sila.

YEREMIA 51:64

Ma o kokolak mae, ‘Ia nde been-na neukose ana da'di neu Babel. Neukose nusak ia tenak heni ma ana ta fo'a soon hu ka nde ala hapu susa-soe neme Manetualain mai.’ ” Yeremia dede'a kokola-na nate'e losa ia.

HOSEA 10:5

Neukose, kota Samaria laun-nala bii-lamata'u. Sila ma imam-imam fo lalalau-laoono sapi lilopilas manai Betel ndia, neukose dalen-nala he'dis-sa ma ala kii, nanahu mopo basa sila sosongo-tatangon ndia matua-mademan so.

HOSEA 13:2

Losa besak ia, hataholi Efraim sila-la, bei tao sala-singok lahele. Ala tao dodoki-dudula lilofulak, fo ala sene-do'ok neun – dodoki-dudulak fo tunga hataholi daebafak-ka malelan-na, ma dale tutu'un-na, ma nanalulumu-eesek neme hataholi daebafak-ka liman-na mai. Lafa'da lae, “Tunu-hotu tutunu-hohotuk fe dodoki-dudulak ia-la!” Manada'di beuk, metema hataholi daebafak-ka de'i sapi ana nanadoki-dulak-ka!

HOSEA 4:15

Hai emi fo hataholi Israel-la lemin, emi ta lilineka neu Au fa! Tehu Au amahena, Yehuda ta tao salak leondiak-ka fa. Boso makaluku-makatele nai Gilgal do Betel. Boso soo-supa nai naa, menik Manetualain fo maso'dak-ka, na'den-na.

AMOS 5:1

Hai, hataholi Israel-la lemin! Mamanene leona! Au sanga akamee nakamee susa esa ba'eneu emi nae lao ia:

AMOS 5:2

Israel fo bei matatema, ana tu'da so, neukose ana ta fo'a so'on! Nanapo'ilotak nai dae-oen lain, ta hapu esa boen tulu-falin fo napadeik fa.

AMOS 5:5

Boso meu sene-do'ok nai Bersyeba. Boso meu sanga Au nai Betel, nana neukose Betel mopon. Boeo boso meu leo Gilgal meu, nana kota ndia laun-nala, neukose nanafook leo mamana tu'u-tapak neu.”

MIKHA 1:5

Neukose basa sila-la ala da'di, nanahu hataholi Israel-la lasala-lasingo, ma ala la'ban Manetualain. See kande, tao-na Israel nasala-nasingo? Ade, ta hu Samaria kotainan-na fa do? See kande, tao-na Yehuda sene-do'ok neu songo-tangok? Ade, ta hu Yerusalem fa do?

ZEFANYA 1:5

Neukose Au sapu balisi su'di see, fo ana kae leo uma kalan lain neu, fo ana sene-do'ok neu le'do-a, bulak-ka, ma nduuk-kala. Neukose Au tao amopo-amate sila, fo ala sene-do'ok neu Au, ma ana soo-supa lilineka nahele Au, tehu ana soo-supa nenik lamatua daebafak Milko na'den-na boe.

HATAHOLI 18:25

boema lanolin de nalelak Yesus nanoli nala so. Ana manggate nanseli, de nanoli no lutu-lutuk la'eneu Yesus nanoli nala, leomae nalelak losa ka'da Yohanis salani na.

HATAHOLI 19:23

Fafa'kama la'e faik ndia nde tasi'bu matua ina da'di nai Efesus, hu ka nde Yesus nanoli nala.

HATAHOLI 19:9

Tehu hataholi sila la, de'ubee ala langa batu de ala ta nau lamahele fa. Nai basa hataholi mana makabubuak sila la matan, lakamu-lakadau nanolik la'eneu Manetualain dale tutu'un soaneu Ana soi-tefa na hataholi daebafa ka tunga Yesus. Hu ndia de Paulus la'oelas de no hataholi mana tunga Yesu sala leu leo Tiranus kama nanolin dale leu. Leu ndia boema, tunga faik Paulus natukaaafik no hataholi la.

HATAHOLI 24:14

Memak au muse manaku nai Ama matan, tete'e ka au sene-do'ok neu ami bei ba'ikai mala Manetualai na tunga Yesus nanolin fo sila lafa'da lae salan ndia. Tehu au bei amahele neu basa hata fo nanasulak nai Musa no Nabi la susula nala dalek.

HATAHOLI 9:2

de noke susula koasa fo neu leo hataholi Yahudi la uma mamason manai Damsyik-ka mauli-malanga nala neu. Fo sue ka nde metema natongo no hataholi mana mamahele neu Yesus nai naa soona, ana ho'u nas fo nos leo Yerusalem leu.

ULANGAN 33:11

Manetualain, tulu-fali leo ia, fo ela latea-lahele, ela leo been-na, O mahiik sila ue-le'din. Taom-mamate-mamopo, basa sila musun-nala, nalosa ala ta hapu fo'a lapadeik so'on.”

ULANGAN 9:21

Au tapa heni, emi taom-ma, sapi liti nanadoki-dulak-ka, leo ha'i dale neu. Boema, au tao akalulutuk-kana, ma au paun losa lutu-lutu sama leo afu-ka, boema au tapa heni afu ndia leo leeanak dale neu; lee anak ndia, ana faa neme letek ndia huun-na mai.