AMOS 8:13 - Susula Malalaok Hehelu Palak Ma Hehelu Beuk

¹³ Nai faik ndia, lena-lenak muli-soluk fo so'da-la'dak-kala boeo, neukose ala sapala'o nanahu maa ma'dak-ka.

AMOS 8:13 ပူးပေါင်းရင်းမြစ်များ

MAZMUR 63:1

Dauk kokoa-kikiok, nai lelek nai moo solokaek Yehuda.

YESAYA 40:30

Hataholi muli-soluk-kala sota-mangu ni'iana manasolumaik-kala lakatunu, de ala tu'u leu.

YESAYA 9:17

Leoina ndia, tatao-nono'i mangalaun-na nana'a, sama leo ha'i na'a nisa makatema dila-nggauk-ka. Ana pila sama leo ha'i na'a nula, fo ha'i masuk-ka masu-masu.

YEREMIA 48:18

Hai laun Dibon, kona meme emi mamanam fo mahada'da-holomataka; fo mamatuk neu dae-a ma neu afu a. Nanahu manataonalutu Moab fo emi nusam-ma ana losa so, ma neukose ana tao nakalulutuk laiesak emi papala mademamala.

RATAPAN 1:18

Tehu Manetualain nde la'en, nana au la'olena paletan-na so. Hai leoina-la lemin, mamanene au leona, mitak au nai doidosok dale. Basa au ta'eanang-anafe'oanang-ngala nanafook, de loos leo mamana tu'u-tapak neu.

RATAPAN 2:10

Lasi nggolok manai kota, langatuuk denge-denge nai dae lain; ala nggali afu leo langan-nala lain neu, ma ala pake lafa kalong fo da'di ta'du-tana susa. Anafe'oanak-kala boeo, lakatele langan-nala losa dae lain.

RATAPAN 2:21

Lasi-mulik mate lalefule'ak nai enok lain, ta'eanak-anafe'oanak-kala mate loo tafaina. Nai faik fo O mamanasa, O do'dos ta no dale kasian fa.

HOSEA 2:3

Metema, ana da'di manasosoa-piaok nahele soona, neukose Au o'du heni bua-lo'an, fo nakahola-la sama leo nai faik fo bongin-nana. Neukose Au tao-an, da'di sama leo dae ma'dak ma dae tokotik, soona neukose maten no maa ma'dak-ka.

HOSEA 2:5

Emi inam, fo manasosoa-piaok ndia, ta name'da mamaek fa. Nafa'da nae, ‘Neukose, au u leo au tou susue-lalaing, fo manafe au nana'ak ma nininuk, tema wol ma tema a'ba lutu, mina setun ma angol-la.’

ZAKHARIA 9:17

Mahani te, Manetualain, daen-na malole nanseli, malole ma mana'ahiik nanseli! Angol ma gandum-mala moli no malole nai ndia, fo ana tao-na ta'eanak anafe'oanak boetai balakaik.

ULANGAN 32:25

Natee-natatik fo, maneni mamates-sa, nai enok-kala lain; bibii-namatauk-ka, ana tuni-ndeni-na hataholi manai uma-la. Hataholi muli-soluk-kala, ma anafe'oanak-kala, neukose nanatao namate-namopok, ma ni'iana bongi beuk-kala, ma hataholi-lasik-kala boe.