AMOS 7:6 - Susula Malalaok Hehelu Palak Ma Hehelu Beuk

⁶ Manetualain dodoo nasafali dale tutu'un-na seluk, de nafa'da nae, “Ia boeo, neukose ta da'di fa.”

AMOS 7:6 ပူးပေါင်းရင်းမြစ်များ

KEJADIAN 6:7

nalosa nafa'da nae, “Neukose, Au tao amopo-amate hataholi daebafak fo Au akadada'dik sila-la, ma basa manupui-la ma bana fe'ek-kala lala'en-na boe, nana Au asasale dale, akadada'dik basa hataholi sila-la so.”

1 TAWARIKH 21:15

Boema Manetualain nadenu ata nusa so'dak esa soaneu tao namate-namopo Yerusalem. Tehu lelek ata nusa so'dak ndia losa nai deka no Arauna fo hataholi Yebus ndia popo'de gandum ma boema, Manetualain nasafali nakeketun soaneu huku leoina ndia. Nafa'da ata nusa so'dak ndia nae, “Dai so! Mate'e leon!”

MAZMUR 106:45

Hu kande sila de, Manetualain nafandele-na hehelu-balataan, de Ana sue-lais, nanahu susue-lalai matuainan-na.

MAZMUR 135:14

nana, O fe ndoos ma matetuk-ka neu O anam-mala, ma O sue-lai O atam-mala.

MAZMUR 78:38

Tehu Manetualain sue-lai, ma fe do'o do ampon neu anan-nala, de Ana ta tao namopo-namate fas. La'i ba'uk-ka, nakatatakak nasa-melun, ma ta nafofo'a nasa-melun fa.

MAZMUR 90:13

Ou Manetualain, O mamanasa losa faihi'da? Fali ma'im-ma leona, fo sue-lai O atam-mala.

KELUARAN 32:14

Boema Manetualain dodoo nasafali dalen-na, de Ana ta da'di huku leoina ndia nenik susa-soe fa.

YEREMIA 26:19

Tehu manek Hizkia ma hataholi Yehuda-la ta tao lisa Mikha fa. Nakalenak seluk bai, Hizkia bi neu Manetualain ma noke Manetualain sue lain. Tutika Manetualain helafalik nasa melun fo manatao namate-namopos-sala. Ma besak ia isabaina ita ia teni susa soe matuaina neu ita aoinan.”

YEREMIA 42:10

‘Metema emi nau leo mahele nai nusak ia soona, neukose Au so'uk emi, te Au ta tao atu'da emifa; neukose Au tao akatetetuk emi, te Au ta tao atu'u emi fa. Au daleng-nga he'dis-sa nanahu, Au tao basa susa-soe neu emi so.

YOEL 2:13

Siiba'e o dalem-ma, te boso siiba'e o bua papakem-ma.” Fali leo Manetualain fo o Manetualaim mai. Ana ta haelai namanasa, ma manasue-laik dale malole ma dale manakasian. Ana hii fe do'o do ampon, ma Ana ta nau huku-doki fa.

AMOS 7:3

Manetualain dodoo nasafali dale tutu'un-na, de nafa'da nae, “Hata fo o mitak ndia, neukose ana ta da'di fa.”

AMOS 7:7

Au hapu seluk ninita fe'ek esa neme Manetualain mai. Au ita napadeik nai papala-nanadamak esa boboan-na, fo ala tao papala-nanadamak ndia nenik ala pake tali uuku matetu lee-leek esa. Ana ho'u tali uukuk ndia nai liman-na, fo Ana mete, ade papala nanadamak ndia napadeik natetu do ta.

YUNUS 3:10

Manetualain nita sila tatao-nono'in-nala. Nita, ala tu'u-tapa heni sila ha'da-tatao mangalaun-nala so. Boema Ana dodoo nasafali nakeketun-na, de Ana ta da'di huku fas.

YUNUS 4:2

Boema, ana hule-haladoi nae, “Ou Manetualain, ade makahulun-na au beita la'o eme au umang mai fa, au afa'da basa ae, tao leo bee o, neukose O tao leoiak hetu? Hu ndia de, au alai tutik leo Spanyol u! Au bubuluk basa, O Manetualain fo manasue ma manalai, ta haelai mamanasa, dale mangana'uk, ma O maheheleaom tataas esa, fo O dodoo masafali O dale tutu'um la'eneu huhukuk-ka.

HAKIM-HAKIM 10:16

Basa boema, ala tu'u-tapa heni basa dodoki-dudulak sosongo kala, de ala sene-do'ok neu Manetualain. Boema Manetualain boeo, dalen-na tu'da, metes lai toto'a-tataak-ka dalek.

HAKIM-HAKIM 2:18

Metema Manetualain fe leoina Israel-la mauli-malangan esa soona, Manetualain tulu-fali mauli-malangan ndia do'e-do'e. Ma nai lelek mauli-malangan ndia bei naso'da, Manetualain soi-po'is do'e-do'e leme musun-nala mai. Metema namanenes ala hoonggu'u, nanahu ala fepa-li'us, ma ala tuni-ndenis soona, dalen-na ta tu'da kasian neu fas.