AMOS 7:17 - Susula Malalaok Hehelu Palak Ma Hehelu Beuk

¹⁷ Manetualain nafa'da nae, neukose o saom-ma da'di ina manasosoa piaok nai kota enon-nala lain, ma mate o anam-mala nai natee-natatik dale. O daem-ma neukose nanababa'ek neu hataholi fe'ek, ma neukose mate o nai hataholi fo ta lalelak Manetualain nusa-namon. Tao leo bee-o, neukose Israel laun-nala nanafook leo mamana tu'u-tapak neu, fo dook-ka neme nusan-na mai.”

AMOS 7:17 ပူးပေါင်းရင်းမြစ်များ

2RAJA-RAJA 17:6

– fo nai lelek Hosea paleta teuk 9 so – boema Salmaneser natona-na Samaria. Boema, ana foo nini hataholi Israel-la, da'di leo hataholi nanafook leo Asyur leu. Ala fe hataholi Israel nanafook sila-la seli, ala leo lai kota Halah, seli leo deka Lee Habor-ra, nai nusa Gozan-na, ma seli seluk, ala leo lai kota-kota manai nusak Madai-a.

MAZMUR 78:55

Ana usi heni laun manai sila-la, nai anan-nala matan, boema Ana baba'e dae ndia, neu basa anan-nala, fo leo Israel-la, nalosa ala leo musu-a lalaa teman-nala.

YESAYA 13:16

Neukose lita matan, ni'iana bongi beun-nala nanalulumu-eesek, nakodaa-la bonga uman-nala, ma ala sungu loo saoinan-nala.”

YEREMIA 14:16

Hataholi-hataholi fo ala sipi basa sila neuk-kala boeo neukose nanataonisak nenik enok matak esa. Neukose sila popolan-nala nana tu'u-tapak leo Yerusalem enon-nala lain neu, nana hapu mana matoi fa. Sila lo sao anan-nala ua-nalen-nala leondiak. Neukose Au tao-a sila lame'da lita sila tatao-nono'i mangalaun-nala sasaina.”

YEREMIA 20:6

Ma o, Pasyhur, mo basa o umam isim-mala boeo neukose nanaho'u nak fo nanafua nenik leo Babel neu. Nai na neukose mate o de latoi o; leondiak boe, basa nono anam-mala fo lamanene basa o manakoao ao-ndaeaon-na boe.’ ”

YEREMIA 28:12

Manada'dik ndia beita doo be boen te, Manetualain nadenu au

YEREMIA 28:16

Hu ndia de, Manetualain nafa'da nae, neukose o manatao namopok nai daebafak ia poin-na. Teuk ia dalen-na boe, neukose mate o, nana o madenu leoina ia la'ban Manetualain.”

YEREMIA 29:21

Manetualain Fo Manakoasa, fo Israel Manetualain-na ana kokolak la'eneu Kolaya ana manen Ahab ma la'eneu Maaseya ana manen Zedekia fo ala pake Manetualain na'den-na soaneu anduku-alosak-kana neu emi la'eneu dede'a-dede'ak fo ta tete'ek-ka fa. Manetualain nafa'da nae, neukose ana fes leo Nebukadnezar fo Manek Babel-la koasan dale neu, fo neukose ana tao nisas nai o matam-ma.

RATAPAN 5:11

Ala sungu loo inak manai Sion-nala, ala tao lalutu anafe'oanak manai nggolo-nggolok Yehuda, na'den-nala.

YESKIAL 4:13

Manetualain nafa'da nae, “Enon-na leondiak, ba'eneu hataholi Israel-la la'a nana'ak fo, Musa hoholo-lalanen kena-ka'in, nai lelek Au tu'u-tapahenis leo nusa dea-la leu.”

HOSEA 9:3

Hai emi, fo leoina Israel-la lemin, neukose emi ta leo mahele nai dae fo Manetualain fe emi-a fa. Emi muse fali me'um-ma leo Masir meu, ma emi muse mi'a nana'a nananalulik nai Asyur.

AMOS 6:7

Hu ndia de, neukose emi nde nanafook makasososa leo mamana tu'u-tapak neu. Emi feta-dotem ma emi mangatuu mei-ma, neukose nate'e.

AMOS 7:11

Nafa'da nae, neukose mate Manek-ka nai musu dale, ma tao leo bee-o, hataholi Israel-la nanafook leo mamana tu'u-tapak, fo dook-ka neme nusan-nala mai.”

AMOS 8:1

Au hapu ninitak esa seluk neme Manetualain Fo Mademaina mai. Au ita ai boa latuk henu sapai esa.

AMOS 9:1

Au ita Manetualain napadeik deka no mei tunu-hotuk-ka. Ana fe paleta nde ia, “Fepa mapane'e basa dii lupek manai Au Uma nga, fo ela basa uma laten-na lala'en-na nanggengo. Soli matu'u dii sila-la leo hataholi-la langan lain neu. Ta mate see fa soona, neukose Au taoisan nai natee-natatik dale. Hataholi esa boen, ta hapu nalai fa, ma neukose ta hapu hataholi esa boen naladeak fa.

AMOS 9:8

Au, Manetualain Fo Mademaina, Au mete besa-besa o nusa Israel fo masala-masingok ia, de neukose Au tao alas mopok-kasa leme daebafak-ka poin-na mai. Tehu Au ta tao amopo-amate basa Yakob tititi-nonosin-nala fa, Au fo Manetualain nde manakokolak-ka.

MIKHA 1:16

Hai hataholi Yehuda-la lemin, nggute heni emi langadoom-ma, fo da'dileo ta'du-tana manafaluk, ba'eneu emi anam fo emi sue-laik-kala. Nggeu heni emi langadoom-ma losa dilak, sama leo manupui mana'a popolak-ka, nana neukose emi anam-mala, nanafook leo mamana tu'u-tapak neu.

ZAKHARIA 14:2

Neukose Manetualain naloo nakabubua basa leoina-la, fo leu sapu-la Yerusalem. Neukose ala loso-la kota ndia, ala bonga uman-nala ma ala sungu loo inan-nala. Neukose, ala foo leni laun-na seli, leo mamana tu'u-tapak neu, tehu bei ela hataholi-la, ala leo lahele nai kota ndia.