AMOS 7:13 - Susula Malalaok Hehelu Palak Ma Hehelu Beuk

¹³ Boso boe tui-benga nai Betel bai. Kota ia soaneu ka'da manek-ka mesak-kana, ma basa hataholi manai nusak-ka lala'en-na, mamana makaluku-makatelen.”

AMOS 7:13 ပူးပေါင်းရင်းမြစ်များ

1RAJA-RAJA 12:29

Boema Yerobeam pe'da sapi lilopilas sila-la, esa nai kota Betel, ma esa nai kota Dan.

1RAJA-RAJA 12:32

Basa boema Yerobeam fe imam sila-la bela-ba'uk nai Betel. Ma ndia fe tutunu-hohotuk neu ana taon-na sapi lilopilas sila-la. Boema ana tao nakeketuk nae, hataholi Yahudi-la bulak-ka falun-na fain sanahulu lima da'dileo fai malole soaneu Israel, sama leo fai malole manai Yehuda. Nai faik ndia, Yerobeam neu leo Betel neu fo ana fe tutunu-hohotuk soaneu tao fai malole fo nananaketu basak ndia so.

1RAJA-RAJA 13:1

Nai lelek ndia, hapu nabi esa nai Yehuda. Manetualain nadenun fo neu leo Betel neu. Nabi ndia losa naa, nai lelek Yerobeam bei napadeik nai mei tunu-hotuk-ka matan soaneu fe tutunu-hohotuk.

2RAJA-RAJA 14:24

Ana nasala-nasingo neu Manetualain, nanahu ana tunga Mane Yerobeam 1, tatao-nono'i managalun-na, de ana taon-na, hataholi Israel-la, lasala-lasingo.

YESAYA 30:10

Ala lafa'da basa nabi-la lae, “Boso mahahala! Boso mafa'da ami, hata fo ndoos-sa, te mafa'da ami, hata fo ami hii mamanenen. Nemen-na fo, ami dodoo dede'a me'i-afek mahele.

YEREMIA 26:9

O mapalani manseli mafa'da nenik Manetualain na'den-na mae, neukose umania da'di sama leo Silo, ma mafa'da mae neukose kota ia nanatao nakalulutuk, ma ana da'di mamanak fo ta leo-napalasan.” Tutika hataholi ba'u lakamomotu-la au.

AMOS 2:12

Tehu emi hataholi Nazir-mala linu angol, nalosa angol-la tao-nalas ala mafuk, de lalelesi hehelu-balataan. Ma emi kena-ka'i nabi-la, fo boso tui-benga Au hala hehelung-nga.

AMOS 3:14

Nai faik fo Au huku hataholi Israel-la, hu kande sala-singon-nala soona, neukose Au tao akalulutuk basa mei tunu-hotuk manai Betel-la. Neukose Au helu la'di mei tunu-hotuk-kala esa-esak pe'dan-na, fo ala tu'da leo dae lain neu.

AMOS 5:5

Boso meu sene-do'ok nai Bersyeba. Boso meu sanga Au nai Betel, nana neukose Betel mopon. Boeo boso meu leo Gilgal meu, nana kota ndia laun-nala, neukose nanafook leo mamana tu'u-tapak neu.”

AMOS 7:16

Hu ndia de, mamanene hata fo Manetualain nafa'dan neu emi. Nanahu o kena-ka'i au tui-benga fo la'ban leoina Israel-la.

AMOS 7:9

Neukose Au tao akalulutuk la'iesak mamanak fo Isak tititi-nonosin paken soaneu sene-do'ok nai ndia. Neukose Au tao atu'u hataholi Israel-la mamana malalao-malalafun-nala. Neukose Au tao amopo-amate Mane Yerobeam-ma tititi-nonosin.”

HATAHOLI 5:28

Imam matuaina nafa'das nae, “Ami kena-ka'i emi no mahelek fo boso boe manoli la'eneu Hataholi ndia bai. Tehu besak ia so'ba mete su'di kana, emi tao beek ia! Emi tui-benga mamaloa emi nanolim ndia nai basa Yerusalem lala'ena, tehu emi nau kalaak masafali ami mae, ami nde tataom Hataholi ndia mamate na.”

HATAHOLI 5:40

Boema lalo hataholi nadedenuk sila la de ala filu kasa, basa boema ala kena-ka'is, fo boso boe lanoli la'eneu Yesus bai. Basa ndia boema, besa ka ala po'is.