AMOS 7:10 - Susula Malalaok Hehelu Palak Ma Hehelu Beuk

¹⁰ Amazia, imam nai Betel, ana haitua halak ia neu Yerobeam fo Israel manen-na nae leo ia, “Amos tutu'u eno mangalauk no laun-nala, fo ala la'ban Manek-ka. Neukose ana tao nakalulutuk nusak ia, nenik dede'a-kokola manadudungu-papau laun-nala.

AMOS 7:10 ပူးပေါင်းရင်းမြစ်များ

KEJADIAN 37:8

Ka'an-nala ka'in lae, “O maedaenga neukose o da'di manek fo o koasa ami do?” Boema ala boetai lakamuu-lakadaun, nanahu me'i nala ma nanahu hata fo nafa'dan.

1RAJA-RAJA 13:33

Mane Yerobeam-ma ta nau la'oela tatao-nono'i mangalaun-na makandondook fa. Soaneu ito-ato mamana hule-haladoik fo napadedeik nan sila-la, ka'da ana hele nahele imam-mala leme teidale biasa la mai. Su'di see fo anan nau soona, ana so'un da'di imam.

1RAJA-RAJA 18:17

Nai lelek Ahab nita Elia boema, naloo bou-bou nae, “Tou maneni susa soe fe Israel-la nde ia so!”

YEREMIA 18:18

Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”

YEREMIA 36:16

Ana lees basa boema sila esa nasale esa no dale tapandoes, boema lafa'da Barukh lae, “Ami muse mafa'da dede'ak ia neu manek-ka.”

YEREMIA 38:4

Boema asa mauli-malangan sila-la leu lo manek-ka de lafa'da lae, “Hataholi ia muse nanahuku nisak. Nana no hala-kokolan leondiak-ka de, ana taon-na basa soloda'duk-kala ma hataholi fe'ek fo ala bei leo nai kota ia aon-nala ma'a. Ana ta tulu-fa laun-nala fa te, ka'da ana tao nakatoto'a-nakatatak-kasa.”

AMOS 1:1

Amos nde been-na, manafoo bi'ilopo esa neme kota Tekoa mai. Ana da'di nabi nai lelek Mane Uzia paleta nusa Yehuda ma Mane Yerobeam, fo Yoas anamanen-na paleta Israel. Teuk 2, fo dae manggengok esa beita da'di fa te, Manetualain nafa'da dede'ak-kala nde ia neu Amos la'eneu Israel.

AMOS 3:14

Nai faik fo Au huku hataholi Israel-la, hu kande sala-singon-nala soona, neukose Au tao akalulutuk basa mei tunu-hotuk manai Betel-la. Neukose Au helu la'di mei tunu-hotuk-kala esa-esak pe'dan-na, fo ala tu'da leo dae lain neu.

AMOS 5:10

Emi makamuu-makadau hataholi fo ana la'ban ndoos ma matetuk-ka, ma manakokolak ndoos nai manakee-manafula matan.

AMOS 5:5

Boso meu sene-do'ok nai Bersyeba. Boso meu sanga Au nai Betel, nana neukose Betel mopon. Boeo boso meu leo Gilgal meu, nana kota ndia laun-nala, neukose nanafook leo mamana tu'u-tapak neu.”

AMOS 7:11

Nafa'da nae, neukose mate Manek-ka nai musu dale, ma tao leo bee-o, hataholi Israel-la nanafook leo mamana tu'u-tapak, fo dook-ka neme nusan-nala mai.”

MATEOS 21:23

Basa boema Yesus fali leo Manetualain Uman neu, boema Ana masok leo dalek neu de nanoli neme ndia. Lelek Ana bei nanoli-nanoli te malanga ima mala, ma lasi-lasik Yahudi la ala mai de latanen lae, “O manuu hak beek de O tao basa manda'dik ia la? See ka nde fe hak ndia neu O a?”

LUKAS 23:2

Ala losa ndia boema, ala mulai kalaa kana lae, “Ami hapu ma Hataholi ia tao na lau nala latofa-latalak. Ana dudungu-papau hataholi la fo ala boso bae bea leo Kese la neu, nana nafa'da nae, Ndia nde bee na ami Mane ma, Manek Mana Fe So'dak fo Manetualain helu ka.”

HATAHOLI 24:5

Ami ho'u ma hataholi ia hataholi mana tao tasi'bu mangalauk. Nai basa mamanak lala'ena nakadada'dik tasi'bu nai hataholi Yahudi la tala'da, ma ana da'di mauli-malangan nai hataholi Nazaret tala nakabua na.

HATAHOLI 5:28

Imam matuaina nafa'das nae, “Ami kena-ka'i emi no mahelek fo boso boe manoli la'eneu Hataholi ndia bai. Tehu besak ia so'ba mete su'di kana, emi tao beek ia! Emi tui-benga mamaloa emi nanolim ndia nai basa Yerusalem lala'ena, tehu emi nau kalaak masafali ami mae, ami nde tataom Hataholi ndia mamate na.”

HATAHOLI 7:54

Mana maketu-mala'di matua la lamanene basa hata fo Stefanus nafa'da ka boema, dale nala he'di sa ma lamanasa mangalalau.