AMOS 6:6 - Susula Malalaok Hehelu Palak Ma Hehelu Beuk

⁶ Emi minu angol soona, emi di'a mahenu nggalas-sa, ma emi pake mina kabomni neulauk, tehu emi dalem-ma ta he'dis neu Israel nakalulutun-na fa.

AMOS 6:6 ပူးပေါင်းရင်းမြစ်များ

KEJADIAN 49:22

Yusuf sama leo keledei ana keledei fuik-ka, deka no oemata, nalaik nai letek-ka huun-na.

2RAJA-RAJA 15:29

Nai tepo-lelek Pekah paleta, Tiglat-Pileser, fo mane Asyur-ra, natona-na kota Iyon, Abel-Bet-Maakha, Yanoah, Kedes, Hazor, nusa Gilead, Galilea ma Naftali. Laun-nala nanafook boe, da'di leo hataholi nanafook leo Asyur leu.

ESTER 3:15

Ladenu basa hataholi-la, no lai-laik ala la'o, fo leni susulak sila-la, leo basa propensi manai nusak-ka lala'en-na. No manek-ka hala nadenun-na, de ala po'a-benga paleta ndia nai Susan, fo Persia nusan-na, polon-na boe. Basa ndia boema, manek-ka no Haman benau ma linu angol, tehu kota Susan-na lakadii-lakau, nanahu halak ndia.

YESAYA 28:1

Soe ba'eneu kota fo, basa manamafuk Israel-la dalen-nala lamatua neun! Lole-napun hii-hii nae mopon, sama leo bunga fo, ana male nai sila langan lain. Soe ba'eneu kota mademaina, nai pupukuk lain, nai bafak malolek-ka tala'da, henuk no maninu angol fo, langan-nala he'dis-sa so

YESAYA 5:12

Nai emi feta-dotem-mala dalek, hapu kecapi liik, gambus liik, rebana liik, ma kinu liik, ma nininuk angol. Tehu emi ta taoafik neu Manetualain ue-le'din, ma hata fo Ana taon fa.

YEREMIA 30:7

Faik fo matuaina nanseli ana losa so, faik fo ta hapu nakandandak na fan. Ba'eneu Au anang-ngala soona, faik fo dale manatesa-tama taak; tahu neukose Au soi po'i sila.”

YESKIAL 9:4

“Muu leo kota bu'un lalaena muu, fo tao ta'du neu hataholi manadale he'dik-kala, ma manasusak-kala dedein-nala, hu kande basa tatao-nono'ik nanamauluak-kala nanatao-no'ik nai kota ia dalek.”

HOSEA 3:1

Manetualain nafa'da au nae, “Muu seluk leona, fo mahiik moo ina manasosoa-piaok esa. Mahiik moon, sama leo Au boeo ahiik hataholi Israel-la, leomae ala la'oela Au, de ala sene-do'ok neu lamatua fe'ek, boema ala nau tunu-hotu koki kismis fe sosongo-tatangok.”

AMOS 2:8

Nai mamana makaluku-makatele lala'en-na, hataholi-la sungu loo ba'du fo ala ho'i-lan da'di neu bua pepe'dak esa neme hataholi nuu-taa hata-taak-ka, hutan-na mai. Ala ho'i-la angol fo ala ho'i-lan neme hataholi manamahutak neu sila, fo linu nai sila Manetualain-na, Uman dale.

AMOS 4:1

Mamanene leon, hai ina Samaria fo boetai laao sama leo sapi maao manai Basan-nala lemin! Emi tuni-ndeni hataholi tapandoes-sala, ese-lumu hataholi nuu-taa hata-taak-kala, ma emi makaseti emi saotoum-mala, fo ala sadia fe emi ala-lalu tataas esa!

YOHANIS 12:3

Basa boema, Maria nini mina narwastu kaboomeni mabeliina boto esa, fafaka ma liter seselik esa. De ana po'an neu Yesus ei na, boema ana losen ninik langadoo na. Uma ndia dalek lala'ena naboomeni nana mina ndia boo na.

ROMA 12:15

Mamahoko mo hataholi manamamahoko kala, ma kii mo hataholi manakii kala.

1 KORINTUS 12:26

Metema limak-eik esa doidoso soona, basa lima-ei fe'e kala boeo doidoso; ma metema lima-eik esa nanakoa-kiok soona, basa lima-ei fe'e kala boeo tunga namahokok.

1 TIMOTIUS 5:23

Boso minu ka'da oe mesa kana; minu angol faa fo matoto'bi o tei dalem, nana nasi'a o mamahe'di.