AMOS 6:14 - Susula Malalaok Hehelu Palak Ma Hehelu Beuk

¹⁴ Manetualain Fo Mademaina ma Manakoasa nafa'da nae, “Hai hataholi Israel-la lemin, neukose Au haitua solda'du neme leoina fe'ek mai, fo ala sapu-la emi nusam-ma. Neukose ala tuni-ndeni emi neme enok leo Hamat nai kii losa leo Bafak Araba nai kona.”

AMOS 6:14 ပူးပေါင်းရင်းမြစ်များ

1RAJA-RAJA 8:65

Nai Manetualain Uman ndia, Salomo ma basa laun Israel-la lala'en-na, tao feta Lalaak Akidook-ka faik hitu dalen-na. Hataholi makadotok nanseli lakabubua lai ndia. Ala mai leme nusa dook-ka mai fo mulai neme Eno Hamat ta, fo nai kii, losa leo dae too loo Masir-ra, fo nai kona.

2RAJA-RAJA 14:25

Yerobeam 2 ia, nde natona-na falik, Israel nusan-na lala'en-na, mulai neme enok leo Hamat neu, fo nai kii, losa Tasi Mates-sa, fo nai kona. Manada'dik ndia, nandaa no Amak, fo Israel Manetualain-na, hehelu-balatan, tunga atan Nabi Yunus, fo Amitai hataholi Gat-Hafar ndia, anan-na.

2RAJA-RAJA 15:29

Nai tepo-lelek Pekah paleta, Tiglat-Pileser, fo mane Asyur-ra, natona-na kota Iyon, Abel-Bet-Maakha, Yanoah, Kedes, Hazor, nusa Gilead, Galilea ma Naftali. Laun-nala nanafook boe, da'di leo hataholi nanafook leo Asyur leu.

2RAJA-RAJA 17:6

– fo nai lelek Hosea paleta teuk 9 so – boema Salmaneser natona-na Samaria. Boema, ana foo nini hataholi Israel-la, da'di leo hataholi nanafook leo Asyur leu. Ala fe hataholi Israel nanafook sila-la seli, ala leo lai kota Halah, seli leo deka Lee Habor-ra, nai nusa Gozan-na, ma seli seluk, ala leo lai kota-kota manai nusak Madai-a.

YESAYA 7:20

Neukose Manetualain se'ba mane Asyur-ra fo ana tao Israel sama leo tuka nggeu langak, fo ana nggeu heni langadoon-na, ma basa buluk manai aon-na.

YESKIAL 47:20

Dae too manai boboak muli, ana okofeo-na Tasi Tala'dak, boema ana leo kii neu, fo leo mamanak esa nai eno masok leo Hamat neu-a, boboan muli.

HOSEA 10:5

Neukose, kota Samaria laun-nala bii-lamata'u. Sila ma imam-imam fo lalalau-laoono sapi lilopilas manai Betel ndia, neukose dalen-nala he'dis-sa ma ala kii, nanahu mopo basa sila sosongo-tatangon ndia matua-mademan so.

AMOS 3:11

Hu ndia de, neukose musu-a okofeo-na sila nusan-na, fo ala tao lakalulutuk kota musun-nala, ma ala bonga uma manen-nala.