AMOS 5:11 - Susula Malalaok Hehelu Palak Ma Hehelu Beuk

¹¹ Emi tuni-ndeni hataholi nuu-taa hata-taak-ka, ma emi loso-ma sila gandum-ma. Hu ndia de, neukose emi ta leo nai emi uma manaahiim fo emi taom-ma ka dalek fa. Neukose emi ta minu angol fo emi sele nai emi osim-mala dalek fa.

AMOS 5:11 ပူးပေါင်းရင်းမြစ်များ

AYUB 20:19

Nana ana tuni-ndeni, ma ana taon-na, hataholi nuu-taak-ka natofa-natalak; ana loso-na uma fo, ndia ta nde taon-nana fa.

YESAYA 16:10

Ta hapu hataholi esa boen, namahoko-setelee nai tina maoe-maisik sila-la. Ta hapu eeki-natadalek, do manamakameek nai osi angol-la fa. Ta hapu manahe'e angol soaneu tao angol oek fa. Au tao ate'e sila eeki-natadalen so.

YESKIAL 26:12

O musum sila-la, neukose ala kalo leni basa o hata-hetom, ma o bua dangam-mala lala'en-na. Neukose, ala tao lakalulutuk o papala nanadamam-mala, ma ala tao latu'u o uma mana'ahiim-mala. Neukose ala ho'i-la batun-nala, papan-nala, ma daen-nala, fo ala tapas leo tasi dale leu.

YESKIAL 34:21

Emi seseti, ma emi puka bi'ilopo kamahe'dis-sala, nalosa lalai la'oela nonoon-nala,

HOSEA 9:2

Tehu, ta dook-ka so'on te, neukose emi to'a-taa gandum, boema mina setun, ma neukose basa angol-la boe.

IMAMAT 26:16

neukose, Au huku emi. Neukose, Au fe soe-a la'e emi, he'di-laus ma sumaik manalea-hai taak-ka, nalosa poke emi matam-ma, ma emi maso'da doi-doso. Neukose, emi foi-fala, tehu emi ta mi'a buna-boan fa, nana emi musum-mala mai, fo ala ho'i leni la'iesak, emi sele-nggalik-kala, buna-boan.

AMOS 2:6

Manetualain nafa'da nae, “Hataholi Israe la lasala-lasingo tataas esa so, hu ndia de, neukose Au hukus. Hataholi manatao tunga ndoon-na, tehu ana ta hapu nggati falik hata totona-na fa, lase'o henin fo ana da'di ata. Leondiak boe, sila ha'da-tataon neu hataholi nuu-taa hata-taak fo ana ta hapu bae hutan-na, leomae hutan ndia belin-na ka'da ta'bueis pasan esa.

AMOS 2:7

Ala tuni-ndeni hataholi tapandoes fo be'i-balakain ta, ma ala usiheni hataholi nuu-taa hata-taak-ka. Ama no anan-na sungu loo ata inak esa, de ala tao langgenggeo Au na'de malalao-malalafung-nga.

AMOS 3:15

Neukose Au tao akalulutuk uma soaneu fai oefaan-na, ma uma hahaeaok soaneu fai hanan-na. Neukose uma-uma fo nanabalias nenik nggadi dui-la, ala tu'u leu. Neukose basa uma matuaina-la lutu-lutu.

AMOS 3:9

Po'a-benga dede'ak ia neu hataholi manaleo nai uma manek Masir-ra, ma Asdod-tala mae leo ia, “Makabubua meu lete-letek manai Samaria boboa-kaisun-nala, fo taoafik neu tasi'bu matuaina ma lumu-esek-ka nai naa.”

AMOS 4:1

Mamanene leon, hai ina Samaria fo boetai laao sama leo sapi maao manai Basan-nala lemin! Emi tuni-ndeni hataholi tapandoes-sala, ese-lumu hataholi nuu-taa hata-taak-kala, ma emi makaseti emi saotoum-mala, fo ala sadia fe emi ala-lalu tataas esa!

AMOS 6:11

Metema Manetualain fe paleta soona, uma matua uma ana, neukose nanatao nakalulutuk.

AMOS 6:12

Ndala bisa nalaik nai pupuku batu lain do? Hapu hataholi nakauuk tasi nenik sapi do? Tehu emi puta-paik eno ndoos ma matetuk-ka, fo da'di laso maneni mamates, ma ndoos-sa da'di salak.

AMOS 8:4

Mamanene leon, hai emi fo manatuni-ndeni hataholi nuu-taa hata-taak manai nusak ia, nalosa mopo-mates!

AMOS 9:14

Neukose Au tao-a Au anang Israel, da'di namasu'i seluk. Neukose lafofo'a seluk sila kota nalutun-nala, fo ala leo nai naa. Neukose ala sele osi angol fo linu oe angol. Neukose ala tao tina osi, fo la'a-linu buna-boan.

MIKHA 1:6

Hu ndia de, Manetualain nafa'da nae, “Neukose, Au tao Samaria da'di ai-batu madodouk nai mook-ka, ma mamanak fo hataholi-a sele ai angol. Neukose Au tu'u kota ndia dae bubua manandefan-na leo bafak dale neu, ma Au ofe heni kota ndia uma laten-na.

MIKHA 2:2

Metema lahiik tina esa soona, ala loso-lan. Metema lahiik uma esa soona, ala leo-lan tutik. Nau hata-heto do uma isi la, ta hapu nee-nee lino-linok fa.

MIKHA 6:15

Emi sele-nggali gandum, tehu neukose emi ta ketu-kolu buna-boan fa. Neukose emi tao mina neme ai setun-na boan-na mai, tehu emi ta hapu pake minan-na fa. Neukose emi he'e angol-la oen-na, tehu neukose emi ta minu fan.

ZEFANYA 1:13

Neukose, nakodaa-la kalo leni hata-heton-nala, ma ala tao lakalulutuk uman-nala. Neukose lafofo'a seluk uma, tehu ala ta leo fan. Neukose ala tao osi angol, tehu ta linu angol-la oen-na fa.”

HAGAI 1:6

Emi sele-nggali basa bini ngges makadotok so, tehu emi ketu-kolu faanak. Emi manana'ak de emi mi'a, tehu emi ta makabete fa. Emi manuu angol de emi minu, tehu emi dalem-ma, ta namahoko fa. Emi manuu bua papakek, tehu ta dai, soaneu tao nato'bi emi aoinam-ma fa. Ma kuli-la sipo ngga'di-a, ta dai soaneu tao natetu so'dan-nala fa.

MALEAKHI 1:4

Leouni'ka, Esau tititi-nonosin, fo hataholi Edom sila-la lae, “Ami kotam-mala, nanatao nakalulutu basak so, tehu neukose ami mafofo'a falik-kana,” soona neukose, Manetualain nataa nae, “Sila bole lafofo'a falik-kana, tehu neukose Au tao atu'un. Neukose lokes soona lae, ‘Nusak nanasoo-supak’, ma loke sila soona lae, ‘Leoina manahapu Manetualain nasa-melun, losa dodoon-na.’ ”

ULANGAN 28:30

Metema, emi ta tunga emi Manetualaim-ma fa soona, manada'dik-kala nde ia, neukose ala tuni-ndeni-la emi: Neukose emi meu a'du-matane ina anafe'ok, tehu hataholi fe'ek nde sao ina anafe'ok fo, emi meu a'du-matanek ndia. Neukose, emi mafofo'a uma, tehu hataholi fe'ek nde leo uma ndia. Neukose, emi sele osi angol, tehu hataholi fe'ek nde na'a boan-nala.

YAKOBIS 2:6

Tehu emi sosona, makamumulu-makamamaek hataholi nuu taa kala, te see ko na hataholi kamasu'i kala ala tuni-ndeni emi, ma ala lele'a-loloso emi leo mana maketu-mala'di ka meu!