AMOS 4:8 - Susula Malalaok Hehelu Palak Ma Hehelu Beuk

⁸ Nai kota de'ubee, laun-nala male henis no maa ma'dak-ka so, ala sanga oe nai kota fe'ek, tehu oe manai kota ndia ta dai fa. Leomae leondiak boe, emi ta nau fali leo Au mai fa.

AMOS 4:8 ပူးပေါင်းရင်းမြစ်များ

1RAJA-RAJA 18:5

Ahab nafa'da Obaja nae, “Mai fo ata la'ok okofefeo basa nusak ia lala'en-na fo ata sanga oemata do lee. Fafa'kama ita hapu na'u soaneu ita ndalan-na la ma bana esa na'de bagal fo ela boso mate esa boen.”

YESAYA 9:12

Leoina Israel-la beita sale-dale boen, leomae Manetualain Fo Manakoasa, Ana hukus so; ala beita tukatei-saledale neun boen.

YEREMIA 23:14

Tehu Au ita nai Yerusalem bai soona, nabi-nabi-la tao-no'i mangalauk lena seluk bai. Ala lasapepeko-lasandandali ma ala hohonge, boema ala tulu-fali hataholi fo manatao-no'i mangalauk-ka de nalosa ta hapu hataholi esa Taka Tei-sale dale boen. Ba'eneu Au soona, basa-basas mangalauk-ka sama leo Sodom ma Gomora.”

YEREMIA 3:3

Hu ndia de, oe ta mai neme lalai mai, ma nai fai sele-nggalik-ka, u'dan-na ta mai fa. O hihii mae, sama leo ina mana sosoa-piaok-ka, ma bibii-mamae tak.

YEREMIA 3:7

Au aedaenga, lelek ana tao basa sila-la soona, neukose ana fali ma'in leo Au mai, te hu ana ta fali ma'i fan, te se'kona neu sosoa-piao. Hu ndia de, Au asi'da on, de Au usi henin. Yehuda, fo Israel tolanon, fo manalilineka taak ndia, nita basa sila-la, tehu ana ta bii-namata'u fa. Lena-lenak, ana da'di manasosoa-piaok,

YEREMIA 5:3

Te'e-te'e, Manetualain nokek-ka nde, lilinekak-ka. Manetualain fepa emi, tehu emi ta mafaduli fa. Ana tao nakalulutuk emi, tehu emi ta nau nanoli emi fa. Emi langa batu, ma ta nau tuka tei-sale dale meme emi sala-singom mai fa.

HOSEA 11:5

Hataholi Israel sila-la, ala ta nau fali ma'is leo Au mai fa, hu ndia de, muse ala fali le'us leo Masir leu, fo neukose leoina Asyur-ra paletas.

HOSEA 7:10

Hataholi Israel-la, koao-ndaeaon nananitak no mangale'dok, de ana da'di buti neu sila salan-nala. Leomae basa sila-la ala da'di so, te ala ta sanga Au boen, do ala fali leo Au, fo Manetualain, fo sila Aman Manetualain fa.

AMOS 4:6

Au nde fe la'a-ndoes neu basa emi kotam-mala, tehu emi ta nau fali leo Au mai fa.

MIKHA 6:14

Neukose emi mi'a-minu, tehu emi ta makabete fa, te emi boetai mamala'a mahele. Neukose emi so'u bua-lo'as, tehu emi ta hapu manea mala fas. Emi manea mala su'di beek-ka boeo, neukose Au tao akalulutuk-kasa nai natee-natatik dale.

HAGAI 1:6

Emi sele-nggali basa bini ngges makadotok so, tehu emi ketu-kolu faanak. Emi manana'ak de emi mi'a, tehu emi ta makabete fa. Emi manuu angol de emi minu, tehu emi dalem-ma, ta namahoko fa. Emi manuu bua papakek, tehu ta dai, soaneu tao nato'bi emi aoinam-ma fa. Ma kuli-la sipo ngga'di-a, ta dai soaneu tao natetu so'dan-nala fa.

HAGAI 2:17

Au akona basa anin mato'bik-ka, ma u'da batuk-ka so, fo ana tao nakalulutuk basa emi tina-osim buna-boan; tehu emi ta nau fali ma'im-ma leo Au mai boen.