AMOS 4:6 - Susula Malalaok Hehelu Palak Ma Hehelu Beuk

⁶ Au nde fe la'a-ndoes neu basa emi kotam-mala, tehu emi ta nau fali leo Au mai fa.

AMOS 4:6 ပူးပေါင်းရင်းမြစ်များ

1RAJA-RAJA 17:1

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”

1RAJA-RAJA 18:2

Boema Elia la'o leona. Nai lelek ndia, soe la'andoes-sa matuainan-nanseli nai Samaria so.

2RAJA-RAJA 4:38

La'i esa boema, la'a-ndoes-sa, ana da'di nai basa nusak-ka lala'en-na. Boema Elisa fali ne'un leo Gilgal neu. Lelek ana bei nanoli nabi bubuak esa, te nadenu atan-na ho'i-na uledae matua esa, fo ana do'de-nasu sila nana'a-nininun.

2RAJA-RAJA 8:1

La'i esa boema, Manetualain fe soe la'a-ndoes-sa nai nusa Israel-la, teuk hitu dalen-na. Manada'dik ndia, beita da'di fa te, Elisa nafa'da basa dede'ak ndia, neu inak-ka neme Sunem mai, fo anan-na nanatao naso'da falik. Elisa boeo nadenun, fo no teidalen-nala, lali heok leo nusa fe'ek leu.

2TAWARIKH 28:22

Nai maso'dak fo henuk no toto'a-tataak ndia dalek, Ahas boetai tao sala-singok neu Manetualain.

YESAYA 26:11

Manetualain, O maheheleaom, fo huku O musum-ma, tehu ala ta bubuluk fa. Nemen-na fo, ala hapu mamaek nai lelek lita O susue-lalaim ba'eneu O anam-mala. Nemen-na fo mate-mopo la'iesak-kasa, hu kande hoholo-lalanek fo O sadian ba'eneus.

YESAYA 3:1

Te'e-te'e Manetualain Fo Manakoasa, neukose Ana ho'i-na basa nana'a-nininuk nanasadiak manai Yerusalem ma Yehuda lala'en-na. Boeo sila lamahena neu basa hataholi-la fo nde:

YESAYA 9:12

Leoina Israel-la beita sale-dale boen, leomae Manetualain Fo Manakoasa, Ana hukus so; ala beita tukatei-saledale neun boen.

YESAYA 9:13

Hu ndia de, ka'da nai faik esa dalen-na mesan, Manetualain huku Israel mauli-malangan ma laun-nala. Ana te'te heni langan-na ma ikon-na de Ana tapa henis.

YEREMIA 14:18

Metema Au u leo mook-ka, au ita mana mateek-kala popolan-nala nanahu natee-natatik-ka. Au ita toto'a-tataak-ka nai kota dalek, hataholi-la hihi lae mates nana la'a-ndoes-sa. Nabi-la ma imam-mala lakalala'ok bela-ba'un-nala te ta lalelak hata fo ala taok-ka fa.”

YEREMIA 5:3

Te'e-te'e, Manetualain nokek-ka nde, lilinekak-ka. Manetualain fepa emi, tehu emi ta mafaduli fa. Ana tao nakalulutuk emi, tehu emi ta nau nanoli emi fa. Emi langa batu, ma ta nau tuka tei-sale dale meme emi sala-singom mai fa.

YESKIAL 14:21

Manetualain Fo Mademaina nafa'da nae, “Neukose, Au huku Yerusalem nenik Au huhukung haa, belan-na seli, fo Au tao amate-amopo, nau hataholi do bana-manu boe. Huhuku ka haak sila-la nde: natee-natatik-ka, la'a-ndoes-sa, bana makaa-makisuk-ka, ma he'di-laus-sa.

YESKIAL 16:27

Besak ia, Au ho'i nakeketuk soaneu huku o, fo Au ho'i falik Au fe o baba'e-papalak-kala. Au fe o leo hataholi Filistin fo, ta lahiik loo o fa, ma ala malua mete o ha'da-tatao manggenggeom ndia.

HOSEA 11:5

Hataholi Israel sila-la, ala ta nau fali ma'is leo Au mai fa, hu ndia de, muse ala fali le'us leo Masir leu, fo neukose leoina Asyur-ra paletas.

HOSEA 5:15

Neukose, Au la'oela Au anang-ngala, losa doi-doson-nala dai, nanahu sala-singon-nala, boema ala mai sanga Au. Fafa'kama, nai doi-doson-nala dalek, neukose ala sanga enok, fo latongo loo Au.”

YOEL 1:16

Nana'ak-ka basan ma mopok-kana nai ita matan, nai ita Manetualain Uman ta hapu eeki-natadalek so'on.

IMAMAT 26:23

Metema, emi la'o la'di basa huhukuk sila-la, te emi beita mamanene Au boen, tehu emi bei lena-la'ban Au,

IMAMAT 26:26

Neukose, emi nana'am-ma basan, nalosa inak sanahulu, ala paluu ka'da mamana tutunu loti esa, soaneu tunu sila lotin-na. Neukose, emi mi'a basa nana'ak ndia so, tehu emi bei mame'da mamala'a boe.

HAGAI 2:17

Au akona basa anin mato'bik-ka, ma u'da batuk-ka so, fo ana tao nakalulutuk basa emi tina-osim buna-boan; tehu emi ta nau fali ma'im-ma leo Au mai boen.

ULANGAN 28:38

Emi sele-nggali bini-ngges makadotok, tehu emi buna-boak ka'da faa anak, nanahu lamak-ka, na'aheni emi bubu'u-palusam.

NINITAK 2:21

Au fe basan fai loak soaneu ana tukatei-saledale neme sala-singo nala mai so, tehu ana ta nau hahae tao-no'i dede'a sosoa-piaok sila la fa.

RUT SUSULAN-NA 1:1

Nai tepo-lelek makahulun eli, Israel beita nanuu manek esa boen, te la'a-ndoes nai Kanaan. Nai lelek ndia, hapu touk esa na'de Elimelekh, neme leo-ingu Efrata mai, de ana leo nai kota Betlehem-ma, nai nusa Yehuda. Hu kande la'a-ndoes ndia, de no saoinan Naomi, ma ana toun duas, fo nde Mahlon ma Kilyon leu leo nusa Moab-pa leu. Boema ala leo leme naa. Lelek ala lei lai naa boema,