AMOS 4:13 - Susula Malalaok Hehelu Palak Ma Hehelu Beuk

¹³ Manetualain Manakoasa nde nakadada'dik letek-kala ma anin-na. Nafa'da dale tutu'un-na neu hataholi daebafak-ka. Ana tao lele'dok ma le'odaek. Ana la'ok nai daebafak-ka poin-na. Manetualain Fo Manakoasa, na'den-na nde ndia.

AMOS 4:13 ပူးပေါင်းရင်းမြစ်များ

AYUB 9:7

Manetualain bisa kena-ka'i le'do tii nai fai fafain-na, ma Ana ta fe nduuk-kala, lasalaa nai fai le'odaen-na fa.

MAZMUR 135:7

Ana fe ko'as-sa mai, neme daebafak-ka pe'dan-na mai, ma Ana tao ndelas-sa, soaneu u'dan-na Boema Ana paleta anin-na, fo daenga ana kalua neme, mamana pepe'dan-na mai.

MAZMUR 139:2

O bubuluk au tatao-nono'ing lala'ena; O malelak au dudu'a-aafing, neme dook-ka mai.

MAZMUR 147:18

Boema, no paletan-na, de eis ndia, ana noe; Ana fe anin-na mai, boema oe-a faa.

MAZMUR 65:6

O mataa ami, nenik O fe ami sesengik, O tao dede'a manada'di beuk-kala, soaneu O soi-tefa-mala ami! O nde namahehenak ba'eneu basa leoina lala'en-na, losa tasi maloaina manai dook eli.

KELUARAN 10:22

Musa so'uk liman-na leo lain neu, de nai faik telu dalen-na, makiu-makahatuk-ka poti-na dae Masir-ra lala'en-na.

KELUARAN 14:20

nai solda'du Masir-ra ma solda'du Israel-la tala'da. Ko'as ndia, neni makahatuk, nalosa le'odae katemak esa, solda'du bubua ka duak sila-la, esa ta hapu deka no esa fa.

YESAYA 40:12

See kande, ana diku liman-na fo ana uku tasi oe-a, do ana uku lalai-a, nenik ana tenga nenik lima ku'un-na? See kande, ana uku dae manai daebafak-ka, nenik tatais do ana tai letek ma pupukuk-kala, nenik tatais?

YESAYA 45:7

Au nde akakadada'dik mangale'dok ma makahatuk, Au fe baba'e-papalak mai, ma soe-a mai. Au nde Manetualain, fo manatao basa sila-la.

YESAYA 47:4

Israel Manetualain malalao-malalafun-na, soi-po'i ita, na'den-na, Manetualain Fo Manakoasa.

YESAYA 48:2

Leomae leondiak boe, o manaku no dalen-namatuak, mae kota malalao-malalafuk-ka, laun o; ma o masala'da neu Israel Manetualain fo loken lae Manetualain Fo Manakoasa

YESAYA 5:30

Nai faik ndia, nai Israel-lala'en-na, lamanene nasanggati natee-natatik-ka kao-kao, sama leo lii tasi-a. Mitak, nusak ndia lala'en-na makahatuk fo neni makase'ek-ka. Mangale'dok-ka da'di makahatu kiu-kiuk.

YEREMIA 10:13

Ka'da nenik paletan-na, de oe-a nadodolo nai lalai-a. Ana fe ko'as-sa neme daebafak-ka pe'dan, ma ana tao ndelas-sa lasalolo'de nai u'dan dale, boema ana haitua anin neme mamana pepe'dan-na.

YEREMIA 10:16

Yakob etualain-na ta sama leo sosongo-tatangok ndia fa; Ndia manamakadada'dik basa hata lala'en-na. Na'den-na nde Manetualain Fo Manakoasa; Ndia nde hele Israel da'di Anan-nala.

YEREMIA 13:16

Emi muse mamatua-mamadema emi Amam Manetualain-na, te ana beita fe makahatuk-ka mai fa, emi eim-ma makatunun nai letelepak-ka, te mangale'dok fo emi mamahehenak-ka beita tao nasafali fan da'dik makiu-makahatuk fa.

YEREMIA 46:18

Au, Manetualain Fo Maso'dak, Au Manek, Manetualain Fo Manakoasa. Sama leo letek Tabor-ra poin-na to'de nai letek-kala tala'da ma sama leo letek Karmel-la poin-na to'de nai tasi-a bafan-na, ndia fo manasapun-na o-a be'i-balakaim leondiak.

YEREMIA 51:16

No paletan-na, oe-la titi-benosi leme basa lalai bu'un-nala mai. Ana fe ko'as-sa mai ma ana tao tataas-sa natabaa nai u'dan dale, ma ana haitua anin-na neme mamana nafuni-na.

YEREMIA 51:19

Yakob Aman Manetualain ta sama leo dodoki-dudulak sila-la; Ndia makadada'dik basa hata-hata nai daebafak. Na'den-na nde been-na Manetualain Fo Manakoasa; Ana hele Israel da'di anan-na.

DANIAL 2:28

Tehu nai nusa so'dak-ka, hapu Manetualain, fo Ana soi heni basa bibila-babaak lala'en-na so, de nafa'da basa Ama Manek, hata fo ana da'di nai fai makabuin. Besak ia, fe atam-a loak soaneu nafa'da mangalele'do me'is ma ninitak fo Ama Manek hapun nai lelek Ama Manek sungu ndia.

DANIAL 2:30

Nafa'da basa atam-ma, bibila-babaak babaak ia so, ta hu kande atam-ma malelan-na lena heni su'di see fa, tehu fo ela Ama Manek hapu bubuluk Ama Manek me'in ndia sosoa-ndandaan, ma boeo malelak la'eneu Ama Manek dale bobongoanan-na.

HOSEA 12:6

Manetualain ndia nde Manetualain Fo Manakoasa. Na'den-na nde Manetualain. No na'dek ndia, nde Ana nau hataholi-a sene-do'ok neun.

YOEL 2:2

Faik ndia makiuk ma makahatuk, henuk no makamamasuk ma'u-ma'uk-ka. Lamak bubuaina esa mai osu-osu sama leo ko'as fo natabaa nai letelepak lain. Manada'dik leondiak-ka, beita da'di nita fa, ma neukose ana ta da'di seluk losa dodoon-na.

AMOS 3:13

Manetualain Fo Manakoasa, ma Mademaina nafa'da nae, “Besak ia taoafik leona, fo fe nasanene'dak neu Yakob tititi-nonosin-nala.

AMOS 5:27

nai lelek Au tu'u-tapa emi leo nusak esa, doo lena neme Damsyik mai. Au Manetualain fo na'de Manetualain Fo Manakoasa, nde manakokolak-ka.”

AMOS 5:8

Manetualain nde tao nduuk manai lalai-la – nduuk Belantik ma nduuk Kartika: Ana tao nasafali makahatuk-ka da'di mangale'dok, ma lele'dok-ka da'di le'odaek; Ana po'a oe manai tasi dale-a leo ma'dak lain mai, Fo manatao basa sila-la, na'den-na nde Manetualain.

AMOS 6:8

No balakaik Manetualain Fo Manakoasa ma Mademaina, Ana fe basa hala nasanene'dak-ka nde ia nae, “Au ta hii hataholi Israel-la koao-ndaeaon fa; Au ta hii sila uma manen fo malole-mana'an-nala fa. Neukose Au fe sila nusan-na polon-na, no basa hata manai dalek-kala lala'en-na, leo musu neu.”

AMOS 8:9

Neukose fain-na losa, Au fe le'do tenak nai lelek le'dohana, ma daebafak-ka makahatuk nai fai lele'don-na. Au, Manetualain Fo Mademaina, kokolak ae leo ndia.

AMOS 9:6

Manetualain nafofo'a Uman-na nai dook-ka nanseli, nai lalai Ana pasak lalai-a nai daebafak-ka poin-na, fo da'dileo Ndia danon, ma Ana po'a tasi oe-a leo dae ma'dak lain neu, fo manatao basa sila-la, na'den-na nde Manetualain!

MIKHA 1:3

Ana kona neme mamana leleo malalao-malalafun mai de Ana la'ok nai lete-letek manai daebafak-ka poin-na.

HABAKUK 3:19

O fe au be'i-balakaik, O tao matea-mahele au eing-nga, sama leo nusa ein-na. Lelek au la'ok nai letelepak lain, O hela-nole au, fo ela au daleng-nga tesa-tama.

ZAKHARIA 12:1

Manetualain hala hehelun la'eneu Israel nde ia. Manetualain fo nakapepela lalai-a, ma nakadada'dik daebafak-ka, boema manafe maso'dak neu hataholi daebafak-ka, nafa'da nae,

MATEOS 9:4

Yesus bubuluk mesen sila la dale nala, de nafa'das nae, “Te tao le'e de emi mape'da dudu'a-aafi mangalauk leondia ka?

YOHANIS 2:25

Ta paluu hataholi nafa'da mangalele'do hataholi esa boen, la'eneu Yesus fa, nana Ana bubuluk basa hataholi daebafa ka dale na so.

YOHANIS 3:8

Ani na, ana hii leo bee neu soona, ka'da neu-neu mesan, fo ita tamanene ka'da ngguu na, tehu ita ta bubuluk neme bee mai, fo ana leo bee neu a fa. Leondiak boe, no hataholi fo nanabongik neme Manetualain Dula Dale na mai.”

ULANGAN 32:13

Ana fes koasa letek-kala; ala la'a tina-la buna-boan ma linu fanioe neme pupuku batu mai. Ala hapu mina neme ai setun fo ala moli nai dae mabatuk-kala.

ULANGAN 33:29

Maua-manalek ba'eneu o, hai Israel! Ta hapu leoina fo, Manetualain soi-tefa fas. Manetualain sama leo o tafainam-ma, ma o babaa fanam-ma; fo nasala'e o, ma Ana fe o sesengik. O musum-mala neukose ala mai fo ala dokodoe o dalek-kasiam-ma, ma neukose o heheta-aa'is.”